影片
更多
2023-05-12
113 浏览
近年Omakase大行其道，大家嘅關注力都去晒日本菜果邊，但係中式私房菜都仲好多人幫襯㗎🥰今日我地就去咗喺觀塘嘅榮哥廚房私房菜食晚飯🥣位置方面，喺觀塘地鐵站D4出口一落就係，勁方便👍🏻上到去馬上就安排好座位🥰坐低後就先嚟兩碟開胃小碟，分別係甜酸齋同黑木耳。甜酸齋係自家製，同出面食到嘅完全唔同，而黑木耳就好爽脆。正式上前菜喇，有本地水耕沙律菜伴芝麻醬，雙色墨魚仔同茶燻流心蛋伴黑魚子醬配厚切茄子，擺盤好精緻，好似法國菜咁。講返食物味道先，水耕菜好新鮮爽口，同埋車厘茄都好甜而雙色墨魚仔好鮮味，唔似出面有陣雪藏味，係食得出嘅鮮味，亦好彈牙，原味同辣味可以話係同一樣食材，兩個風味。流心蛋就有淡淡茶燻味 ，喺蛋黃中間仲有黑魚子醬添！茄子好新鮮，亦都有輕輕炸過一邊，醬料入面有芫荽同辣椒，特別惹味。.食過前菜過一陣就上湯喇，今日嘅湯分別係原盅燉哈蜜瓜螺頭黑毛豚肉湯同原盅燉川貝陳皮海底椰鱷魚肉湯🍲兩個湯都好清甜同滋潤，特別係個川貝陳皮海底椰鱷魚肉湯，而家流感搞到喉嚨痕，個湯清甜又足料，飲完個身暖笠笠。.到主菜喇❤️先上嘅黑松露醬炒花尾躉斑球配鮮露荀🐟配上黑松露醬炒嘅班球，因為調味啱啱好，味道好平衡，露荀新
今日我地就去咗喺觀塘嘅榮哥廚房私房菜食晚飯🥣位置方面，喺觀塘地鐵站D4出口一落就係，勁方便👍🏻上到去馬上就安排好座位🥰
坐低後就先嚟兩碟開胃小碟，分別係甜酸齋同黑木耳。
甜酸齋係自家製，同出面食到嘅完全唔同，而黑木耳就好爽脆。
正式上前菜喇，有本地水耕沙律菜伴芝麻醬，雙色墨魚仔同茶燻流心蛋伴黑魚子醬配厚切茄子，擺盤好精緻，好似法國菜咁。講返食物味道先，水耕菜好新鮮爽口，同埋車厘茄都好甜
而雙色墨魚仔好鮮味，唔似出面有陣雪藏味，係食得出嘅鮮味，亦好彈牙，原味同辣味可以話係同一樣食材，兩個風味。流心蛋就有淡淡茶燻味 ，喺蛋黃中間仲有黑魚子醬添！茄子好新鮮，亦都有輕輕炸過一邊，醬料入面有芫荽同辣椒，特別惹味。
.
食過前菜過一陣就上湯喇，今日嘅湯分別係原盅燉哈蜜瓜螺頭黑毛豚肉湯同原盅燉川貝陳皮海底椰鱷魚肉湯🍲
兩個湯都好清甜同滋潤，特別係個川貝陳皮海底椰鱷魚肉湯，而家流感搞到喉嚨痕，個湯清甜又足料，飲完個身暖笠笠。
.
到主菜喇❤️
先上嘅黑松露醬炒花尾躉斑球配鮮露荀🐟
配上黑松露醬炒嘅班球，因為調味啱啱好，味道好平衡，露荀新鮮，食落無渣。
再嚟嘅係蝦球水芙蓉🍤
喺蒸蛋上面有一層甘荀汁，與其話係汁，但比較似芡，蒸蛋棉滑，蝦球新鮮爽口彈牙。
之後有招牌茶王壎雞🐓
有半隻雞嘅份量，雞肉嫩滑，外皮酥脆之餘仲帶有淡淡嘅煙燻同少少嘅花香
再嚟就係最surprised我嘅遠年新會陳皮黑豚肉排骨🐷
上菜前完全無諗過會係炸嘅，一咬落去，陳皮味好出，排骨肥瘦適中，肉質鮮美，食完都唔會話口乾或者油膩。
食完肉，當然有菜啦，魚湯有機時令鮮蔬🥬
菠菜苗好靚，配埋魚湯，味道一流
最後仲有大紅大紫炒飯🍚
炒飯炒得好乾身，仲有紫薯粒增加口感，再加上飯素，令到一個看似簡單嘅炒飯一啲都唔輸蝕😋好食呀😛
甜品方面就係薑汁湯丸
薑味重得嚟又唔算好搶，湯丸亦好多芝麻餡 ，超大滿足呀❤️
有時出去食下中菜，實在又係另一番風味😋
私房菜嘅菜式真係唔簡單👍🏻
张贴
