快樂．順景

营业中

休息中

加$2𨍭烘底完全另一個口感。其他人嘅烘底到台時都走哂樣，但佢哋D唔會。超好食。加上塊麵包係厚多（唔係成2.5cm 厚，而係大概1 c m厚，唔會食包就食食滯咗）外脆內軟，口感一流！抄蛋都好好滑。奶茶茶味好濃，正式港式奶茶。

行經蘇杭街，好Random發現呢間裝修幾靚嘅茶餐廳，於是入去食個下午茶！奶茶茶香與奶味比例拿捏得恰到好處，入口順滑，不會過澀，絕對係一杯出色奶茶😍😍😍豉油王雞髀亦令人驚喜，雞肉嫩滑入味，豉油味濃郁但冇掩蓋雞本身嘅味，好唔錯👍 薯條方面就正常，冇咩特別。

今日你都快樂順景食個午餐，不嬲喺快樂順景可以選擇嘅嘢食都好多，之前喺度食過麻辣撈公仔麵，麻辣嘅味道食都辣辣地，個人㷫烚烚，好好食，因為今日唔係好想食辣，就試返個沙嗲牛肉麵。呢個沙嗲牛肉麵嘅常餐，首先要讚美嘅地方就係，佢哋嘅餐包唔係普通嘅方包，佢哋係用菠蘿包作為一個餐包，誠意十足。之後配合埋佢哋嘅炒蛋，好嫩滑嘅炒蛋，仲有火腿，火腿係一般嘅火腿，就冇乜特別啦。最後講佢哋嘅重頭戲，就係沙嗲牛肉麵，沙嗲味好濃郁，牛肉嘅份量都好多整體嚟講成個餐好好食。

見到間新茶餐廳，個名好特別，應該係同灣仔2間歷史悠久嘅店舖有關。中午排隊都要等一陣先有位，入到去主就係知因為其實位真係唔多。本身有d想試個包，但諗諗下包可以買走，就決定試下佢XO醬特濃滑蛋牛肉飯，朋友就叫快樂常餐，菠蘿油、豬扒公仔麵、 火腿及特濃4.3牛乳炒蛋，但朋友改煎蛋，佢鍾意就由佢。XO醬特濃滑蛋牛肉飯，味道不錯，可以比美其他茶餐廳嘅炒滑蛋飯，而佢嘅椒絲係另一個點綴。而常餐，朋友食完無咩comment，我睇個樣都係覺得普通，睇下下次有無機會自己去試下如果唔洗等位嘅話

街坊嘅我哋，最近發現呢間茶餐廳，裝修都雅緻，lunch就喺呢度用餐。常餐: 瑞士汁雞髀撈公仔麵大大隻雞髀呈現眼前😍表面有微微焦香，肉質鮮嫩多汁，瑞士汁很濃郁，甜甜地，同公仔麵好夾，麵條很吸收醬汁，很惹味！港式精美雜扒餐豬扒、雞扒、牛扒一應俱全，全部都大大塊，尤其欣賞牛扒，外焦內嫩，帶有淡淡香料味，冇咩筋，真係大力推薦！另外配餐可以加特飲，凍檸樂入口清新酸爽，很好地中和油膩感。另一半則喜歡入口綿密嘅紅豆。整體都很不錯呢。！

喺外賣平台嗌仲平左, 常餐都係六十蚊唔洗，包括炒蛋火腿,豬扒公仔面同埋菠蘿油，份量有啲離譜.  菠蘿油: 我通常都食唔哂留番做tea，或者第二日嘅早餐。而呢個菠蘿油外皮金黃酥脆，內餡鬆軟，搭配上牛油，味道香濃，甜而不膩。食落去非常滿足，無論係早餐定係下午茶都好適合。價錢方面，五十幾蚊嘅套餐已經包含咗呢個美味嘅菠蘿油，性價比非常高。豬扒公仔面嘅份量相當足夠，豬扒煮得剛剛好，外脆內嫩，肉質鮮美，搭配上公仔面，味道非常和諧。湯底清淡，唔會過於油膩，讓人感覺清爽。整體來講，呢碗面既有飽腹感，又唔會令你覺得負擔，真係好適合午餐或者晚餐。整體而言，呢個餐真係好抵食，無論係豬扒公仔面定係菠蘿油，都能夠滿足你對港式美食嘅期待。

