太子冰室 (已結業)

9點後宵夜時段...任飲時段...仲有1個套餐95折；2個套餐9折；價錢都吸引...咁就入左去....入到餐廳好多人都食鐵板餐...安排坐卡位...好似窄左少少...於是要求轉位 另一張卡位寬d...態度又Ok wor👍🏻揀左好耐都唔知揀咩好...Waiter又主動話我知另一本晚餐餐牌有圖野食係點但宵夜份量會少D...兩個人去各自叫一個鐵板1+1餐...其實都唔少野.....都幾大份....👍🏻👍🏻一份肉眼牛扒+ 龍脷柳...幾好食喎👍🏻牛又唔硬 唔錯既👍🏻...魚正常既..👌🏻一份ribs+魷魚筒Ribs 好大份....👍🏻👍🏻魷魚筒有雪味😓我係一個麻煩人唔夠蒜蓉汁要求加汁 又要紙巾又要茄汁 又要飯匙 咁多要求 態度都好好👍🏻👍🏻👍🏻👍🏻我覺得羅宋湯幾好飲👍🏻👍🏻朋友白湯話正常👌🏻蒜蓉汁好味👍🏻黑椒汁辣左少少👌🏻野飲任飲😂埋單每人$100都唔洗 超抵食👍🏻環境又唔差👍🏻可一可再👍🏻👍🏻…查看更多

想食扒餐，不過已經9點幾，見到呢間太子冰室有優惠，吾太貴，所以試下啦。。。宵夜餐二人有9折，甘即係吾洗加一，又可以無限refill，都幾扺食。。我點左份自選扒餐，牛仔骨，牛舌，墨丸，扇貝，蒜蓉汁。質素又幾好喎！牛舌牛扒都有牛牛味，吾會只有一陣雪味。之後墨丸好好食！入面有粒粒墨魚肉咖佢個羅宋湯都好好飲，足料又夠香濃。肉眼扒餐好大塊，不過味道就一般啦，好大陣鬆肉粉味同有一大舊根位。呢度多卡位坐得舒服，又有refill，岩哂食飯吹下水啦…查看更多

店名：太子冰室Prince Cafe地點：太子彌敦道747號地下G/F, 747 Nathan Road,, PrinceEdward，電話：23326661(1)            粟米汁斑塊菠菜闊麵條；(2) 香草汁羊柳焗飯；(3) 紅湯（雜菜湯）；(4) 白湯（忌廉湯）； (5) 熱檸茶；  共二人享用本餐，合共接近一百元。食物的色香味如何：·      羊柳不羶，肉質鬆軟； ·      焗飯多汁香口；·      菠菜闊麵條軟稔，可惜就是汁太少，因為吃意大利式麵條，包括螺旋粉、闊麵條、天使麵、通心粉，其實也多汁才可口的；·      斑塊新鮮，·      紅湯和白湯質感好，白湯夠穠、紅湯酸味十足，very good。環境：面積寬敞，蠻有情調。服 務：OK。衛生：良好。抵食：價錢平均。…查看更多

今日出街街 都係周圍行下睇下嘢咁去到夜晚又係time to dinner嘅時候啦真係完全無idea食乜好其實本身對食嘅要求都唔高嘅 都係睇價錢行先求其入咗間食下啲街坊茶餐廳例湯凍檸茶菠蘿海鮮炒飯 $47普通炒飯仔 茶記質素唔算特別有咩火候亦都唔係炒到一粒粒好普通嘅一個炒飯加咗啲菠蘿 菠蘿都唔係特別鮮甜嘅叉燒蛋飯 $47個賣相比我平時食開嘅差同埋多啲配料但佢無令到個飯好食咗仲有佢唔知去邊加啲汁落去成個飯仲衰咗$98 兩位晚飯呢個價錢黎講 呢個質素係一般般嘅就係咁喇…查看更多

