影片
更多
2024-03-13
2979 浏览
3月12日係男友生日，因為佢鍾意食日本嘢，我search openrice見到呢間風評唔錯，就bk左枱同佢慶祝生日🎂呢度裝潢好有日本風情，侍應嘅服務都好好，有禮貌、收碟快、隨時加茶，照顧周到！拖羅根沙律 $78火炙燒吞拿魚尾，入口即融，油香滿溢，又加左爽彈八爪魚，係唔錯嘅開胃小菜鮮磨山葵牛肉串 $68牛肉入味軟嫩，山葵好溫和，唔會太嗆鼻虎蝦天婦羅 $98天婦羅衣好薄身，又唔油膩，最重要係虎蝦好肥美，入口啖啖肉，仲好新鮮彈牙！好出色的天婦羅🍤廚房發辦Omakase $298生日梗要嚟啲驚喜，幸運有男友鍾意食嘅帆立貝，又有好creamy鮮甜嘅海膽壽司！最正係壽司飯用日本靚米，加左醋，夠正宗！日式蜂巢手羽先 $28呢款好似係新嘢，所以我地都嗌左～雞翼甜甜地，燒得岩岩好活饅小串 $38男友鍾意呢道，外面香脆，內裏魚肉爽彈，而且仲唔腥豚肉蒜心卷 $28呢個配搭幾有口感，豬肉香脆乾身，蒜心軟嫩濕潤，入口有反差，但幾正；加上燒烤粉，香辣惹味燒粟米 $28粟米塗上牛油，燒得金黃微焦，更加香甜燒菠蘿 $58食左咁多野，梗要加碟菠蘿幫助消化！擺盤整到條魚咁，幾盞鬼！菠蘿好甜好多汁，係健康嘅飯後甜品！好彩男
呢度裝潢好有日本風情，侍應嘅服務都好好，有禮貌、收碟快、隨時加茶，照顧周到！
拖羅根沙律 $78
火炙燒吞拿魚尾，入口即融，油香滿溢，又加左爽彈八爪魚，係唔錯嘅開胃小菜
鮮磨山葵牛肉串 $68
牛肉入味軟嫩，山葵好溫和，唔會太嗆鼻
虎蝦天婦羅 $98
天婦羅衣好薄身，又唔油膩，最重要係虎蝦好肥美，入口啖啖肉，仲好新鮮彈牙！
好出色的天婦羅🍤
廚房發辦Omakase $298
生日梗要嚟啲驚喜，幸運有男友鍾意食嘅帆立貝，又有好creamy鮮甜嘅海膽壽司！最正係壽司飯用日本靚米，加左醋，夠正宗！
日式蜂巢手羽先 $28
呢款好似係新嘢，所以我地都嗌左～雞翼甜甜地，燒得岩岩好
活饅小串 $38
男友鍾意呢道，外面香脆，內裏魚肉爽彈，而且仲唔腥
豚肉蒜心卷 $28
呢個配搭幾有口感，豬肉香脆乾身，蒜心軟嫩濕潤，入口有反差，但幾正；加上燒烤粉，香辣惹味
燒粟米 $28
粟米塗上牛油，燒得金黃微焦，更加香甜
燒菠蘿 $58
食左咁多野，梗要加碟菠蘿幫助消化！擺盤整到條魚咁，幾盞鬼！菠蘿好甜好多汁，係健康嘅飯後甜品！
好彩男友都滿意呢餐生日飯，祝佢永遠18歲！😝
张贴
