雞翼山 (T.O.P This is Our Place)

营业中

休息中

餐廳以雞翼做主打，地方唔算大，以外賣為主，但都有幾張枱櫈可以堂食。不要儀態一人餐一人餐有三款，我哋叫嘅A餐有三件玫瑰雞翼、一份蝦多士、一碗溫泉蛋蘑菇飯同一款飲品。雞翼塗上玫瑰蜜糖醬，甜甜地又帶有少少玫瑰花香，蝦多士夠鬆脆，加埋溫泉蛋蘑菇飯夠晒飽肚。除咗套餐仲有雞翼嘅單點，總共九款唔同嘅風味，我哋叫咗12件可以揀三款口味，分別揀咗黑松露武士、港式避風塘蒜香同濃口櫻花蝦蝦醬。雞翼炸至金黃色，外脆內嫩，配搭唔同嘅風味，黑松露香味獨特個人最愛，避風塘蒜香帶少少辣非常惹味，櫻花蝦蝦醬味濃咸香，食落仲有脆脆嘅櫻花蝦。絕對會再嚟試齊全部口味，鍾意食雞翼嘅朋友一定要嚟試吓！