首先係檸檬無骨雞爪～ 一上枱就聞到好清新嘅檸檬香！雞爪處理得超乾淨，去晒骨食落啖啖肉，口感爽脆彈牙，醃得好入味。酸酸甜甜帶少少辣，仲有微微嘅蒜香，超級開胃！食完一隻接一隻，真係停唔到口，絕對係夏日必點前菜！
主角喜牛牛肉麵都冇令人失望～ 湯底係用牛骨熬製，飲落好濃郁但唔會過鹹，仲有淡淡嘅藥材香。麵條揀咗幼麵，口感夠彈牙，掛湯能力一流！牛肉份量十足，有牛𦟌同牛腩，炆得好淋好入味，仲有啲蘿蔔索晒湯汁精華，清甜到不得了！
呢度環境乾淨舒服，價錢合理，食物質素對得住個價錢～ 特別係個無骨雞爪，真係會令人念念不忘！如果想喺將軍澳食碗靚牛肉麵，呢度絕對係不錯嘅選擇！
