金豪酒家

今晚同家人黎左深水埗一間大排檔酒家, 一入去就感受到濃濃嘅港式風情~~餐廳唔算大, 枱凳擺得整齊, 燈光夠光猛, 乾淨企理, 好有地道feel雖然人聲嘈雜, 但反而更有香港大排檔獨有嘅熱鬧氣氛食物種類非常豐富!!!一般既小炒呢道差唔多全部都有餐廳仲做緊優惠~1早鳥優惠7:30pm前埋單88折2.宵夜優惠9:30pm後小炒78折龍躉兩味 $328翡翠炒球斑球炒得恰到好處, 肉質鮮嫩口感~~西芹翠綠爽脆, 芡汁濃稠得嚟唔會漿口清蒸斑頭腩原條斑頭腩蒸到剛熟, 魚肉鮮甜, 肉質嫩滑, 口感滑順！魚油豐富, 鮮味十足~~豉油皇中蝦 $168用秘製豉油皇爆炒, 中蝦炒到金黃~蝦殼脆到可以連殼食, 蝦肉爽彈鮮甜, 非常惹味!!!蘿白清湯腩煲 $198牛腩炆到淋滑入味, 蘿白煮到透明, 索晒湯汁精華~~湯底清澈清甜, 整體味道平衡, 唔會太油膩…查看更多

深水埗呢間金豪港家真係無得頂！呢度啲餸款唔單止夠地道，仲有好正既海鮮，每道菜都好有水準。 首先點左沙巴龍躉加蟶子孖寶，條龍躉魚肉滑到不得了，非常新鮮。蟶子又夠肥美，口感爽滑，配埋蒜蓉通粉絲，送飯一流。另外點咗魚腐浸菜苗，清清地又唔失滋味，魚腐彈牙得嚟又入味，配埋啲嫩綠嘅菜苗，夠哂健康又好味。呢個餸最啱啲想食啲清淡啲嘅朋友，一定會鍾意。 仲有事頭婆炒麵，麵炒到夠乾身，配埋芽菜同蔥，夠鑊氣，食到最後都唔會覺得膩。 最後當然唔少得時令足料湯，成鍋湯好足料，落咗全隻烏雞，仲有雞腳同其他湯料，啲湯底清甜得嚟又有層次，飲完成個人都暖笠笠，好滋補嘅感覺。餐廳仲有早鳥優惠（7:30pm前埋單88折）同宵夜優惠（9:30pm後小炒78折），好抵食啊！…查看更多

今晚，我和幾位朋友踏入深水埗的美食天堂，去到金豪酒家，在青山道17號地铺。這間酒樓的菜式色香味俱全！我們事先知道有早鳥優惠，如果在7:30pm前埋單，可以享有88折，真是划算！而我們選擇了幾款經典菜式，首先是黑草羊腩煲，熱呼呼的送來時還配上時菜，味道豐富。接著試了金豪和味雞（半隻），肉質鮮嫩，香料恰到好處。家鄉炒米粉則是每一口都滿載家鄉的味道，熟悉感滿溢。此外，豉汁蒸大鱔則是意外的驚喜，鮮美滋味令人回味無窮；沙薑凍猪手令人意想不到的清新，獨特口感讓人欲罷不能。而砂煲芥蘭啫爽肉，清脆爽口，讓我們在美味的餐點中得到了一絲平衡。最後，我們還點了金沙茄子和艷影蝦球，後者的蝦球外脆內嫩，真的讓人讚不絕口。這一餐，不只能滿足味蕾，更是與朋友共享的美好時光，真心推薦給大家！店員還推薦宵夜優惠9:30pm後小炒8折，真抵食。…查看更多