這一兩個月來都經常經過這邊，但由於對面聯合廣場上面的鳳城酒家，飲茶相信都不會太便宜，還可能有點兒擠擁，🤔這天又再因緣際會之下來到這間冰室。去到門口，發覺可能以往都曾經內進過一次。剛剛好在旁邊有一張卡位，卡位不算太大，但還是夠位坐。時間差不多是兩時，竟然說忌廉湯已經賣光，因此還是勉強點了個西式羅宋湯，羅宋湯，想不到這麼辣，但味道挺香濃，不會一味死辣，有點兒肉絲、蔬菜、蘿蔔等等。:)焗黑椒汁大肉腸牛扒飯，還不算等得太久，因為之前通常在其他餐廳，點焗飯都是很賭博的選擇，動輒都要等15至30分鐘。🤔其實，正常餐廳都會使用大焗爐，立即焗一個焗飯，真的需要這麼久的時間嗎？結果，太子冰室證實了，即使10分鐘時間，也可以弄出夠熱夠燙，夠鑊氣的焗飯。焗飯的粉底，也不是白飯，有少許蛋絲炒過的，但是都不會太油，不會顯得盤子底下有點油。黑椒汁份量也不少，面頭鋪了少許芝士落去焗，因此可以形成拉絲的感覺。而牛扒份量也不少，應該都有四五片。當然，也是經過鬆肉粉醃過醃林的牛扒，但亦都不至於完全沒有肉味，還有點兒咬口，但亦都不會因為它是平價焗飯已有很多筋。焗飯這種東西，過猶不及，但是太子冰室這兒的，平衡得剛剛好。因此，飯分量不會太多，因為有時，太少你又不夠飽，米飯又會比汁淹死而變得很林；有時飯太多，則不夠，你又覺得很乾很悶很沒趣。:)後來才點的凍檸茶，雖然杯子小小的，圓形那種杯子，但內裏檸檬都有三四片，檸味充足，茶味同香濃，質素相當不錯。雖然在餐廳內有些小插曲，但是以食品質素而言，以及店員的服務態度，其實太子冰室，也算是市區裏邊既方便，食物質素也相當高的餐廳，可以說是抵食夾大件。…查看更多

早幾日再去過兩次試了公司三文治和鐵板紐西蘭牛柳，牛柳叫三成熟红豆冰用碎冰 但飲管太细不方便食红豆，有落比較靚既椰汁飲到椰香和鮮甜的味道，红豆太生唔夠淋不好吃！值得一讚是用的玻璃杯勁涷，放久了也夠冰不易因溶雪沖淡了味道，好吃度👍公司三文治（單點48元，下午茶跟红豆冰52元）材料有牛扒，火腿，炒蛋，酸青瓜，番茄，生菜，千島醬比一般茶記更足料，賣相好 可以看到牛扒非全熟的，生菜番茄好新鮮既，食落有驚喜味道層次豐富，有深度，牛扒有些炭香（ 煙燻味）上層濃味下層清新味道 Balance 完滿， 蕃茄生菜很juicy，味道好過好多茶記豉油西餐，好味道 好吃度👍👍🤝鐵板紐西蘭牛柳賣相一般，配菜比較寒酸，薯條係幼身似老麥既，翻炸既硬脆內裏比較乾的，味道一般，牛柳切開看到唔係三成熱 已經去七成狀態 係最厚肉個心先五成，牛柳拿到好淋冇乜肉味黑椒汁好稀好淡，係好在冇雪味 僅僅好過中伏的金翠餐廳，同冇金鳳咁多油味道十分一般，不建議去叫黎食 套餐123元來説大把更好既選擇後記如果要去建議下午茶時間去，下午茶餐有不少選擇，味道比較食得過價格也相對合理貼地…查看更多

太子始創附近~有間宵夜時段好吃，但是普通就中等價位的晚餐吃扒。依然宵夜時段是最便宜的，但是太晚了呢。兩個人吃的時候最中意分開叫牛，和羊。這樣就可以share一起不同的口味。吃扒當然不要下汁了，自己沾醬汁最好吃了呢。雖然也是不建議選擇醬汁，因為選擇不同味道醬汁對於本身肉的質感口感也是不同的。在這個餐廳，個人比較喜歡蒜蓉汁。然後炒飯是因為帶了小朋友，她並不是肉食動物。炒飯的時間很快~通常點了5分鐘就來了。炒飯火候足夠，也是不錯的選擇。…查看更多

