影片
更多
2022-04-28
955 浏览
一向係筲箕灣東大街-安利大排檔嘅忠實fans！當我知道佢地會喺灣仔開一間副線～廣麪子！真係令到我呢個灣仔地膽非常高興又開心！廣麪子嘅餐牌無論價錢同食物種類都同安利差唔多，當然唔少得正宗牛腩鼓油王撈麵，切腩、片頭、魚蛋、魚片仲有招牌鮮油奶多士等！店內裝潢簡潔，深藍色主題傳統得黎帶點加型格，店內坐位唔多，但都算濶落。🥩清湯切腩魚片撈粗🍜 $60 （轉沙腩＋$10） 一向食開清湯腩，見倒menu有沙腩立即轉軚！沙腩位於橫膈膜附近，肚皮兩邊的腩位，面積小及有塊薄軟膠質，牛腩質地非常軟嫩，膠質爽而不硬，簡直係極品！魚片彈牙香口，配埋香甜同麻油香嘅醬油撈粗，粗麵唔重規水味仲幾爽口！冇得彈！ 🎣魚蛋魚片撈伊麵🍜 $58 （轉伊麵＋$8） 招牌魚旦同魚片，魚肉味清香爽口，撈伊麵嘅麻油味特別出！醬油香濃而唔會太咸！味道均勻，撈伊麵帶點煙韌煮得啱啱好！配埋鎮店之寶自家製辣椒油食🌶️更惹味！雖然邪惡但係我最愛嘅配搭！🥟炸雲吞 $46/8粒：晚市點埋小食，炸雲吞係首選！ 粒粒炸至金黃色嘅雲吞，外脆內軟，冇得彈！🐟炸魚皮 $26 ：見倒隔離枱食，又忍唔住叫左一份炸魚皮！炸得好酥脆！仲會跟一小碗湯，浸一浸湯食又另一
🥩清湯切腩魚片撈粗🍜 $60 （轉沙腩＋$10） 一向食開清湯腩，見倒menu有沙腩立即轉軚！沙腩位於橫膈膜附近，肚皮兩邊的腩位，面積小及有塊薄軟膠質，牛腩質地非常軟嫩，膠質爽而不硬，簡直係極品！魚片彈牙香口，配埋香甜同麻油香嘅醬油撈粗，粗麵唔重規水味仲幾爽口！冇得彈！
🎣魚蛋魚片撈伊麵🍜 $58 （轉伊麵＋$8）
招牌魚旦同魚片，魚肉味清香爽口，撈伊麵嘅麻油味特別出！醬油香濃而唔會太咸！味道均勻，撈伊麵帶點煙韌煮得啱啱好！配埋鎮店之寶自家製辣椒油食🌶️更惹味！雖然邪惡但係我最愛嘅配搭！
🥟炸雲吞 $46/8粒：晚市點埋小食，炸雲吞係首選！ 粒粒炸至金黃色嘅雲吞，外脆內軟，冇得彈！
🐟炸魚皮 $26 ：見倒隔離枱食，又忍唔住叫左一份炸魚皮！炸得好酥脆！仲會跟一小碗湯，浸一浸湯食又另一種味道，而且完全唔油！必點😋 ！
🥤飲品我地點左鮮忌廉紅豆同消脂青檸，兩杯都唔錯！
廣麪子
地址📍：灣仔大王東街2-4號安興大廈地舖
张贴