朋友住深水埗，今次約咗3個朋友共4個人一齊聚餐，揀咗佢喜歡的位於深水埗大埔道的金豪酒家，睇睇我揀咗啲咩來食。大家都鍾意飲湯，嗌咗個滋補的“姫松茸煲竹絲雞”，個湯好鮮甜，連竹絲雞啲肉都好有鮮味，姫松茸有提高免疫力的功效，好適合呢個季節；嗌咗半隻“金豪和味雞”，離然話半隻，但都好大份，而雞的滑嫰程度亦極高；接住落來就係我最喜歡的海鮮，係個孖寶來㗎，就係沙巴龍躉同埋蟶子，沙巴龍躉蒸到啱啱好，肉質鮮美嫩滑、口感細緻。蟶子好新鮮好鮮甜，幾乎係我呢排吃過的最好蟶子👍👍但其實呢晚所有嘢都好好，包括"魚腐浸豆苗"和“事頭婆炒麵”，唔怪得咁滿座， 提醒大家， 最好預先book位，唔係未必可以即時食到。仲有如果時間允許係有啲優惠嘅，就係有“早鳥優惠”7:30pm前埋單88折同埋“宵夜優惠”9:30pm後小炒78折。…查看更多

今次終於到我話事，食金豪，上次唔記得影相，今次記得侍應姐姐介紹左龍躉兩味，話好鮮，就試試佢🐟清蒸斑頭腩：個魚腩夠哂滑嫩，蒸得啱啱好。勁多薑，雲耳好爽脆。🥦翡翠炒球：炒魚腩都爽滑彈牙，同蒸有得比，我地唔食西芹轉左西蘭花，西蘭花吸哂魚味，絕對係精華所在。 冰火辣魷魚🦑：個醬夠哂辣，魷魚夠又爽口，送啤酒一流🍻🍲 砂煲芥蘭啫爽肉：侍應姐姐會拎個吉煲出黎，會喺你面前用炒，好正，熱辣辣上枱🔥夠晒鑊氣。避風塘瀨尿蝦肉🍤：宜個一定要食，瀨尿蝦起哂肉整，極鮮甜，啖啖肉，最啱我宜d唔鐘意搣殼嘅人。脆皮BB鴿🐥：侍應姐姐叫我地襯熱食脆卜卜，我好想聽話，但食唔切，但唔好講笑過左陣食都係脆，有料❗️❗️重點❗️❗️走個陣現原來做緊優惠早鳥優惠7:30pm前埋單88折 / 宵夜優惠9:30pm後小炒78折…查看更多

冰火辣魷魚 $88呢度嘅招牌冷盤，魷魚辣辣地又爽口，幾過癮, 店員冇介紹錯。 避風塘瀨尿蝦 $268瀨尿蝦食落少少彈牙, 感覺幾鮮。 炸衣唔厚脆脆地，加上避風塘口味，同行朋友都好鐘意。深海龍躉兩味 $328龍躉兩味分別係炒球同蒸頭腩，西蘭花炒龍躉球炒得唔錯, 肉質結實, 食到濃郁嘅龍躉味 。頭腩就相對滑啲，食落係滿滿嘅膠原蛋白😋😋 兩款風味唔同滿足到幾位口味唔同嘅朋友脆皮BB鴿 ($68/隻）啱啱炸起嘅乳鴿外皮脆, 味道唔錯, 唔洗點椒鹽都好食, 乳鴿幾多肉同算嫩, 同朋友4個人總共叫咗兩隻已經好夠食! 砂煲啫芥蘭爽肉 $98先上個熱砂煲再即場兜一兜, 熱辣辣幾有誠意。 啲芥蘭幾靚, 幾鮮甜, 爽肉惹味, 好啱送飯第一次嚟唔知原來有優惠，如果唔係可以用早鳥優惠（7:30pm前埋單88折），或者晏少少食宵食都得（9:30pm後小炒78折）幾划算。…查看更多

