茶舍 (景福街)

营业中

休息中

期待開張已久，作為新蒲崗居民嘅我，快啲嚟打個靚卡先。我同屋企人4個嚟食左一個二人餐：牛扒好好食，外層煎得好靚，帶少少脆，裡面好juicy，比一般茶餐廳好好多，由於佢係鐵板上，心急嘅我掛住食忘記咗未影相，唯有下次再食先影返相😅二人餐仲有芝士薯條、pizza、胡麻醬沙律、忌廉湯、飲品，另外仲叫左一碟鰻魚蛋包飯都好食，最後又食到好飽。埋單4個人唔駛400蚊，我覺得整體都唔錯，同埋店員好忙都一樣好好禮貌，主動提返我仲未叫齊餐飲，我會再去試埋早餐、午餐。