好味餃子店

营业中

休息中

葵芳其實很多小店去發掘，作為一個餃子控一直想試這間小店，但由於唔想中午繁忙時段過來，於是今天忙完已是三時許，唔想吃得太飽，餃子就最適合。牆壁上掛着大大個餐牌，筆者依個時間，當然二話不說就點下午茶餐啦！枱上調味餃子，最吸睛就是那辣菜莆。豆豉辣椒菜甫，未算太辣，很惹味，恰到好處。滋潤雪梨茶~下午茶餐配飲品，而且不用加錢可以配雪梨茶，酸甜度幾爽。迷你版有5隻湯餃，湯底是野葛菜生魚豬骨湯，食店標榜每天新鮮熬製4小時不加味精，牆壁上的餐牌還註明湯底的功效，誠意可加。芹菜肉餃/甘荀沙葛肉餃$35~雖然是下午茶，但以一個人的份量也有滿足感。整體來說:下午茶時段3點至6點，雙拼餃加$2，以$35可以試兩款口味還配飲品，超值。支持小店，下次會回頭再試其煎餃，後會有期。

行完葵廣，想搵間餐廳食晚飯，周圍都係好貴嘅餐廳，上網搵到間隱世餃子店，價錢較平民，於是就去試下🥟店家有7款餃子選擇，掃完街想清淡少少所以就揀咗最經典嘅白菜豬肉餃同埋有雲耳椰菜豬肉餃。湯底係野葛菜生魚豬骨湯，飲落清清地，應該係真材實料無味精，因為平時飲完湯會勁口喝，呢個湯就唔會🫕份量方面有6隻同10隻選擇，6隻37蚊，10隻就47蚊，如果正常咁食晚餐就點都會揀10隻抵食啲，不過今次唔太餓所以只係揀咗6隻。佢可以選擇湯餃或者煎餃，我地一向食餃子都鍾意湯餃清淡又原汁原味，今次都唔例外，餃子皮薄餡料都足，但餃子嘅size唔算太大隻，當刻食完係夠飽嘅，不過番到屋企臨訓前就消化哂又餓了🤣不過以呢個價錢黎講都絕對算性價比OK，本身唔係太大食的話都值得推介一試🙂‍↕️

之前見好多人排隊買外賣 一直都要想試行完葵廣 見不用排隊 就試下湯餃 （10隻） 雙拼- 粟米肉餃+ 雲耳椰菜肉餃粟米肉餃- 粟米鮮甜 味道自然食得出唔係罐頭 / 凍肉店買一包包粟米雲耳椰菜肉餃 - 椰菜爽口兩款餃子 大隻飽滿而且皮薄 (薄到清晰見到入面的餡）味道清淡 肉餡比例均勻 肉唔會滿口肥肉 但唔會全瘦乾淨淨同時食到配料 （粟米/ 椰菜）的味道煎餃 （10隻） 單拼 - 韭菜肉餃非常非常推薦韭菜煎餃煎餃同湯餃的餃皮唔同煎餃的一邊係平 相信方便放pan煎（好像可以單買餃子 客人回家自己煮）餃子煎型金黃色 亦脆身 但入面依然juicy 韭菜十分香濃 而清亦令肉餃唔覺油膩 鐘意食韭菜一定要點總結價錢： 兩款餃子50蚊有交易 非常便宜 下午茶更見只係33蚊 食物： 小店裝潢簡樸 食物係一種自己包自己煮的家庭料理感覺 味道自然 當日我地當好點埋最後一碟韭菜肉餃 見店員同其他客人講賣曬 可否改其他 感覺食材新鮮 唔係一早做好既預製菜價錢便宜 但韭菜餃子非常出色 行過葵廣會因為咁再食

近排嘅熱門話題一定有餃子！之前save低咗呢間好味餃子，今日終於有機會嚟葵芳試下，睇下係咪真係咁「好味」！🥟 湯餃雙拼（10隻 $49）湯底係野葛菜生魚豬骨湯，飲落完全無味精，清甜不過鹹，絕對係今餐嘅亮點。餃子份量大，皮比較薄同偏腍，其中一隻仲穿咗皮。 • 雲耳椰菜肉餃 🥬椰菜超爽脆，食得出用料靚，調味平衡，保留到蔬菜本身嘅甜味。不過豬肉味較淡，整體比較清新。 • 韭菜肉餃 🧄正常發揮，韭菜比豬肉多，唔錯但無特別驚喜。🥟 煎餃雙拼（6隻 $39）佢哋嘅煎餃做法幾特別，唔係包實，而係冚埋塊皮直接煎，煎得唔會太油，咬落個皮有少少煙韌，焦香適中唔會燶。不過相比湯餃，煎餃體積較細，餡料相對少啲。 • 甘筍沙葛肉餃 🥕市面少見呢款餡料，食落超爽口，脆卜卜，好有驚喜！ • 粟米肉餃 🌽粟米甜度高，咬落 juicy，有層次感。個人覺得佢哋嘅湯底比一般餃子店更出色，會想為咗個湯再訪！餃子餡料靚，調味適中，不過餃子皮偏薄同腍，未必人人都鐘意。整體值得一試，特別推薦湯餃！

