蘑界野生菌石鍋雞

成日返大陸嘅，一定有食過呢間，就算冇食過都一定見過佢排隊嘅盛況，估唔到香港都開咗啦，選址沙田新城市廣場，真係非常方便，大家唔使返去排隊啦😍😍😍佢係全國首家野生菌專門店，以「自然健康+沈浸式養生體驗」為核心，所以喺深圳人氣一直高企👍🏻佢以高原野生菌為主，用墨脫石鍋打造嘅火鍋。佢仲有款野生菌可以當刺身食，叫做金耳菌，口感真係好特別，一定要試嚇。呢個高原野生菌土雞湯底，真係非常鮮甜，我哋再加入四季菌雙拼同埋新一代見手青，冚蓋再煮幾分鐘，之後再加入土雞，再煮幾分鐘，就可以飲湯啦😍職員好好，會幫我哋校定鬧鐘，鬧鐘響咗佢哋又會過嚟幫手放食材落去，咁嘅服務真係以為自己返咗大陸☺️飲完湯之後就可以食雞同埋菇，隻雞真係好嫩滑，配上佢嘅靈魂醬汁，真係唔係講笑，呢個醬汁真係好好味，配任何食材都啱👍🏻唔同嘅菇又唔同嘅味道同口感，當然都離唔開一個鮮字☺️之後梗係要烚吓貴州鮮切吊龍啦，呢度嘅吊龍肉質特別嫩，而且唔肥，配合呢個湯同埋醬汁非常好味。呢度仲有喺香港好少見嘅高原七彩土豆同埋板蘭根，板蘭根係一種有啲似菜心嘅菜，值得一試。除咗火鍋，佢仲有好多小食，例如呢款鮮鹵牛腱肉同埋鮮鹵豬耳，鍾意食滷水嘅人一定鍾意食，少少辣好