金緣居台式料理

# 🍜【食評】長沙灣後街發現台式驚喜 — 金緣居 最近喺長沙灣行街無端端發現咗間新開嘅台式餐廳 **「金緣居」**，位於彰華街入面，有啲隱蔽，不過入到去即刻覺得幾舒服。室內裝修清新，有花花吊飾、磚牆同木枱，滿滿台式小清新氣氛，好似真係去咗台灣咁。 ---## 🍱 大大份雞扒滷肉飯 — $88 呢個套餐真係震撼我，同老婆一見個雞扒上枱即刻「嘩」一聲，超級大塊，差唔多佔晒半個碟位！ 外皮炸得金黃香脆，內裏雞肉依然嫩滑多汁，咬落去有聲「咔嚓」咁，肉味又香濃，完全唔乾柴。滷肉飯亦十分出色，滷汁鹹香入味，肥瘦比例剛好，白飯都吸滿咗滷汁。 飯量仲可以揀多飯Option，啱晒男仔或者大食人士。 最欣賞係佢個套餐仲附送兩款小食菜（鹹鴨蛋同炸小丸子）再加一碗甜品，真係10分有誠意。 ---## 🍜 台式三寶麵 — $88 老婆嗌咗台式三寶麵，入面有牛筋、牛腩、牛肚，全部炆得好腍，完全唔韌。湯底紅通通但唔會太辣，係嗰種帶微辣香氣、略帶椒香嘅紅燒湯。 每啖湯都飲得出用心熬製，唔係嗰啲味精湯底，牛香滲晒出嚟，好地道台灣味。 份量都夠晒誠意，一碗麵都幾大碗，加埋配菜竹筍同炸魚蛋仔，真係食飽晒。 ---## 🥣 綜合酸辣湯（加$20） 原本諗住只係配角，點知又係驚喜位！ 酸味開胃，胡椒香明顯，飲落暖笠笠。唔算好辣，但台味十足。入面料都幾多，有豆腐絲、木耳、肉絲同金菇，一碗賺番哂。 ---## 🧋 飲品：珍珠奶茶 + 芋頭奶綠 呢兩杯飲品真係飲出童年回憶嗰種味。 **珍珠奶茶** 奶味厚實但唔膩，珍珠煙韌有嚼勁。 **芋頭奶綠** 芋頭味天然香滑，綠茶底平衡到整體甜度，飲落去唔死甜，好順喉。 兩杯都明顯用料唔錯，有種用心感覺。 ---## ☕ 整體印象 雖然餐廳位置唔算方便，坐落喺長沙灣比較靜嘅小街，但店入面裝修真心舒服，環境乾淨、有氣氛，食物質素高、份量足。 佢哋啱啱新開仲有優惠活動，飲品買一送一，抵上加抵。 ---## 🌟 總結 | 項目 | 評分（滿分10分） ||------|----------------|| 食物味道 | 9.2 || 份量誠意 | 9.5 || 環境氣氛 | 8.8 || 飲品水準 | 8.5 || 整體CP值 | 9 |💬 **總評：有誠意、有水準、性價比高。** 無論係炸雞控定滷肉飯迷，都一定要試試。 「金緣居」係嗰種行過唔起眼、但食完會記得嘅良心台式小店。 下次我一定會再嚟試佢哋嘅麻婆豆腐飯或者牛肉麵，再配返杯黑糖冬瓜茶～ 😋…查看更多

