浜滝

营业中

休息中

近宋皇臺站嘅呢間Hamataki居酒屋，餐廳內掛滿左各款和式旗幟，仲有幅好靚好colourful嘅壁畫裝飾，的確令我諗起真係日本街頭啲居酒屋！野食方面，款食非常多。沙律、刺身、燒物全部都勁吸引。日本蠔只係$48一隻好鬼抵！我嗌左兩隻食，真心大隻又鮮甜。超推介！壽司款其中有兩款，精緻到我覺得好難忘同超級欣賞，就係海膽拖羅花多士，同埋神戶和牛海膽蟹卷。海膽同拖羅都係超鮮甜，量又多，加埋魚子醬成件事好高級好正😍多士脆卜卜，成舊啪落口口感豐富好好食！和牛係3成熟左右，入口即溶嘅口感，和牛上面嘅海膽又係好多，然後都有魚子醬。擺得咁靚可見餐廳真係好有誠意。好值得再黎！