影片
更多
2021-06-27
421 浏览
今日係屯馬線宋王臺站開車嘅日子，就等我約個朋友去九龍城食個晚飯先！由於第一日通車， Google Maps仲未有呢個站嘅資料，連係邊一個出口出都唔知，於是求其出咗A出口，點知錯晒搞到要兜返個大圈去返另一邊B出口🥲我哋今晚去大邊爐打邊爐！🤣餐廳一入去要上樓梯。以打邊爐嘅餐廳來講呢度比較細，一眼睇晒，有私房菜嘅感覺。芥醬 $15/位酸菜 $12，呢個酸菜好好味，食完嘢可以食呢個解下膩。由於我哋得兩個女仔，同埋吸取之前嘅教訓，我哋決定先嗌幾個餸，唔飽先再嗌其他，費事食唔曬嘥野。竹蔗茅根水一jar $72一坐低即刻嗌嘢飲，呢個竹蔗茅根水好清甜，非常解渴，仲要佢唔會好似出邊餐廳咁俾埋啲渣你咁衰。椒鹽百福豆腐 $42 次次去親餐廳見到有椒鹽豆腐我都會嗌，今次都唔例外。豆腐好大碟，又大舊，食落外脆內嫩，夠香口，如果細舊啲bite size會仲好😋海底椰青雞湯 $96 諗住食清淡啲所以嗌咗呢個湯底，一打開蓋即刻聞到好香嘅椰子雞味，湯底除咗海底椰，椰子肉，雞，紅棗，另外仲有花膠同埋豬骨。手切安格斯肥牛(例牌) $258呢個真係好好味呀！食落肉質好淋好嫩，有入口即溶既感覺！牛味又香！推介！四色餃 $78分
我哋今晚去大邊爐打邊爐！🤣
餐廳一入去要上樓梯。
以打邊爐嘅餐廳來講呢度比較細，一眼睇晒，有私房菜嘅感覺。
芥醬 $15/位
酸菜 $12，呢個酸菜好好味，食完嘢可以食呢個解下膩。
由於我哋得兩個女仔，同埋吸取之前嘅教訓，我哋決定先嗌幾個餸，唔飽先再嗌其他，費事食唔曬嘥野。
竹蔗茅根水一jar $72
一坐低即刻嗌嘢飲，呢個竹蔗茅根水好清甜，非常解渴，仲要佢唔會好似出邊餐廳咁俾埋啲渣你咁衰。
椒鹽百福豆腐 $42
次次去親餐廳見到有椒鹽豆腐我都會嗌，今次都唔例外。豆腐好大碟，又大舊，食落外脆內嫩，夠香口，如果細舊啲bite size會仲好😋
海底椰青雞湯 $96
諗住食清淡啲所以嗌咗呢個湯底，一打開蓋即刻聞到好香嘅椰子雞味，湯底除咗海底椰，椰子肉，雞，紅棗，另外仲有花膠同埋豬骨。
手切安格斯肥牛(例牌) $258
呢個真係好好味呀！食落肉質好淋好嫩，有入口即溶既感覺！牛味又香！推介！
四色餃 $78
分別係魚皮餃，西洋菜餃，莧菜帶子餃同鮮蝦水餃。我最鍾意係鮮蝦水餃，啲蝦夠爽口，配埋冬菇呢個組合唔錯。
另外仲嗌左個娃娃菜 $34，啲娃娃菜索曬啲湯底，有椰香味，正。食到最後我哋大家都好飽，好彩冇眼闊肚窄啫。
成餐飯埋單連加一$684。
唔算平，但絕對會為左個牛肉返黎😋同埋呢到service唔錯，侍應有禮貌夠細心。
张贴
