麵尊

营业中

休息中

麵尊車仔麵我由佢以前響上環舖已經開始食，真係好得，每款餸都好食，尤其係佢哋可以選咖喱辣同麻辣，我差唔多每次都叫咖喱辣，真係唔錯，外面冇乜地方食到！有時自己心郁郁都忍唔住專登坐車去上環食！到佢銅鑼灣店開咗，真係開心死我！因為我自己住附近，所以幾乎每個星期都食一次，真係會食上癮！我每次都會叫多蔥🤣🤣因為我真係好鍾意食蔥，廚房真係好好，次次都比好多我另外必會叫咖喱魷魚🦑，佢哋份量唔少，爽脆好食！仲有滷水雞翼🐔，大大隻又入味😻豬大腸，佢都會比好多件，好入味豬紅🐷，件件size好均勻另外好多時我都會叫甜酸齋，好正！又係必食！🙈🙈🙈實在太多款餸我都想叫但一次又叫唔到咁多😩😩如果你有選擇困難症嘅真係要諗好耐🤣🤣🤣