食早餐大家可能覺得無乜特別，只係炸魚腸仔/沙嗲牛肉等普通茶記食品，但「太子冰室」這裡幾特別，特別在唔係食品，係飲品，這裡可以添加飲品的，不限次數！所以令小編有點驚喜，無諗過冰室有得添飲，而且全日供應，真係幾特別！其次食物水準都令小編有驚喜，本以為開在鬧市中既冰室水準會不太好，但原來錯了，水準不但好，份量仲好足！再者不得不提係服務員既態度，佢哋非常友善，而且主動跟進客人訂單，發現有遺留立即補上，絕對值得一讚！最後價錢方面，早餐亦便宜，只需35蚊就食到雙餸麵，絕對值得一試！整體來說，這冰室俾左小編3個驚喜，第一係飲品添飲，第二係食品質素，最後係價錢，所以大家真係要試下！…查看更多

☝🏻系太子食過呢間太子冰室同元朗冰室都已經食過幾次，太子冰室嘅9半後宵夜餐同任添飲品呢下夠晒開心，食過幾次都覺得焗飯做得唔錯，就借佢黎寫篇食後感。今次宵夜我地叫左：蕃茄焗豬扒飯$68鐵板燒宵夜餐$103宵夜餐入面系跟湯，我地order左一紅一白，羅宋湯、忌廉湯，兩個湯都正常嘅，味道都較得唔錯，個人口味會中意白湯多少少，因佢重creamy嘅口感系紅湯唔會有。👉🏻蕃茄焗豬扒飯頭頭食過幾試個飯底系焗得啱啱好，d飯粒仲要好有口感，加上叫左多汁，蕃茄汁撈飯更加好味，豬扒唔會過硬，但唔知點解今次去有d失準，個飯明顯水過多，加米蕃茄汁食落口似食緊粥仔咁💦🤦🏿‍♀️有d失望👉🏻鐵板燒宵夜餐鐵板餐就吸引d，可選擇空間大d，有幾款海鮮配搭比你揀，揀埋要咩汁？蒜蓉汁、黑椒汁等，仲可選跟飯定系意粉，除左個扇貝有沙之外，汁醬唔夠濃之外，都系可接受範圍水平內。雖然食物一般，但9:30後嘅宵夜又做折扣又自由添飲，打唔打動到你就自己諗🙋🏻‍♀️俾多啲機會唔同食店，只要樂意比機會，通常可進步空間好大，時日有加改進會愈做愈好，香港人太健忘太急速，對一般評價或要等既食店都唔會返轉頭，但相信大家可抱着支持本地食店想法，成長對每間餐廳都十分重要，請一齊多一分抱容之心❤️。👍🏻…查看更多

好難得筆者今日可以一個人行下， 原本打算在太子揾間特色餐廳享用午餐……可惜遇上酷熱天氣警告，打亂了計劃。走了一條街已經汗流滿面，迫不得已下隨便走入任何有冷氣的餐廳。在彌敦道上的【太子冰室】擦身而過多次，沒有半點衝動入去。今日因酷熱天氣下第一次踏入【太子冰室】，裝潢沒有特別，就是茶餐廳格局。勝在地方寬敞，而且客人不太多，可以自己挑選坐位。既然來到茶餐廳氣氛的【太子冰室】就試下中式午餐。 中式午餐款式大路，價錢一律$47，包括中湯及餐飲，在今日的香港而且位於鬧市中實在抵食！云云的中式粉麵中，揀左最有代表的乾炒牛河。餐飲、餐湯及乾炒牛河好快送到，好豐富。中湯是冬瓜湯，正正可以解暑; 不過太過多味精，不太健康。【乾炒牛河】 上枱時熱辣辣，香氣迫人， 分量適中。 整體顏色偏淡，碟底泛油情況嚴重。醬油色澤亮麗。牛肉味道比較淡而且不太多及完整，芽菜、洋蔥、韭黃夠多。 合格的乾炒牛河。…查看更多