快樂·順景😘😘😘食得開心又快樂上環蘇杭街、西式茶餐廳、舊舖灣仔「快樂」麵包X灣仔「順景」茶餐廳！合作分店之一、淺木系裝修、暖和燈光、寬敞椅子、座得舒服、食得又開心❤️✨全日早餐$64秘製他他醬炸魚柳足半尺長炸魚柳、脆炸金黃、肉嫩多汁、特色醬汁、好滋味😁特濃4.3牛乳炒蛋濃濃蛋香x黑松露、creamy又滑！法蘭克福腸、煙肉、茄汁焗豆、牛油多士（+$2）⋯豐富早餐配搭、色彩繽紛、飽肚🈵️足😊✨港式黑椒牛扒餐配薯條$75⋯口感軟綿綿、兩大件牛扒🥩配黑椒汁、滋味又惹味、脆炸金黃薯條🍟、配搭一流、吃不停口、舔舔脷👅+12奶茶紅豆冰大大粒軟腍紅豆🫘、搭上奶茶、滋味無窮、口感豐富、層次分明！✨港式麵包牛油皮蛋撻$9自家出品、每日新鮮出爐、蛋香又滑、濃香牛油😁黑松露雞肉包$16創意配搭、黑松露迷必吃、外層脆皮、新鮮口感！快樂·順景上環蘇杭街19-25號永昌商業大廈地下B號舖港鐵上環站A2出口，步行約3分鐘

今日嚟到上環食午餐，經過見到呢間茶餐廳應該係新開，所以就入左黎試下😋😋我叫左兩個常餐，份量真係勁大，我未食過常餐既豬扒可以大到咁🤣🤣真係大過塊面！不過豬扒偏咸，肉質正常😆菠蘿油就好普通，不過佢哋啲麵包好似係自己整，但係因為菠蘿油嚟到嘅時候已經係凍嘅，所以味道爭啲🤣另一個餐叫左瑞士汁雞髀撈公仔麵，雞髀又係好大隻，味道正正常常，瑞士汁都做得幾好味👍總括黎講，食物份量係勁大，不過味道好普通，未必會再黎🤣

👏🏻今日行過見到呢一間茶餐廳就入咗去食，因為都唔係太多人排隊，佢嘅餐牌都有好多唔同嘅選擇包括有公仔麵餐常餐同埋一啲飯嘅選擇！選擇困難症嘅我就揀咗呢一個雙拼，包括有鮮蝦同埋叉燒嘅滑蛋飯，我覺得整體口感都做得唔錯, 佢嘅蝦非常爽口彈牙，而且都比咗幾多隻！！呢個價錢的確真係冇得輸！叉燒都幾好，加埋本身嘅滑蛋簡直就係冇得輸！我同朋友都非常鍾意！反而凍檸茶就冇乜特別，都係正正常常茶餐廳普通嘅凍檸茶！埋單$66

叫左沙嗲牛肉公仔麵，標明用左雞白湯，但味道同一般湯底冇咩分別，沙嗲牛肉既味道都係正常冇咩特別，另外炒蛋滑嫰唔錯，配既餐包少有係配墨西哥包，個包都軟熟唔錯既。奶茶味道比坊間普通茶記優勝，茶奶比例剛剛好，飲到茶澀味同奶既順滑口感。整體味道合格，份量偏細，但價錢$40而言都算物有所值，環境光猛乾淨，環境比起同區舊式茶餐廳坐得較舒服，不失為同區食早餐既好地方。

喺附近做完野，好想食茶記，一search先發現原來佢開左分店，即過黎幫襯下~可能係放工時間，無乜人，同銅鑼灣分店好唔同~不過一樣食得開心！🔹叉燒蝦仁特濃滑蛋飯🔹 Meun話係4.3特濃牛乳滑蛋~又真係好好食喎，入口好嫩滑，啲蝦爽口彈牙~加埋半肥瘦叉燒同汁超好食~有啲餐廳個汁超甜，我唔鍾意~🔹瑞士汁雞髀湯一丁🔹隻雞髀好大隻~瑞士汁好入味，但又唔會太鹹~配真出前一丁，同炒蛋多士~滿足~想講個炒蛋又係呢一個口感，好綿，好香~🔹吉列魚柳什果沙律餐🔹塊魚柳都幾大塊，厚肉又炸到外脆內軟~配埋什果沙律，開胃~🔹飲品🔹想講佢啲奶茶幾滑~檸茶有4大片檸檬，少有~

