반찬앤쿡 Banchan and Cook (屯門市廣場1期) (已結業)

近排冇點食韓國野，所以放工去咗食。之前試過餐廳既另一間分店，印象唔錯，所以今次決定再訪。睇完menu我地決定揀嚐吃套餐，因為有哂我地想試既野食😋兩份主菜我地揀醬油白切肉蛋包飯同埋三重芝士炸千層豬扒蕃茄意粉。蛋包飯既雞蛋脹卜卜，𠝹開之後有如瀑布瀉下，而且水漾嫩滑，配埋肥瘦相間既醬油白切肉，食落幸福感滿滿。芝士炸千層豬扒蕃茄意粉既薄切豬扒完全比芝士包圍住，芝味濃郁。小食揀咗炸雞拼盤（包括洋蔥汁炸雞、甜辣炸雞、桂花蜜糖炸雞），自己最鍾意桂花蜜糖炸雞，甜得嚟帶有微微桂花清香👍🏻新出既白桃甜心牛角包窩夫賣相充滿少女感，好欣賞佢既cream質地細緻，份量亦大方，令人回味無窮。飲品係熱紅豆鮮奶同士多啤梨紅桑子梳打，紅豆鮮奶上面仲放咗玫瑰花瓣，飲落味道更豐富。