牛極 (樂聲大廈)

营业中

休息中

今日中午一個人去開維園附近，見到呢間門口午餐寫有鰻魚飯60蚊諗住入去食個晏，入到去先發現原來係牛扒專門店，個鰻魚飯可能係因為疫情先有嘅外賣飯盒（？）。Anyway, 已經入左去甘我就叫左點餐機上最平80蚊嘅牛扒，然後侍應叫我可以自己去拎自助任食麵豉湯白飯同沙律。 其實嗰刻我驚驚哋， 而家日日都過百宗確診， 仲自助好似好危險，不過見舖頭客人吾多甘就試下拎一round啦…但湯好多湯料，沙律係日本椰菜絲睇落好新鮮， 而且仲有兩款醬汁，我揀咗芝麻醬， 然後再裝咗一碗白飯， 我都未搞掂返埋位牛扒已經到咗。原來個牛扒係用石板上枱，而且份量都吾細，80蚊嚟講真係好有誠意，我終於坐到埋位個石板仲係熱到咋咋聲。睇得出塊牛扒好生（後來切開估得3成熟），因為我比較鍾意食熟牛扒所以影左一張相就拿拿聲切開牛扒放石板上煎熟啲。 雖然係店裡最平嘅牛扒， 但都好有肉味而且煎到8成熟都好軟吾會係柴皮，白飯係珍珠米好煙韌粒粒分明， 麵豉湯同沙律都好好味， 睇得出用嘅食材 吾差，80蚊真係好抵食，等疫情好番啲會再去幫襯。Ps. 比餐廳嘅少少提議, 如果疫情期間可以停止自助, 全部由侍應上菜會令客人比較放心少少。