樂天皇朝 (利舞臺廣場)

营业中

休息中

見過幾間樂天皇朝嘅分店，第一次係嚟銅鑼灣利舞臺呢間食。裝修好新淨，座位夠闊落，侍應嘅服務態度都值得一讚。一坐低就有碟小食，係花生同栗子，熱辣辣好香口，我同屋企人都覺得好好食。嗌咗佢嘅招牌菜特色皇朝小籠包，八色可以試哂所有味。我覺得原味小籠包已經好好味，另外食咗好香口嘅鵝肝味同黑松露味，都好有驚喜。芝士味嘅餡嘅中間仲有拉絲芝士。屋企人食咗其他味，都覺得以後嚟都可以再食。蘿蔔絲酥餅有三件，聞落勁香，外面嘅酥超鬆軟，入面全部都係熱辣辣嘅蘿蔔絲，同一般酒樓完全唔同。芝麻醬油麥菜好特別，係用青瓜捲埋油麥菜，再點麻醬嚟食。本身唔係特別鍾意油麥菜，但係啲菜好新鮮，唔會有浸草青味，點埋麻醬嚟食好好味。另一款小食係李白醉雞，份量都幾多，酒味適中，啲雞肉好滑。魚湯酸菜魚好足料，有好多鮮魚片、豆乾、酸菜同萵筍。魚湯底好好味，唔會太酸，好開胃。另外仲有好多紅薯粉，我哋兩個人差啲食唔晒。因為好好食，所以都會再encore。最後甜品要咗煎豆沙窩餅，外脆內熱，紅豆餡唔會太甜，好食。