$88喺長沙灣食午餐，的確唔算平，平過佢嘅選擇大有人在。睇下餐牌有咩食，睇完用QR CODE 落單依家2點未夠，只可以叫全日餐，價錢高啲。人流唔算多，本身係因為新開店，感覺環境靜啲，可以hea住慢慢歎，食得舒服啲，係已知嘅好處。不過第一次食台灣套餐，有前菜、小食、飲品同甜品--唔係平但係「抵」；食過之後夜晚份量可以縮減，慳返一餐錢。🍱大大雞排滷肉飯餐 $88南投雲筍麻油涼拌嫩竹筍，沙少辣油夠開胃炸花枝丸花枝丸炸到金黃，外脆內彈牙，花枝粒感突出，食落鮮味同咬口一樣有驚喜。炸杏鮑菇外層薄脆、咬落煙韌多汁，一絲絲纖維原來有食肉嘅感覺，啖啖菇香完全唔油膩。大大雞排雖然叫大大雞排，都用左台灣地瓜粉炸法，不過用雞腿肉，代替台灣常見嘅雞胸，呢種做法鹽酥雞比較常見，但大雞排就好少。炸粉一樣香脆，但食落更嫩滑唔乾柴，材料更易買，更加確保唔係急凍預製菜。人地切件係為左節省成本，呢度係為左俾俾食多幾件，感覺應該有1.5塊茶記雞扒嘅份量，原來假貨比真貨更好。滷肉飯呢個滷肉飯，有油香分明嘅五花腩粒，配半隻入味滷蛋。表面係南部口味，又加咗香港本地元素—用絲苗米取代珍珠米，食落粒粒分明、唔會糊。日式黃蘿蔔，變成白醋醃青瓜，更加酸甜開胃。食到一半又有驚喜，滷汁放飯底又係大加分，食落唔會濕晒，保持飯粒乾爽又入味！真係幾多飯都唔夠送，完美演繹本地台式fusion！😋仙草芋圓呢碗仙草芋圓睇落超吸引，啲芋圓色彩繽紛又煙韌，真係分到紫色係紫薯，白色係芋頭。黑色仙草軟滑又爽口，糖漿加奶又香又甜，食完透心涼好滿足！😋水果烏龍茶 +$9呢杯水果茶，放棄常見嘅蘋果、橙、西柚。改為大大塊西瓜加去皮蘋果，浸喺烏龍茶底，色水清新，賣相已經贏晒。生果真係預客人會食嘅，滿滿嘅維他命C。生果本身未開味，等浸耐啲就有微微西瓜清甜滲出，茶味唔苦搶分，完全無柑橘類生果，都做到暑氣全消，食材新鮮又冇加工感，港台fusion做到一流！🍉總體賣相一流，色香味俱全，份量大、材料新鮮、冇預製感覺，完美港式台味fusion。總數：$97…查看更多

最近我同朋友去長沙灣睇戲，行行下見到喱間金緣居台式料理，價錢又幾合理。我地2個叫左2份全日套餐，紅燒牛肉面同埋一份大大雞排滷肉飯，價錢幾十蚊，仲包埋前菜、小食﹑陳飲同埋仙草芋圓甜品。紅燒牛肉面紅燒牛肉面嘅牛肉煮得軟腍入味，湯底濃郁，麵條彈牙，有一種置身台灣既地道感覺。大大雞排滷肉飯講起台灣野就一定會諗起雞排，喱到個雞排滷肉飯都做得唔錯，雞排超級大份，外脆內嫩，滷肉的醬汁搭配白飯簡直係絕配！不過我減肥中就真係唔食得咁多啦XD套餐其實仲包括前菜同小食，我地叫左小黃瓜﹑貓耳朵﹑雞米花同埋香腸，小食既份量唔多，但作為配菜都非常足夠，仲可以試多幾款。炸地瓜條炸地瓜條值得特別一提，我個人超鐘意佢外面金黃酥脆，但裡面保持到地瓜的軟綿口感，好香口!仙草芋圓仙草芋圓係一小碗份量，滑嫩的口感同頭先大有不同，完美咁為我地結束喱一餐。雞排刈包/粢飯另外，我哋見到餐廳新出左個雞排刈包，都叫左一份雞排包同粢飯帶返屋企做早餐，雞排超大舊勁正，鬆軟嘅餅皮搭配埋個比較濃味既雞排，值得一試！仲有我平時最鐘意食既粢飯，粢飯都係用到糯米包油炸鬼，非常足料，作為早餐食勁滿足。…查看更多

