好味餃子店

营业中

休息中

今日同朋友經過過葵芳好味餃子店，見到佢嘅門口寫住餃子專門店，鋪面雖然唔係好大，但裝修整潔光猛！我哋坐低咗之後 就選擇咗六隻芫茜煎餃同十隻韭菜湯餃，仲叫咗枝豆漿添，佢嗰度都有好多款式嘅餃子可以放湯同煎。講返佢嘅餃子味道先啦，首先煎餃就外脆內軟，仲有好香嘅芫茜味同肉汁添，至於湯餃佢嘅韭菜混合咗少少椰菜好特別，好有菜味，個湯底係用嘢葛菜同生魚淆製多個小時的，味道好濃鬱但可能我食慣清淡感覺上就喊咗少少🤏佢哋店舖都有賣自家製嘅羅漢果茶同雪梨茶，見到其他客人都有飲👍最後講埋佢哋嘅服務態度，我係分別叫咗姐姐攞碗攞飲管同埋匙羹，服務員姐姐都好客氣，因為個湯餃冇匙羹我問佢攞佢仲同我講唔好意思，好有禮貌值得讚賞。呢間好未餃子店我下次都會再幫襯佢嘅下午茶都抵食。