我首先試咗「古早味排骨滷肉飯」，呢個排骨便當排骨炸得非常好，再有少少醬汁，咬落去肉質軟嫩，真係好味。飯吸咗滷肉汁，，再加滷肉，甜甜地好夠味，食落去口感滑。搭配啲燙青菜，加$12，係一個健康嘅搭配。這份便當仲有半隻滷蛋，同少少酸青瓜，幾過癮！
跟住，我試咗「招牌三寶麵」，一碗紅湯三寶麵真係幾豐富！有牛腩，牛肚，牛筋，每樣味道都好出色，拍得住專門整牛肉嘅舖頭，值得一試。麵條粗厚，吸得紅湯味道。
小食2個餐試晒4款：台式香腸，鹽酥雞，炸幸鮑菇，花枝丸。個人最中意炸幸鮑菇，多汁好味。
1
飲品方面，我叫咗「黑糖珍珠奶茶」，微甜，珍珠彈牙，仲有一啲醇厚嘅奶香。而「台灣綠茶」，微冰和無糖，飲落去清新又爽口，。
整體嚟講，「金緣居」嘅食物質素高，服務態度友善，價錢合理。 最重要係1個餐嘅價已經包2款小食，好食又抵食啊！
1