為食花太郎 Fafafoodblog 金緣居台式料理 🍴大大雞扒滷肉飯 88 蚊🐥雞扒真係好大件 出面好香脆 好夠咸香味 飯上面既滷肉 肥同瘦肉都有 好有口感🐖🍴招牌三寶麵 88 蚊🍜加麻辣鴨血 18 蚊🦆好彈牙大件既麻辣鴨血 加燙青菜12 蚊🥬前菜 小黃瓜 貓耳朵 滷蛋 小食 雞米花 炸花枝丸 台式香腸 甜品 仙草芋圓芋圓彈牙 甜度適中 個仙草都好夠爽滑 加9 蚊特飲 珍珠奶綠黑糖珍珠奶茶 🍴捲葱餅 牛肉36 蚊個餅皮有d似印度薄餅 有層次感彈牙 入面有青瓜絲同牛展肉 好有口感 用埋北京片皮鴨既醬 🦆#台灣菜 #牛展 #准山麵 #芋圓 #仙草 #鴨血 #滷肉 Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#金緣居台式料理 長沙灣昌華街23 號地下16 號鋪~~~~~~~~~#fafafoodblog #為食花太郎 #fafafoodblog長沙灣====================…查看更多

親友知我都鍾意食台灣菜，佢就介紹我去佢屋企附近新開嘅「金緣居台式料理」，佢話啲套餐好抵食，性價比高，所以，趁周五晚同老婆嚟輕輕鬆鬆食番餐。補充一點，餐廳嘅地址寫「昌華街」，但餐廳嘅入口實際晌「青山道」，一來親友有溫馨提示，二來小弟對呢區都熟，所以，唔難搵。走進餐廳，一字長形左右兩排餐枱，兩邊仿磚牆，掛上少少油畫，睇落就跟台灣無乜關係，而最突出喺天花周圍都吊咗好多植物，此外，最緊要都喺地方整潔。先介紹吓餐廳嘅散點餐牌，有非常多選擇，分類包括咗前菜、店式小食、滷水、湯、拌麵、湯麵、湯飯、水餃、飯品及甜品，仲列齊邊啲喺人氣，邊啲喺推介，最好喺唔收加一嘛！不過，講到抵食，非全日套餐莫屬，包1前菜、2小食、主食、甜品同基本飲品，當然可以升級為特飲，又可以追加一啲菜式，易於分甘同味:)。順便都貼埋早餐、下午茶同兒童餐俾大家作參考，睇起嚟同樣划算。基本上，餐廳採用二維碼落單，但不得不讚讚佢個落單系統，除咗分類清晰之外，菜式比餐牌顯示嘅多，而大部份食物都有再細分嘅選項，好似我揀嘅三寶麵，可轉淮山麵、米粉，湯底亦可以轉，特飲可揀冰量、甜度外，仲可以額外加唔同配料，一如晌出面賣台式茶飲店咁，非常有彈性。清燉牛肉湯米+滷蛋+雞米花+炸花枝丸 $72呢個喺老婆所選嘅組合，由湯麵轉咗湯米，選番清湯，湯頭雖然清，但唔覺寡。滷蛋雖香，但未有溏心效果；雞米花似喺鹽酥雞，外脆內軟；而花枝丸等我下面再講。雖然菜名叫牛肉，其實喺牛腱位，厚切大大件，好鬆化嫩滑，確喺唔錯。招牌三寶粗麵+小黃瓜+台式香腸+炸花枝丸 $88小黃瓜睇起嚟普通，食落就知喺醃漬過，脆爽酸香，好有開胃之效；香腸皮脆鹹香，肉質挺實，亦唔覺好肥，仲伴有生蒜頭；花枝丸炸得香口，有墨魚鮮味。三寶即喺牛腩、牛肚、牛筋，先飲啖湯，濃香而不濁，而牛腩好鬆化，牛肚爽口，牛筋軟腍有咬口，樣樣都滷得入味；麵條就揀咗粗麵，柔韌耐浸，極具咬口，食到尾都無話腍晒:)。仙草芋圓雖然只得一小碟，純粹過過口癮，但質素唔錯，剛好三色芋圓（地瓜、香芋、紫薯）每樣一粒，咬口有韌勁，而仙草非常滑溜，淋埋花奶，啱晒我。古早冬瓜茶加紅豆 +$10老婆想清潤少少就選上冬瓜茶，而佢本身好鍾意紅豆，就加配一份紅豆。撈一撈，真喺堅有冬瓜，味道確喺清潤消暑，揀咗少甜，甜度啱啱好，合晒佢口味，紅豆亦好清甜。黑糖珍珠奶茶 +$9去茶記就近乎必然點奶茶，食台灣嘢又喺近乎點珍珠奶茶，有黑糖就百份百揀黑糖口味。奶茶做出基本水準，因為加咗黑糖，入口就更為醇厚清甜，珍珠口感亦夠晒煙韌，揀咗少冰、少甜，就確喺少冰，飲到尾茶味都唔會太過淡。招呼確喺幾到位、貼心，而侍應好有禮，目測所見，幫襯都喺街坊多。試過兩份套餐，果然正如親友講性價比真高，值得回訪，支持小店。…查看更多