今日老豆生日特登搭車過黎試呢間鋪頭 訂左位 8個人 6:15入座 餐廳話8點要離座我地叫左8樣餸 D野食極遲上菜 等到7點9 最後黎得3樣 仲要3樣都係隔一段時間先黎 唔講以為自己食緊omakase🙄期間幾次有問店員 點解咁耐 其他枱枱都有野食得我地個枱係空空如也 店員一開始覆我地話等多陣 放心 實有我地要等唔對路再問 佢先話咩廚房卡左紙D餸廚房冇落到 講完我地等多左15分鐘都仲未有一樣餸上菜 🙄🙄我地有小朋友 餓到佢地死 我地最後唔等話埋單食其他餐廳算店員態度麻麻 唔覺得佢地有唔好意思或有歉意 打開門做生意唔係咁做 你廚房卡左紙係咪應該即時整我個枱既餸先？ 連菜都咁難要煮咁耐？完全唔合理 極差體驗👎🏻等左個幾鐘 成枱人哂時間係到等 每人食得2舊野落肚 8點點離座呀😂唔會再幫襯👎🏻🙄…查看更多

今日訂了8點鐘，當訂好了座位，還提前到達，點解都要等成半個鐘？安排十分差勁，加上早到的時間等了半小時，安排唔到位同我哋confirm時間做咩，一家大細企住等接近半個鐘，真心嬲不過除咗要啲小朋友同老人家等到嬲之外入到去都餓到暈訂好枱咁多人食飯臨時又唔知去邊好，局住等，真心覺得佢哋安排差到一個極點，帶屋企人唔會再去食如果鍾意俾錢買難受的可以去試下👍🏼最嬲的係下午同我confirm 個時間做咩，有咩用？…查看更多

啱啱去完旅行返嚟，好耐無食過中菜啦，於是約埋屋企人嚟到深水埗人氣中菜館金豪酒家食個晚飯，呢間平時經過都見到好多人㗎啦，好彩book定位啫。 今次揀咗個龍躉兩味，一次過試晒兩款唔同造法。 清蒸斑頭腩：斑頭腩夠滑，魚肉鮮甜，配合埋大量香蔥，非常美味。雲耳爽脆可口，吸收晒魚嘅鮮味，絕對係成碟菜嘅精華所在。 翡翠炒球：魚肉嫩滑，魚味濃郁，西芹爽脆，可以中和魚肉的膩感，亦增加口感層次。  金豪和味雞（半隻）：雞肉肉質嫩滑，鹹香味十足。 蘿蔔清湯腩煲：牛腩炆得夠軟夠稔，肥瘦適中，蘿蔔清甜無渣，湯清甜美味。 啫啫通菜：以熱砂鍋呈上，夠晒鑊氣，通菜焦香爽脆，同時吸收晒腐乳醬汁精華。 沙薑豬手：豬手炆得軟糯入味，皮爽又夠彈，醬汁酸酸辣辣，絕對係靈魂所在。 豉油皇中蝦：中蝦色澤金黃，口感鮮嫩，咬起嚟爽口彈牙，並且帶有濃郁嘅豉油香氣。…查看更多

好耐冇食港式大排檔喇!!! 最正係呢道食到大排檔風味之餘仲有冷氣呀~~餐廳地方唔算大, 但又唔會坐到好迫, 感覺非常地道有特色!!菜式方面非常豐富~有各種風味小炒, 例如避風塘炒, 煲仔, 金沙炒等等....餐廳仲做緊優惠~1. 早鳥優惠7:30pm前埋單88折2. 宵夜優惠9:30pm後小炒78折金豪和味雞(半隻) $188雞皮金黃油潤, 肉質嫩滑, 雞味濃郁~雞肉完全入味, 連雞胸都唔會鞋口啫啫通菜 $98人氣小炒王!! 職員即席將通菜用砂鍋啫到"滋滋"聲, 熱辣辣香氣撲鼻~~菜莖保持爽脆, 菜葉就索晒蝦醬香氣沙薑豬手 $88豬手控必試!! 豬手炆到淋滑入味, 膠質多到黏嘴唇~~最正係豬皮爽口彈牙, 肉就保持到少少咬口...醬汁辣辣地好開胃…查看更多

