快樂．順景

营业中

休息中

今日你都快樂順景食個午餐，不嬲喺快樂順景可以選擇嘅嘢食都好多，之前喺度食過麻辣撈公仔麵，麻辣嘅味道食都辣辣地，個人㷫烚烚，好好食，因為今日唔係好想食辣，就試返個沙嗲牛肉麵。呢個沙嗲牛肉麵嘅常餐，首先要讚美嘅地方就係，佢哋嘅餐包唔係普通嘅方包，佢哋係用菠蘿包作為一個餐包，誠意十足。之後配合埋佢哋嘅炒蛋，好嫩滑嘅炒蛋，仲有火腿，火腿係一般嘅火腿，就冇乜特別啦。最後講佢哋嘅重頭戲，就係沙嗲牛肉麵，沙嗲味好濃郁，牛肉嘅份量都好多整體嚟講成個餐好好食。