今日和朋友去長沙彎看電影，之後我們便來了這間餐廳吃晚餐。香酥排骨滷肉飯餐（$78）：香酥排骨外皮香脆，內肉鮮嫩，咬下去時的對比非常愉悅。而滷肉則是軟嫩的口感，與香酥的排骨形成很好的搭配。滷肉的醬汁濃厚，帶有微微的甜味，與堅實的排骨搭配，增添整體風味。炸花枝丸：炸花枝丸的外皮炸得金黃酥脆，咬下去時能感受到脆脆的口感，內裡則是鮮嫩的花枝，讓人一吃成主顧。台式香腸：台式香腸的外皮偏脆，內部肉質鮮嫩多汁。當你咬下去的瞬間，肉汁會在口中爆發，帶來豐富的肉香。仙草芋丸：仙草芋丸外皮Q彈，內餡綿密，讓人一口咬下去，感受到香甜與軟綿的搭配，十分滿足。大大雞排滷肉飯餐（$115）：炸雞排的外皮金黃酥脆，內裡肉質鮮嫩多汁，入口後能感受到炸雞的香氣。滷肉飯方面，飯粒充分吸收了滷汁的精華，吃起來香氣四溢。麻辣鴨血：鴨血質地滑嫩，有著彈性，進口時能感受到其細膩的口感。而麻辣的調味則增添了多層次的味道體驗，麻的香氣和辣的刺激在口中交融，讓人食欲大開。…查看更多

放工想食啲唔太貴嘅晚餐？呢間金緣居真係好啱！😋主打紅燒牛肉麵、滷肉飯、炸雞排同台式甜品，價錢親民、份量十足，夜晚嚟食都好有台灣小館 vibe～🍜 紅燒牛肉麵全日套餐（配貓耳朵＋台式香腸＋炸杏鮑菇＋仙草芋圓＋芋圓香芋奶綠）湯底啖啖牛香，好濃郁但唔會太鹹，飲得出用咗時間熬。牛炆到軟腍入味，食落啖啖滿足；麵條煙韌彈牙，吸晒湯底精華～配菜都幾有心思，台式香腸非常香口、貓耳朵好開胃，炸杏鮑菇外脆內嫩，一咬爆汁🤤甜品仙草芋圓煙韌香滑，配埋香芋奶綠～即刻覺得超幸福💜🍱 大大雞排滷肉飯全日套餐（配南投雲筍＋炸花枝丸＋雞米花＋仙草芋圓＋熱蜂蜜綠茶）雞排上枱香氣四溢🔥 炸得金黃香脆，外層微辣微鹹、肉質厚實 juicy！滷肉飯亦係亮點～滷汁香濃、油而不膩，配飯一流，食落每粒飯都掛滿滷汁香。小食份量唔少，花枝丸彈牙、雞米花香脆、南投雲筍清爽解膩，配搭得啱啱好～好味指數：🌕🌕🌕🌕🌗🧾 總結：真係有台灣小店感覺💛食物整體質素穩定、份量足、價錢合理～兩個套餐都食到好飽！…查看更多

