影片
更多
2023-11-22
232 浏览
今個月好精彩💥個囡考試、病左、姐姐放大假都搞到我忙爆，希望12月會正常返啦💪 睇返上個月既相仲有時間同老公去拍下拖👫，我哋近近地帶埋蕃薯仔去元朗教育路Proton食飯。平時見啲人好chill咁帶埋隻狗嘆咖啡☕️，但點解我哋就咁呢hea🫣不過難得係Pet Friendly, 都想帶埋隻囝一齊食既, 帶狗狗就要坐室外，天氣涼涼地都幾舒服架🍂。餐廳走輕工業風路線⛓️，食物就以西餐為主。點了兩份主菜，加$58 upgrade dinner set 多頭盤、甜品，飲品最化算。頭盤可選沙律或餐湯，點了煙三文魚牛油果田園沙律🥗和法式干邑龍蝦湯🦞。沙律清新爽鮮🥬，配上鹹鮮煙三文魚和醋汁，好開胃。龍蝦湯濃稠適中🫕，帶微微酒香和甘澀，味道更有層次感。🍴西班牙麻辣海鮮魷魚筒意大利飯🥘傳統西班牙飯加上麻辣海鮮夠新意，食落辣度係可接受既，幾惹味。海鮮夠多，有魷魚、鮮蝦、青口、帶子，足料。飯粒帶點飯骨，不太黏稠夠口感。🍴烤西班牙伊比利亞斧頭豬扒🥩斧頭扒每次上枱總會令人注目，扒身連骨接近整塊木盤長，墊底是燒過的雜菜，吸收了扒汁也很好吃。切開豬扒肉汁仍十分充裕，炭火焦烤味下是爽嫩肉香，有嚼勁又不鞋口，伴上燒烤汁和芥末醬味
平時見啲人好chill咁帶埋隻狗嘆咖啡☕️，但點解我哋就咁呢hea🫣不過難得係Pet Friendly, 都想帶埋隻囝一齊食既, 帶狗狗就要坐室外，天氣涼涼地都幾舒服架🍂。
餐廳走輕工業風路線⛓️，食物就以西餐為主。點了兩份主菜，加$58 upgrade dinner set 多頭盤、甜品，飲品最化算。
頭盤可選沙律或餐湯，點了煙三文魚牛油果田園沙律🥗和法式干邑龍蝦湯🦞。沙律清新爽鮮🥬，配上鹹鮮煙三文魚和醋汁，好開胃。龍蝦湯濃稠適中🫕，帶微微酒香和甘澀，味道更有層次感。
🍴西班牙麻辣海鮮魷魚筒意大利飯🥘
傳統西班牙飯加上麻辣海鮮夠新意，食落辣度係可接受既，幾惹味。海鮮夠多，有魷魚、鮮蝦、青口、帶子，足料。飯粒帶點飯骨，不太黏稠夠口感。
🍴烤西班牙伊比利亞斧頭豬扒🥩
斧頭扒每次上枱總會令人注目，扒身連骨接近整塊木盤長，墊底是燒過的雜菜，吸收了扒汁也很好吃。切開豬扒肉汁仍十分充裕，炭火焦烤味下是爽嫩肉香，有嚼勁又不鞋口，伴上燒烤汁和芥末醬味道更突出。
跟餐甜品是特濃朱古力蛋糕+藍莓芝士餅🍰，味道和質感都好有水準。
飲品就點了味道清新既🍋柚子檸檬菠蘿梳打和帶點酸澀的🍎蘋果紅菜頭檸檬西柚汁，各有特式。
依度既職員友善，仲問我地要唔要俾水狗狗飲，又開風扇俾佢散熱，真係好貼心🧡
张贴
