大滾友火鍋 (美新大廈)

呢間餐廳環境好chill,宮廷既設計紅燈籠同龍椅勁吸眼球，金壁輝煌好靚，呢度仲用左機械人送餐令食物可以更快甘送到客人度享用，三五知己一齊黎食飯慶祝岩晒。

我地叫左一碟牛肉拼盤入面有手切牛頸脊油脂分佈平均雪花花紋較多入口軟熟，牛舌爽口，牛柳粒肉味濃煮完唔會好韌，花雕酒浸牛肉小編推介有酒既香味令到肉質食落無甘鞋而且比較厚切，額外叫既澳洲和牛金錢𦟌。

另外叫左花膠雞湯底，雞湯養顏又好飲，雞肉份量有半隻仲要肉質嫩滑。

爽脆藤椒魚皮：少少辣又惹味好爽脆口感一啖接一啖甘食唔停既小食。

芥末墨魚丸：墨魚丸彈牙加芥末醬少少辣又刺激。