今日同朋友仔去咗長沙灣，見到呢個台灣嘢好似唔錯，見到佢啲套餐都幾多樣化入去舖頭座位都多，而且都播住台灣嘅歌曲我哋於是一人叫咗一個套餐，朋友仔叫咗大大雞扒滷肉飯餐，入面會包一個前菜小食飲品同埋甜品，我哋叫咗個滷水蛋、炸花枝丸、炸杏鮑菇，佢個大雞扒真係好大塊，對比平時食開嗰啲好似有1.5倍咁大塊，而且炸到脆卜卜好香口，真係好抵食，咁我哋就再加錢加咗個冬瓜茶，都好好飲而我就叫咗個招牌三寶麵，我轉咗淮山麵，而三寶係牛肚、牛筋同埋牛肉，前菜方面我揀咗小黃瓜，感覺好似fresh啲，而小食我揀咗炸花枝丸同埋雞米花，雞米花就應該係炸雞柳，而三寶麵有少少辣，都幾慳口，配搭返啲牛肉都唔錯，另外仲加咗個珍珠奶茶好滿足而我哋再加咗個肉燥青菜，係菜心嚟嘅，配咗啲肉燥汁，都唔錯成餐飯性價比都好高，而且咩都有嘅感覺，好滿足…查看更多

我哋兩個人食，叫咗兩個套餐：1️⃣大大雞扒滷肉飯2️⃣雜錦酸辣湯水餃兩個套餐都可以叫一個前菜加兩個小食，仲有甜品。我哋嘅前菜叫咗滷水蛋，滷水蛋味道中規中矩😋前菜有杏鮑菇、雞米花同花枝丸。呢三個小食都好好味，尤其係杏鮑菇，雖然出面係炸嘅，但咬落去入邊嘅菇仲係有好鮮甜嘅汁！好好味！ 雞扒滷肉飯套餐裏面嘅雞扒超大份量，佢有少少薑味，好香口！ 我哋將滷肉飯轉左粗麵，味道都唔錯！水餃裏面係菜同埋豬肉，味道唔會好濃，咬一啖再浸啲汁入去好好味😆😆酸辣湯底嘅辣到啱啱好👍嘢飲我哋叫咗黑糖珍珠奶茶，超大杯，裏面好足料，有好多黑糖珍珠！我覺得正常糖有d太甜，男朋友嗌咗微糖就啱啱好！店員嘅服務態度好好、好友善！整體嚟講，好抵食！…查看更多

嗱，咁講！我寫了十幾年 Openrice, 係好少劣評的，要我去比得劣評，已經可以代表住無可救藥。通街都係台灣菜館，間間都好號稱小店，地道乜乜乜，當中良莠不齊，一不小心分分鐘遇上直升機，旋轉翼：「伏！伏！伏！」其實小店唔一定代表好食， 當日我就鬼揞眼，走佐入一架海豚式直升機。 後悔難返！嘉儀雞肉飯：台灣民間有句說話，就係「每日一隻蛋菜刀靠邊站，久久沒見蛋，嘉儀雞肉飯」聽上嚟好似好恐怖，好殘忍，但大家都知肉食係由動物來嘅，除非時完全食齋，否則呢啲嘢都唔好想！ 言歸正傳，呢個嘉儀雞肉飯難吃到一個點，事關雞肉又乾又嚡，感覺就似咬橡膠拖鞋咁，米飯都係好乾身，我平時食開軟飯㗎嘛，咁硬嘅飯我真係吞唔落，而且味道真係有啲怪，而且食起上嚟啲雞肉好大陣雪藏味。 感覺就似在吃 left over ~真心一句，有今次，冇下次！「伏！伏！伏！伏！伏！伏！」本篇完 ~…查看更多