我朋友好鍾意吃餃子，今次就帶佢嚟試下呢間餃子🥟店。餃子有7款：粟米肉餃、韭菜肉餃、白菜肉餃、芹菜肉餃、雲耳椰菜肉餃、甘筍沙葛肉餃、芫茜肉餃脹卜卜，餡料夠份量。可以雙拼，試多啲款式～叫大碗有10隻，唔洗加麵都好飽肚。湯餃叫咗經典嘅韭菜肉餃同白菜肉餃，韭菜香味獨特，白菜口感清爽。我自己最鍾意食煎餃多啲，炸到金黃色香脆可口，粟米肉餃顆粒飽滿嘅金黃粟米香甜好吃～雲耳椰菜餃加入咗爽口嘅雲耳，口感更加有層次。下午茶只係$33，有5隻湯/煎餃加飲品，相當抵食。下次想試埋野葛菜生魚豬骨湯，冇味精，每日熬製4小時。

【🥟好味餃子店（葵芳）｜美好的回憶】餃子店我喜歡這間，簡簡單單、皮薄餡足、湯底好味😋.🥟湯底用上野葛菜生魚豬骨湯唔少人單碗買-細碗$26；大碗$32.🥟湯餃配上招牌野葛菜生魚湯底，飲完感覺很滋潤舒服粟米肉餃大大隻，粟米粒粒清甜無渣，配上豬肉包成，味道清甜.甘筍沙葛喜歡沙葛夾口嘅口感，配上甘筍蓉，份外清新！.🥟煎餃煎餃香脆，點上炸菜莆食很惹味！白菜肉餃白菜鮮嫩，啖啖肉雲耳椰菜肉餃雲耳椰菜都有咬口，具層次🥟好味餃子店（葵芳）📍葵芳禮芳街15號葵福大廈地下8號舖#香港 #葵芳 #葵芳美食 #餃子 #好味餃子店 #好食

平時喺港島區好少機會見到餃子專門店，今日同同事落葵芳見客，做完嘢見肚餓，路經見到呢間好味餃子店，位於葵芳禮芳街15號葵福大廈地下8號舖。有湯餃子，又有煎餃子，多款口味任君選擇，仲有車仔麵同各款飲品。我哋就叫咗甘筍沙葛肉湯餃子，同埋煎芫茜肉餃子，可以揀六隻一碟，同埋十隻一碟。食落去啖啖肉，而且熱辣辣，好有家鄉風味👍👍配埋兩杯凍豆漿，非常滿足😋佢哋仲有下午茶時段的。如果平時夜放工，又或者無飯家庭，可以試佢哋嘅冷凍餃子，買返屋企隨時可以煮嚟食，好方便😉

📍好味餃子店😍葵芳高質素餃子👍～餐廳環境靚😍食物質素高🥳店員服務態度好👍😘～煎韭菜肉餃😍餃子肉質非常鮮嫩😍外皮非常酥脆🥰煎得勁香👍調味亦都做得非常之好😘～湯韭菜肉餃😍湯鉸更加能夠突顯肉質鮮味🥰湯底做到濃郁得黎味道非常清香🤪飲到停唔到口啊👍大家可以睇吓餐牌🥰🥰價錢非常實惠😘仲要勁多選擇🤤下次一定再嚟食呀👍📍好味餃子店 (葵芳)葵芳禮芳街15號葵福大廈地下8號舖

【葵青區】【好味餃子店】同旁證哥入咗葵芳做嘢，梗係要食埋嘢。諗唔到食乜，「做生不如做熟」之下就試返喺 1am1109 已經去過嘅好味餃子店。上次係同經理哥去，評價都好高，所以同旁證哥穩陣啲試返佢。見有「下午茶超抵食餃子套餐」，我哋兩個都試佢，因為真係好抵。旁證哥要 $33 嘅五隻「湯餃」，加 $2 要雙拼，佢揀咗「韭菜肉餃」同「甘筍沙葛肉餃」嚟試。佢話兩款餃子各有特色，都好有水準。嘢飲就試熱嘅「滋潤雪梨茶」，又清又潤。我都係試 $33 嘅五隻「湯餃」，都有加 $2 要雙拼，不過味道就有所不同喇。我揀「雲耳椰菜肉餃」同「白菜肉餃」，我比較中意後者，好香白菜味，前者就層次豐富啲，湯底「野葛菜生魚豬骨湯」仲係咁正。嘢飲就飲「凍豆漿」，唔錯。我哋試埋 $37 嘅單拼煎餃子，要「粟米肉餃」，都好好食。埋單 $107，都係性價比高之選。。。（地址：葵芳禮芳街15號葵福大廈地下8號舖）@yum.dumpling#1amfoodie #foodie #hkfoodie #hkfood #food #foodporn #instafood #followforfollowback #foodstagra

