太子冰室

今晚同男朋友屋企人出去太子食晚餐，經過太子冰室門口寫住九點半後鐵板扒餐有宵夜優惠，飲料無限添飲剛好個時係九點四，我地唯有喺附近行下，行到夠鐘先入去

我叫左鐵板肉眼扒餐，餐湯有羅宋湯或忌廉湯。蕃茄茸忌廉湯的質地較稀，當是一碗蕃茄湯挺開胃！

跟餐可加海鮮一款，我擇左魷魚筒，估不到都幾大隻，口感軟腍，好易咬

肉眼扒有點鞋口，但不韌，有嚼勁，這個價錢不會要求太高，用剩餘的洋蔥汁撈埋天使麵，飽曬！

因為我地5個人都鋸扒可享75折，埋單二百幾蚊，男士們仲添加左兩杯凍奶茶添，的確好扺食！