收工同朋友來食下台灣野。清燉牛肉湯米粉，湯底清澈但味道濃郁，牛肉炆得夠腍，入口即化，米粉滑溜唔黐牙，整體感覺好暖胃。貢丸魚丸湯淮山麵就係另一種風格，魚丸鮮甜彈牙，貢丸肉香十足，淮山麵口感煙韌，湯底清甜，加埋滷蛋、雞米花、炸花枝丸，鹹香酥脆，口感層次分明，仙草芋圓作甜品，清涼解膩，芋圓煙韌，仙草滑溜，配埋熱檸檬水，清新醒胃，完美收尾。起司蛋餅係西式融合，蛋香濃郁，起司拉絲，外皮煎得微脆，內裡軟嫩，玉米清甜。滷水拼盤三寶超級好味，豆腐吸晒滷水精華，雞翼入味唔乾柴，牛腱筋肉分明，滷得夠香夠濃，每一啖都係滷水的精髓。…查看更多

小店雖然不大，但坐得舒服。餐牌內容唔會太花巧，除左散叫，仲有全日套餐，套餐有齊前菜，主菜同甜品，仲有飲品，係台灣餐廳比較少見套餐，好吸引呀。我地點了一個大大雞排滷肉飯配滷蛋，炸花枝丸同杏鮑菇，另一個係招牌三寶麵，配雞米花同貓耳朵。炸杏鮑菇唔會太乾，滷蛋都幾入味，而且每款份量少少，完全啱哂我地咩都想試下嘅心態。貓耳朵原來就係雲耳，味道酸酸涼涼，好開胃。大大雞排滷肉飯嘩！個雞排好大塊呀！完全蓋住個碟，而且炸得外脆內軟，非常唔錯。 滷肉飯好夠味，但比較油膩。招牌三寶麵估唔到咁大碗，三寶分別係牛肚，牛筋同牛腩，每款都入味又軟稔，好出色。而且紅燒淮山麵口感唔會太淋，湯底辣度適中，愈食愈惹味。另外加左燙青菜和麻辣鴨血，麻辣鴨血充滿台灣風味，yummy.跟餐飲品點了香芋珍珠奶綠和水果烏龍茶。香芋奶綠的香芋味夠香順，水果茶又夠fresh, 2杯都大大杯，好正呀唔好唔記得， 跟餐甜品係仙草芋圓，芋圓QQ, 仙草順滑，雖然細細碗， 但大滿足呀。餐廳味道夠地道，而且服務態度又親切友善，真係要黎多幾次…查看更多

長沙灣區很多平民簡樸的餐廳，裝潢雅緻乾淨企理的平民餐廳卻是少數，這間台灣菜雖然小品經營，環境很企理乾淨，未食已經有好感。宜蘭鹽酥雞滷肉飯 ($72) ★★★★✰這裏的全日套餐除主食的飯/麵外，還有一款前菜、兩款小食、一道甜品，形成照片中所見的「四小碟」。我選了滷蛋作為前菜，非常標準的台式滷水(還有些滷肉碎)；炸花枝丸也是預期的美味，炸杏鮑菇則略嫌細粒。滷肉飯幾有台式風味，肉粒大小(對我來説)適中，又不會出很多水浸濕米飯。跟餐的鹽酥雞炸皮不厚，調味不會太鹹，又保留到肉汁，實在不錯。甜品有涼粉+芋圓，有香港標準甜品舖的質素。很大杯綠茶！總括而言，雖然這個價錢在同區食肆不算特別便宜，不過套餐份量不少，而且食物賣相味道都很不錯；餐具及傢具都整潔，店員服務有禮，整體來説是間感覺很温暖，會令人想間中重訪的餐廳。我見有下午茶餐都是$40上下，值得下次再來…查看更多

