影片
更多
2025-06-10
0 浏览
位於將軍澳MONTEREY Place 嘅DHYC，食物同環境都令人眼前一亮！試想像你帶住狗仔，望住個靚海景，慢慢飲啖茶，再啪粒燒賣，成個feel昇華晒！🍤窩貼蝦多士 $88一份有五件，蝦多士金黃香脆入面嘅蝦餡新鮮彈牙雖然唔多唔小都一定有啲油但如果加埋沙律醬會中和返油膩嘅感覺，更加好食🥚鵪鶉蛋松露燒賣 $55一籠三粒，皮薄餡靚遠遠已聞到松露香一咬落去發現鵪鶉蛋仲係流心嘅黃金蛋汁同松露香味一齊爆發口感豐富，味道濃郁又唔會過膩🍞焗叉燒包 $38鬆軟甜香，叉燒份量足外層係又甜又鬆軟嘅墨西哥包入面嘅叉燒肉質軟腍醬汁滲透得啱啱好甜中帶少少鹹🥣明火例湯 $58足料老黃瓜，湯渣都美味湯底清甜又濃郁湯內有好多炆到軟淋淋嘅黃瓜渣入口即化，仲有唔少瘦肉喺食咗點心後飲特別清新解膩蝦餃 $42一籠四粒，大大粒鮮味十足皮都算薄，入面蝦肉彈牙仲有汁咬落去真係有鮮甜嘅味道如果有XO醬就正啦🥟韭菜金錢蟹盒 $55大大粒韭菜盒子，酥脆爆餡外面脆卜卜，入面有絲絲蟹肉同韭菜味道融合得相當唔錯總結：寵物友善加地道滋味，特別啱愛寵人士同家庭客，係值得推薦嘅！
位於將軍澳MONTEREY Place 嘅DHYC，食物同環境都令人眼前一亮！試想像你帶住狗仔，望住個靚海景，慢慢飲啖茶，再啪粒燒賣，成個feel昇華晒！
🍤窩貼蝦多士 $88
一份有五件，蝦多士金黃香脆
入面嘅蝦餡新鮮彈牙
雖然唔多唔小都一定有啲油
但如果加埋沙律醬
會中和返油膩嘅感覺，更加好食
🥚鵪鶉蛋松露燒賣 $55
一籠三粒，皮薄餡靚
遠遠已聞到松露香
一咬落去發現鵪鶉蛋仲係流心嘅
黃金蛋汁同松露香味一齊爆發
口感豐富，味道濃郁又唔會過膩
🍞焗叉燒包 $38
鬆軟甜香，叉燒份量足
外層係又甜又鬆軟嘅墨西哥包
入面嘅叉燒肉質軟腍
醬汁滲透得啱啱好
甜中帶少少鹹
🥣明火例湯 $58
足料老黃瓜，湯渣都美味
湯底清甜又濃郁
湯內有好多炆到軟淋淋嘅黃瓜渣
入口即化，仲有唔少瘦肉
喺食咗點心後飲特別清新解膩
蝦餃 $42
一籠四粒，大大粒鮮味十足
皮都算薄，入面蝦肉彈牙仲有汁
咬落去真係有鮮甜嘅味道
如果有XO醬就正啦
🥟韭菜金錢蟹盒 $55
大大粒韭菜盒子，酥脆爆餡
外面脆卜卜，入面有絲絲蟹肉同韭菜
味道融合得相當唔錯
總結：
寵物友善加地道滋味，特別啱愛寵人士同家庭客，係值得推薦嘅！
张贴
