影片
更多
2017-01-20
59 浏览
次次同朋友gathering都要諗去邊食，A又想野食抵食，B又想環境好，C又驚cafe野食難食，今次黎左呢間旺角女人街既cafe，因為朋友之前黎過幾次都覺得唔錯，估唔到真係一個同朋友相聚既好地方。由油麻地地鐵登打士街個出口，過左登打士街成幢cafe多幾個檔口，見到有間OK便利店就轉左，行兩三鋪位就係喇!位置的確好方便，路痴表示輕鬆Cafe以簡約風作主題，柔黃燈光配以闊絡座位，比人一種好舒服既感覺，我係平日晚餐時間去，都有唔少位坐，可能啲人未發掘到呢個好地方，因為女人街實在太多選擇？晚餐食物以三類為主，意大利飯同意粉，漢堡包同ribs烤雞等，一百蚊左右，而飲品包一杯$30以下飲品，如果想叫特飲補回差額即可。跟餐的沙律上枱時問職員我無叫沙律喎，職員話係跟餐沙律，因為平時跟餐沙律好細碟，估唔到都唔細，我地三個女仔share都得！生菜新鮮爽脆，蕃茄半個切件上，頗新鮮，以沙律醋調味開胃也唯獨係紅蘿蔔粒粒因爲生食有少少怪本身以為係南瓜粒。墨魚汁魷魚意大利粉$108平時cafe通常都係白汁/茄汁果啲意粉，所以一發現有墨魚汁意粉呢啲貴價少少又好味意粉一定會試首先份量夠哂大份，三個人分享都食到好多。味道
由油麻地地鐵登打士街個出口，過左登打士街成幢cafe多幾個檔口，見到有間OK便利店就轉左，行兩三鋪位就係喇!位置的確好方便，路痴表示輕鬆
Cafe以簡約風作主題，柔黃燈光配以闊絡座位，比人一種好舒服既感覺，我係平日晚餐時間去，都有唔少位坐，可能啲人未發掘到呢個好地方，因為女人街實在太多選擇？晚餐食物以三類為主，意大利飯同意粉，漢堡包同ribs烤雞等，一百蚊左右，而飲品包一杯$30以下飲品，如果想叫特飲補回差額即可。
跟餐的沙律上枱時問職員我無叫沙律喎，職員話係跟餐沙律，因為平時跟餐沙律好細碟，估唔到都唔細，我地三個女仔share都得！生菜新鮮爽脆，蕃茄半個切件上，頗新鮮，以沙律醋調味開胃也唯獨係紅蘿蔔粒粒因爲生食有少少怪本身以為係南瓜粒。
墨魚汁魷魚意大利粉$108平時cafe通常都係白汁/茄汁果啲意粉，所以一發現有墨魚汁意粉呢啲貴價少少又好味意粉一定會試首先份量夠哂大份，三個人分享都食到好多。味道方面，平時墨魚汁一係就好濃一係就好咸，好多時食完都好口乾，今次呢個味道岩啱好，又唔會過咸，扁意粉本身唔係我最中意既意粉，但佢煮得彈牙又唔會過稔，而且意外地掛汁能力強，食落每啖都好重墨魚汁既味道，至於魷魚都唔少，有八九件，三個人分每人都食到唔少，呢個價錢算係咁！！
大烤菇芝士牛肉漢堡配薯條 ＄１０８ｂｕｒｇｅｒ真係勁大個！我同佢影相既時候將佢放埋塊臉側邊，感覺上同塊面差唔多長ｌｏｌ，而我塊面係好大架哈哈！我咁大個口都肯定唔可以一啖咬得哂佢。本身以薯條同沙律伴碟都正常，但伴碟既連薯條都咁多，沙律亦唔係就咁幾塊生菜而係有用果醋調過味，仲有蕃茄添。
影完張靚仔相即刻將佢分屍ＸＤ因為太高大根本無可能就咁食，講下個包先，包好厚身之餘有搽左牛油先再烤至幾脆身，唔會ｈｅａ，烤菇同牛肉呢個主角配搭相直，菇幾軟身且有咬口，而牛肉以少少黑椒調味，唔太重口味之餘肥瘦都適中，芝士係車打芝士所以味道都幾出，唔會用片裝果啲無味芝士，至於點解個ｂｕｒｇｅｒ咁高大？除左牛肉厚身，係因為佢配料都好多，淨係蕃茄都有五塊囉，生菜又幾塊，所以呢啲蔬菜配料都佔左個ｂｕｒｇｅｒ既一半咁濟，令本身好ｈｅａｖｙ既ｂｕｒｇｅｒ變到健康又ｆｒｅｓｈ左，罪惡感即刻降低！ｙｅａｈ！！！
拿啲配料本身已經夠一個Ｍ記包咁高哈哈！
芝士肉醬薯條無錯，由於唔知呢到叫主菜會有咁多薯條做配菜，所以我地另外單叫左呢個薯條，結果係超多薯條！！！因為淨係呢個小食已經多到喊出黎！雖然呢到ｂｕｒｇｅｒ同意粉都令我滿意，但最得我心既竟然係呢到既薯條，身為薯條控，但好多時出去ｃａｆｅ食薯條都稔哂又唔好食，以ｃａｆｅ黎計，呢到既薯條做到夠粗身之餘，最重要係佢放左成晚（因為我地掛住吹水），都可以保持個脆感，煙肉同芝士當然無得輸啦，芝士係ｂｕｒｇｅｒ所用既車打芝士所以一樣味夠咸，如果芝士可以多啲就好喇！！
左邊係我地叫既小食薯條，右邊同上邊係配菜既薯條，但份量都係一樣咁多，真係熱氣死寶寶，可惜佢咁脆，我唔小心就食哂佢地落肚結果同朋友們食到好飽飽咁走，平日晚餐人數都唔多，但真心難得揾到間又有環境食物又高質既地方，終於唔洗去果啲垃圾食物ｃａｆｅ！！！！！
张贴
