四季椰林海南椰子雞 (屯門市廣場2期)

营业中

休息中

今次約咗朋友食晏，想打邊爐，揀咗食四季椰林海南椰子雞 ，春夏天食比較清新🫶🏻今次叫咗個經典歡聚4人餐，湯底當然係佢哋嘅椰子湯，標榜「4個椰子1鍋湯, 不加1滴水」🥥，而重點就係佢哋嘅海南文昌雞！呢個靈魂湯底係用新鮮椰青水熬製，加埋海南文昌雞煮5分鐘就啱啱好！先食雞肉，口感嫩滑有嚼勁，有鮮甜味道，而且肉質依然好嫩，真係超正！入口鮮甜不膩，再喝碗湯，好清甜，滋潤清喉，我同幾個朋友都讚不絕口啊！呢個餐配菜有潮汕雙拼丸、響鈴同生菜；牛丸好彈牙爆汁，而墨魚丸都好鮮，兩款口感都好有嚼勁，生菜連根上、超新鮮😃最後食埋個金牌臘味煲仔飯，煲仔飯香氣撲鼻，臘腸臘肉油香滲晒入米飯入面，仲有飯焦，口感層次好豐富，正！