豆漿大王

营业中

休息中

放假，侄女上咗外婆度，約埋細佬食早餐。想食粢飯，一早打電話確定紅日有開門先行過去。幾個人食可叫多幾款分享。肉鬆蔥花球賣哂😔換咗生煎包，煎到好似花朵圖案咁，都幾熱，但我嫌唔夠脆香口。醬爆肉碎夾饅頭有啲炸菜微辣爽口，我覺得可以多汁啲先不負“醬爆”之名。粢飯嘅炸菜油炸鬼肉鬆都幾多，個糯米飯又唔會蒸到濕哂溶，好味😋菜肉雲吞麵嘅肉絲醃得好甜而且瘦肉好實，麵條又腍，聞落啲味怪怪地，唔鍾意。凍豆漿稍甜，熱豆漿可自己加糖但就咁飲都夠味，咸豆漿冇過鹹，而且幾多料，幾好😋。