位於長沙灣的金緣居，是一家專注於台式料理的餐廳，讓人一踏入就感受到濃厚的台灣風情。餐廳環境舒適，裝潢簡單卻不失溫馨，適合朋友聚會或家庭聚餐。我們的餐點從前菜開始，滷蛋的味道鹹香可口，雞米花外脆內嫩，炸花枝丸更是彈牙，配上小黃瓜的清脆，令人開胃。炸香鮑菇則帶有淡淡的香氣，讓人一口接一口，台式香腸的甜味更是為整體前菜增添了不少層次感。主食方面，我們選了貢丸魚丸湯米，湯底清甜，貢丸和魚丸的口感都恰到好處，米飯吸收了湯汁，十分美味。麻婆豆腐拌麵則是另一番風味，豆腐滑嫩，麻辣的醬汁和麵條相互融合，讓人刮目相看。飲品方面，奶綠香芋珍珠的搭配非常驚喜，香濃的奶綠與香芋的融合，口感極佳。珍珠奶茶更是經典，珍珠Q彈，茶香四溢。最後，我們的甜品仙草芋圓也不容錯過，仙草的清香配上軟糯的芋圓，讓整個用餐體驗畫上完美的句號。總體而言，金緣居提供了美味的台式料理，每一口都讓人懷念，值得再來！…查看更多

位於長沙灣的新開台式餐廳 「金緣居」是一家結合美食與舒適氛圍的用餐好去處。踏入餐廳，映入眼簾的是掛滿天花的綠色植物，讓整個空間充滿自然氣息，既清新又具備設計感，營造出一種輕鬆愉悅的用餐環境。服務方面，店員表現熱情，細心招呼每位客人，從點餐到上菜都非常周到，讓人感受到賓至如歸的體驗。這次我們點了幾道經典的台式菜品，包括宜蘭鹽酥雞滷肉飯、大大雞扒滷肉飯。首先，鹽酥雞是一道不得不提的亮點。外皮炸得金黃酥脆，口感香脆不油膩，雞肉鮮嫩多汁，還帶著淡淡的香氣，讓人一口接一口停不下來。滷肉飯則是台式經典中的經典，滷肉醬汁濃郁，肥瘦相間的滷肉入口即化，搭配香滑的滷蛋和軟糯的白米飯，滿足感十足。炸雞扒同樣表現出色，外層炸得酥脆而不過於厚重，內裡的雞扒保持鮮嫩，咬下去充滿肉汁，味道層次非常豐富。小食方面，炸蝦餅則是外脆內嫩，蝦肉鮮甜，口感扎實，非常適合與配菜一起食用。炸花枝丸外皮酥脆，內裡有嚼勁，花枝的鮮甜味濃郁，每口都充滿海洋氣息；台式香腸油脂豐富，配上蒜頭，風味獨特；貓耳朵味道清新，是一道讓人停不了口的台式小食小點，非常適合作為聚餐的分享菜品。紫菜豆腐湯湯頭清淡鮮美，紫菜柔軟，豆腐嫩滑，帶來舒心的暖意；麻辣鴨血香麻濃郁，鴨血滑嫩入味，辣度適中，令人回味無窮；飲品方面，蜂蜜柚子茶酸甜清爽，柚香濃郁，搭配蜂蜜的自然甜味，十分解膩；香芋奶綠香氣撲鼻，芋頭的濃郁與奶茶的香滑完美融合，口感醇厚，是一款值得推薦的飲品。最後的甜品仙草芋圓清爽解膩，仙草滑順，芋圓有嚼勁，搭配微甜的椰奶，為這頓豐盛的晚餐畫上完美句號。整體而言，「金緣居」不僅提供地道的台式美食，還兼具舒適的用餐氛圍與親切的服務。無論是菜品的品質還是整體用餐體驗，都能感受到店家的用心。期待下次再來品嚐更多美味！…查看更多