朋友生日就相約到位於深水埗金豪酒家大吃一餐，這裏環境寬敞坐得好舒服，餐廳仲有早鳥優惠7:30pm 前埋單88折，宵夜優惠9:30pm後小炒78折，我們四人就點了幾個小菜。蟹.蟶子海鮮孖寶蒜蓉粉絲蒸蟶子，口感豐富，肉質爽口彈牙，粉絲吸入醬汁，非常入味。蟹肉鮮甜香口，香噴噴嘅蒜蓉味啖啖肉，蟹身有手掌般大。芥辣牛柳粒牛柳粒嫩滑，芥辣醬的辛香味道提升了整道菜的層次，合桃甜甜地香脆可口。金豪和味雞（半隻）雞肉鮮嫩，醬汁香濃，雞皮又香又滑，配白飯一流。魚腐浸白菜魚腐與白菜相搭配，口感清新，湯底清甜，忍唔住飲多兩啖。艷影蝦球色香味俱全，外酥內嫩的炸蝦球，沾上特製醬汁酸酸甜甜脆卜卜，好惹味！…查看更多

第一次係食到嬲住咁走，一開頭落單就話之後冇得加單，不但食物水準下降，服務態度差，晚市60分鐘未食完就叫人交枱，趕客走🤬🤬🤬最差既體驗，不可一不可再！！！！不要建議朋友去呢間食。…查看更多

老人家生日帶佢來食飯慶祝。地下位置偏熱，被安排在一張近房間的枱，由於位置問題，同行有些朋友坐得不太舒服，店員很好，知道後，送了款冷食給風們。豬手好食，有咬感，個湯汁好好味，咸咸地帶微辣。沙煲蠔都好食小炒皇一般啦炸蒜瀨尿蝦好味，冇殼可以直接食，炸蒜亦都好香口。其他食物因為唔係我特別喜好嘅食物，所以我覺得一般還好。埋單約一千三百幾，6個大人食，都真心唔算貴。…查看更多

朋友聚會，今次去左係深水埗既金豪酒家食！佢都幾多人食，有信心保証！龍躉兩味夠晒新鮮，清蒸斑頭腩嫩滑得嚟又冇腥味，啱晒鍾意食原汁原味嘅人 🐟。翡翠炒球色香味俱全，火候啱啱好！艷影蝦球大大隻而且爽口彈牙🦐。頭抽霸王雞半隻夠晒啖啖肉，雞肉入味，油而不膩 🐔。砂煲芥蘭啫爽肉煲仔味濃，有鑊氣又唔過鹹 🥘。侍應會喺你面前用砂煲炒，視覺效果一流！芥辣牛柳粒食落好舒服，唔會好辣，牛柳粒又唔會太老！整體嚟講，味道穩陣，火候掌握得好，份量又唔算吝嗇。下次再去試其他嘢食。…查看更多

約咗幾位friend一齊去深水埗食晚飯，專登揀咗金豪酒家。聽講佢啲小炒夠鑊氣🔥，海鮮又新鮮🦐，環境親切舒服🪑，加上開到深夜，好啱成班人傾下食下，感覺好warm好街坊。🐟 龍躉兩味 以蒸同炒兩種方式處理，味道層次分明，表現相當出色。 🥢 清蒸斑頭腩 魚腩油脂豐厚，肉質滑嫩，蒸得啱啱好。薑蔥豉油比例恰到好處，突顯鮮味，入口即溶，清香不膩。 🥬 翡翠炒球 用大塊龍躉魚片爆炒，肉質爽滑彈牙，配上爽脆西芹，夠火喉，清新又香口，好搶口。 🍗 頭抽霸王雞 雞皮微脆，肉嫩入味，頭抽鹹香滲透每吓肉，啱晒鍾意港式惹味。 🧊 艷影蝦球 蝦肉紮實，醬汁甜鹹平衡，冇遮蓋蝦味，夠晒鮮甜。 🍲 砂煲芥蘭啫爽肉 熱辣辣上枱啫啫聲十足🔥，肉香撲鼻，芥蘭爽口，好撈飯。 🌶️ 芥辣牛柳粒 牛柳外脆內嫩，芥辣醬夠勁唔嗆喉，口感刺激又醒胃。成晚食得開心又盡興，菜式有火喉有驚喜。店員落力✅，環境乾淨舒適💛，令人feel到溫暖又親切。金豪真係好適合同朋友聚餐，再嚟一定唔出奇！…查看更多