喺上環蘇杭街嘅快樂順景，呢度嘅美食真係好抵食！吉列豬扒同炸魚柳都係大塊，食落去外脆內嫩，口感一流，食完真係好滿足。通心粉嘅份量亦都相當多，搭配豬扒或魚柳，簡直係一餐超級豐富嘅午餐。佢哋嘅菠蘿包剛出爐，熱熱地食，香甜得嚟又鬆軟，真係好好味。如果煎蛋邊緣有少少脆口就更加完美啦！餐廳嘅位都唔窄，坐得好舒服，令到你可以悠閒咁享受美食。侍應嘅服務態度好有禮貌，令整體用餐體驗更加愉快。總括來講，快樂順景嘅性價比超高，無論係食物定服務都令人好滿意，絕對值得再來！

#快樂順景餐室 終於擴展版圖到上環，我地避開星期一至五繁忙時間，襯weekend 可以坐得舒舒服服嘆個午餐 💜新店被銅鑼灣地方寬敞，座位冇密質質👍🏻 比銅鑼灣店坐得舒服。其實最吸引我的永遠都係現店鋪內的出爐麪包和包餅等。自助落單，成個流程快靚正。🍴吉列魚柳沙律餐魚柳是即炸，炸漿不厚，嫩滑的魚柳也是熱辣辣的；配上雜果沙律，正好在這炎熱天氣很適合吃到這款美食。🍴叉燒滑蛋特濃滑蛋雙拼飯一看便知炒蛋夠滑，香吾香試過就知。大啖吃下蛋味夠濃，無敵雙併是蝦仁併叉燒，蝦仁爽口；略嫌叉燒薄左啲，如果加埋甜豉油味道會更加提升。🍞菠蘿紅豆包出爐麵包大大個，結合了菠蘿包酥香和紅豆甜糯，超喜歡。🥤奶茶紅豆冰紅豆香軟，煮得夠稔；和花奶比例合乎標準，當然想再加多啲紅豆，奶茶有茶味甜度適中，只須加$13 強烈建議加錢飲。🥤凍鹹檸

近年都好少留食評，今次真係畀快樂順景搞到不快樂（好似上個差評嘅師兄咁）所以要勸予吓中上環食12點1點嘅打工仔唔想食個飯都係咁畀人煩就唔好嚟喇。平又唔係平，嘢食又普通，啲麵包擺正係垃圾桶隔離，膠都廢事畀直接走包。都算，食過半個鐘開始每隔兩分鐘分開問我哋枱上嘅每樣嘢仲要唔要。個款係：係呀擺到明趕你走㗎喇宜家吹咩有時真係見好就收啦。明顯只係差少少finish侍應around 10分鐘內竟然嚟咗我哋張枱問咗5次（3碟嘢兩杯嘢飲）😹精彩。（返咁多年工第一次遇到此奇景）最尾熱檸茶飲淨半杯佢問第5次真係到咗我底線，其實大佬覺得我杯茶仲可以飲幾耐呢？ 成餐飯我哋都只係食咗40分鐘，下次唔啱加個牌話繁忙時間用餐限時30分鐘吖不如👍🏻食附近平價餃子店都冇畀人咁催過，呢間新餐廳係幾威，當自己澳牛咁做，正。

每年都會去一去文武廟求個安心，求完安心順便附近搵食。今次就簡單食個快靚正餐。銅鑼灣已經聽過佢個名，茶記格局，上環店好新淨，門口櫥窗仲有出爐麵包。蔥油香茅豬扒煎太陽蛋飯 睇圖已經比呢個飯吸引到，上枱亦沒有照騙。主角豬扒並非大而無當，夠鬆又有油香，有埋太陽蛋汁加蔥油，好邪惡。常餐同樣有大大塊豬扒配公仔麵，豬扒一樣高質，食公仔麵記得加辣椒油，絕對係彩蛋。跟餐仲有菠蘿油，火腿同炒蛋，菠蘿油大大個夾住厚厚既牛油，特濃4.3牛乳炒蛋口感嫩滑，最後加杯奶茶紅豆冰，豐富之選。快樂忌廉筒估唔到會有呢舊懷舊忌廉筒。香脆酥皮包住幼滑忌廉，一鹹一甜，令人再三回味。