影片
更多
2017-08-27
86 浏览
今日同事話喺銅鑼灣有一間有靚景嘅打邊爐餐廳，仲有個大騎樓可以出去飲吓酒添！打邊爐有騎樓有諗頭喎，呢度388蚊一位，已經包咗任食邊爐，最啜核嘅係唔止啤酒， 就連 cocktail 同埋紅白酒都係任飲㗎，而就算任飲，啲紅酒一啲都唔下欄，係有著名權威品酒師 Robert Parker 評呢款紅酒85分嘅信心保證。每枱都有呢兩個無限追加嘅前菜冷盤，分別係手工麻辣麻醬手撕雞同埋秘製麻辣木耳，手撕雞嘅麻醬並唔係日式嗰隻麻醬，而係比較似我哋港式豬腸粉嗰一隻麻醬味，我覺得呢一隻麻醬比起日式嗰一隻麻醬更加香，而秘製麻辣木耳就夠哂香夠哂麻味，我哋前後仲追加咗兩次添。飲完啖靚紅酒之後就開始打邊爐，湯底揀咗金蟬脫殼，貪佢有大大圈嘅冬瓜同埋蟲草花喺嗰邊爐入面，清清哋嘅湯底就更能夠食到食材本身既鮮味啦。細佬就嗌咗個盆栽珍珠奶茶，我試咗一啖，都覺得幾正，茶香奶滑，朱古力味又夠哂濃，再加埋上面嗰啲曲奇餅碎，值得一試。呢度嘅響鈴卷真係鬼佬 king size，幾乎有成呎長，仲要勁粗，要擘到個口好大先至食到，新鮮炸起香脆可口，淨食本身都已經係一種享受，而個炸魚皮就略嫌炸得硬咗啲，浸耐少少湯會好食啲。西班牙伊比利亞玫瑰黑毛
今日同事話喺銅鑼灣有一間有靚景嘅打邊爐餐廳，仲有個大騎樓可以出去飲吓酒添！打邊爐有騎樓有諗頭喎，呢度388蚊一位，已經包咗任食邊爐，最啜核嘅係唔止啤酒， 就連 cocktail 同埋紅白酒都係任飲㗎，而就算任飲，啲紅酒一啲都唔下欄，係有著名權威品酒師 Robert Parker 評呢款紅酒85分嘅信心保證。
每枱都有呢兩個無限追加嘅前菜冷盤，分別係手工麻辣麻醬手撕雞同埋秘製麻辣木耳，手撕雞嘅麻醬並唔係日式嗰隻麻醬，而係比較似我哋港式豬腸粉嗰一隻麻醬味，我覺得呢一隻麻醬比起日式嗰一隻麻醬更加香，而秘製麻辣木耳就夠哂香夠哂麻味，我哋前後仲追加咗兩次添。
飲完啖靚紅酒之後就開始打邊爐，湯底揀咗金蟬脫殼，貪佢有大大圈嘅冬瓜同埋蟲草花喺嗰邊爐入面，清清哋嘅湯底就更能夠食到食材本身既鮮味啦。
細佬就嗌咗個盆栽珍珠奶茶，我試咗一啖，都覺得幾正，茶香奶滑，朱古力味又夠哂濃，再加埋上面嗰啲曲奇餅碎，值得一試。
呢度嘅響鈴卷真係鬼佬 king size，幾乎有成呎長，仲要勁粗，要擘到個口好大先至食到，新鮮炸起香脆可口，淨食本身都已經係一種享受，而個炸魚皮就略嫌炸得硬咗啲，浸耐少少湯會好食啲。
西班牙伊比利亞玫瑰黑毛豬頸肉，廚師好有心機咁將啲豬肉擺到好似一朵朵嘅玫瑰花咁樣，真係未放入口都已經夠哂開心，每一朵玫瑰花大約有5至6片豬頸肉，豬頸肉無被薄切，更加充滿口感。
跟住就嚟咗呢個丸類同埋餃類嘅拼盤，用一塊薄薄嘅木板墊住，個賣相都唔錯，當中有最右下角嘅墨魚汁鳥結糖， 將混有墨魚汁嘅墨魚膠整成長條型，個樣真係同鳥結糖一樣㗎，食落口感結實，墨魚味濃，仲食到一粒粒嘅墨魚肉喺裏面，果然真材實料。
喺鳥結糖左手面嘅係太極冬菇，太極嘅意思即係喺冬菇嘅面頭釀咗黑白兩樣嘢，一半係黑色嘅墨汁墨魚滑，而另一半就係白雪雪嘅蝦滑，墨魚滑爽口，蝦滑彈牙，再加埋底下嘅香菇味，正。
喺左上角嘅係黑松露蟹肉餃，一入口黑松露味即刻喺你口入面爆發，係估佢唔到咁濃嘅黑松露味，之後蟹肉嘅鮮甜就會慢慢咁樣滲出嚟，呢個大滿足啊。
张贴
