반찬앤쿡 Banchan and Cook (屯門市廣場1期) (已結業)

Banchan 好似有唔少分店，食過東涌嗰間，好滿意，今次去屯門唔知食咩好，都係食返佢啦😆煙三文魚羽衣甘藍沙律沙律揀咗健康又好味嘅三文魚配羽衣甘藍，佢份量真係好足，正常女仔一個人食一份都可能食唔晒，勁豐富，除咗勁多羽衣甘藍，大大塊嘅煙三文魚，半隻牛油果，菇，蕃茄仔，紅菜頭，仲有藜麥👍🏻燉牛肋骨蛋包飯佢嘅主食選擇都唔少，我一如既往咁揀咗蛋包飯，因為睇住層蛋慢慢流落嚟，真係好治癒。佢嘅牛肋骨燉得好入味，肥瘦適中，朋友食到停唔到口，配上底下嘅炒飯，真係好正😍炸雞食韓國嘢冇理由唔食炸雞㗎，佢嘅炸雞都好出色，推介大家都要試吓。兩個人半份已經好夠食，佢口味選擇好多，我哋就揀咗醬油蒜頭味，估唔到係甜甜地嘅。佢皮脆肉嫩，一啖咬落去仲有啲汁，真係好正🥰tiramisu又到我最鍾意嘅甜品環節，tiramisu 係我嘅最愛，不過今次試個特別版--芝麻味☺️估唔到都幾夾，唔會好甜，芝麻味唔會太重，不過口感實咗少少，唔係好似tiramisu，但味道唔錯。飲品亦都係呢度比較出色嘅嘢，選擇多賣相又吸引，真係好難揀。最後揀咗焦糖脆脆鮮奶咖啡同埋伯爵茶鮮奶咖啡，前一杯比較甜，但好好飲，而後一杯就有層淡淡嘅茶味，各有所愛。