首先點左沙巴龍躉加蟶子孖寶，條龍躉魚肉滑到不得了，非常新鮮。蟶子又夠肥美，口感爽滑，配埋蒜蓉通粉絲，送飯一流。
另外點咗魚腐浸菜苗，清清地又唔失滋味，魚腐彈牙得嚟又入味，配埋啲嫩綠嘅菜苗，夠哂健康又好味。呢個餸最啱啲想食啲清淡啲嘅朋友，一定會鍾意。
仲有事頭婆炒麵，麵炒到夠乾身，配埋芽菜同蔥，夠鑊氣，食到最後都唔會覺得膩。
最後當然唔少得時令足料湯，成鍋湯好足料，落咗全隻烏雞，仲有雞腳同其他湯料，啲湯底清甜得嚟又有層次，飲完成個人都暖笠笠，好滋補嘅感覺。
餐廳仲有早鳥優惠（7:30pm前埋單88折）同宵夜優惠（9:30pm後小炒78折），好抵食啊！