今日路經，見到寫住牛扒之選定乜鬼，就午餐走去試下，叫左個紅酒乜乜肉眼扒+薯菜+餐湯（$58）凍飲（+$2）。黎到既時候都有8成滿叫左紅湯，黎既速度快，但可能平時食開果間既紅湯比較濃稠，相對依間比較稀水啲，但有料。跟住黎凍飲，奶茶少甜少冰，算係做到，但味道一般。但仲飲緊湯既時候突然黎個焗飯，叫番上菜條友唔知佢聽唔到定乜，叫兩聲都唔轉番過黎。最後揾第二個黎攞走，我見湯飲完，等左陣個主菜都未黎就揾人跟跟單，我以為佢寫錯焗飯，岩岩叫完個主菜就黎。個主菜有兩大塊牛扒同薯菜，牛扒唔同一般茶記果啲，而真係有厚度既牛扒，一塊突別厚，但果然太厚，熟過頭，咬落好靭有汁但冇牛味，冇咁厚果個就好咬啲，「林」啲，但一樣冇牛味，果個紅酒汁，可能我冇乜食過好野，冇紅酒味，得少少酸味。薯菜就係老麥薯條，數量比我隔離枱既偏少。同樣係牛扒，但可能係午餐，質量冇咁講要求，但依次既經驗令我懷疑係咪真係牛扒之選？…查看更多

今晚同男朋友屋企人出去太子食晚餐，經過太子冰室門口寫住九點半後鐵板扒餐有宵夜優惠，飲料無限添飲剛好個時係九點四，我地唯有喺附近行下，行到夠鐘先入去我叫左鐵板肉眼扒餐，餐湯有羅宋湯或忌廉湯。蕃茄茸忌廉湯的質地較稀，當是一碗蕃茄湯挺開胃！跟餐可加海鮮一款，我擇左魷魚筒，估不到都幾大隻，口感軟腍，好易咬肉眼扒有點鞋口，但不韌，有嚼勁，這個價錢不會要求太高，用剩餘的洋蔥汁撈埋天使麵，飽曬！因為我地5個人都鋸扒可享75折，埋單二百幾蚊，男士們仲添加左兩杯凍奶茶添，的確好扺食！…查看更多

係旺角太子附近食早餐，行過太子冰室真係冇睇錯，30幾蚊早餐仲可以無限添飲，仲要免加一! 環境又唔錯，甘平，真係非試不可。我叫左個龍利魚柳餐，37蚊ge早餐真係好大份，好豐富啊! 除左魚柳之外，仲有一大塊薯餅，少少沙律菜，香腸，煙肉，煎蛋，粟米。。質素仲要唔差呢! 雖然魚柳個炸皮有少少厚，但整體黎講都幾厚肉。最好味係塊薯條! 又脆又熱辣辣，味道冇其他食物甘重味 (特別係有汁個d，比較重味) 最後兩人甘豐富ge早餐只係76，慢慢食坐足1個半鐘，Hea一個早上。。…查看更多

心血來潮想鋸扒 行過太子見到呢間冰室 帶點舊式冰室既風格 行入去仲有個甜品櫃 餐廳環境幾暗 冷氣又大 晚飯時間黎人流都算多叫左個魚扒同雜扒魚扒 有雪藏味 唔係好掂 叫做有個洋蔥汁搭配下蓋一蓋陣味 份量就少d 雜扒相對較抵食雜扒餐：雞扒同牛扒都幾大塊 仲有成條粟米 司華力腸 火腿扒 黑椒汁幾濃味蒜蓉包一人有兩塊幾脆口 但略嫌唔太夠蒜味 紅湯比白湯好飲 白湯好稀少少咸味同好多粟米質素就普通茶餐廳味 水準不過不失 不過想鋸扒唔會再黎 叫做試一試就算啦…查看更多

·French Toast w/ Red Bean Ice🥞🍸·They were both supposed to be a good old combination. Both looking pretty good and appetizing tbh. But the red bean ice really ruined it all... Probably the worst red bean ice drink I've ever tasted...😢This red bean ice tastes like plain water with a little sugar and milk, the red bean was supposed to be cooked throughly until it's soft in texture. But nahhh😂 hard like m&ms wut da hel.🔴 Hard red beans with sugary water...🍼But luckily their French toast saves the day, the quality was totally different lmao!🛫 Crispy golden-brown toast spread with butter and maple syrup; sweet, greasy and savory, all at once.😋🤤 Never had such a dramatic plot twist in a simple tea meal lol.…查看更多