第一次食呢間餃子轉門店，岩岩好係下午茶時段，三十幾蚊一碗湯餃子，有5粒湯餃，雙併加幾蚊，唔貴。湯底濃濃，奶白色，感覺無落味精，飲得好快。餃子餡料豐富，由新鮮蔬菜包成，每一件餃子脹卜卜，包滿1:1既蔬菜同豬肉，新鮮制既餃子同我地平時去超市買既急凍餃子好大分別，令我重拾吃餃子樂趣。點左6隻雙併煎餃，煎餃表皮唔油膩，餃皮煙韌，唔同平時食開煎餃既粉皮，煎起上來脆口，煙韌特別有口感。食起上來唔會覺得有好多油煎，感覺好健康。

去葵芳接仔仔放學，附近有間專食餃子嘅小店，佢哋餃子款式都好多選擇，有湯餃有煎餃，叫咗煎粟米肉餃同埋煎韭菜肉餃，再加多碗豬手米線😋餃子大大粒，煎餃煎得外層脆卜卜，餡料又多，粟米香甜，韭菜都好香口，豬手米線都好好食，豬手個軟腍腍到好適中，仲有個豆漿都好好飲㗎👍🏼原來佢哋個野葛菜生魚豬骨湯好出名，我下次都會去試埋呢個😋

下午茶既時間黎到葵芳佢地有個抵食下午茶餐$33 有5隻湯餃/煎餃加飲品由於新年真係食得太熱氣所以呢度揀咗五隻雲耳椰菜煎餃煎餃相對較扁身但食起黎好脆口另外叫左一個雙拼湯餃 $49 加上海麵 +$9 再加左蘿蔔+$9最最最值得留意既係佢地湯底唔係味精湯而係佢地每日煲既‘野葛菜生魚豬骨湯‘真係可以食餃飲湯同時進行！另外蘿蔔無渣，但唔係好夠味道，要配豉油或者菜脯一齊食湯餃揀左粟米肉餃同甘荀沙葛肉餃未咬都見到入面餡料既顏色，一咬多皮薄餡多十分足料如果食得辣嘅建議加埋佢哋嘅菜脯一齊食！真係好好食，我都忍唔住食左好多件😋

今日去到屋企附近嘅小店，店叫好味餃子去食餃子，平時我都會食水餃，但今次特別啲我叫咗淨牛丸（4粒），煎餃子雙拼（六隻）韭菜 及 白菜同一支自家製滋潤雪梨茶 熱（樽）。淨牛丸（4粒）有配菜，另外牛丸有爆漿鮑汁，應該中間的鮑汁是芝士的，而且有少少嘅胡椒香味，有嫩胃嘅感覺，爽口彈牙，牛肉汁，我都好欣賞。煎餃子雙拼（六隻）韭菜 及 白菜，煎餃子，外脆內軟，而且一咬爆汁，我比較鍾意食韭菜味，韭菜味濃郁，而且亦有肉汁嘅味道，白菜煎餃子，就比較清淡，但白菜同豬肉嘅味道都啱啱好，我都好鍾意煎餃子。滋潤雪梨茶 熱（樽）果然夠滋潤，而且好啱而家冬天飲，好潤喉，藥都唔會太甜。交通都好方面，附近有地鐵站同小巴站服務方面，我覺得好有禮貌，又好細心環境方面，我覺得衛生乾淨。價錢方面 : 街坊價錢

店名：好味餃子店（葵芳）地點：葵芳禮芳街15號葵福大廈地下8號舖今日黎開葵芳拍拖，行開葵廣附近，肚餓緊係醫下肚仔，男朋友係一個水餃控，見到葵涌運動場附近有一間餃子店，緊係試試，我地兩個人叫左兩碗雙拼湯餃試下佢🫣🫣1.雙拼湯餃子（粟米肉餃/雲耳椰菜肉餃）$492.雙拼湯餃子（韭菜肉餃/甘筍沙葛肉餃）$49店家其實有7款餃子（還有白菜肉餃/芹菜肉餃/芫茜肉餃）俾大家選擇，如果大家鐘情1種款式,可以選單拼，還可以分大碗10隻同細碗6隻，行完街肚餓，緊係叫二碗雙拼湯餃子啦，四款餃子都好好食，大大隻又多餡，唔似超市買個啲咁，個人建議可以由淡食到濃（雲耳椰菜>粟米肉餃>甘筍沙葛>韭菜肉餃）。最重點係佢個招牌湯底“野葛菜生魚豬骨湯”，每天新鮮熬製4小時，可以養陰清熱，降火排中，去骨火，化痰止咳等等，好適合我地，因為我地啱啱感冒完😥😥，而家咳到甩肺，所以如果你有肺熱咳嗽，或者有抽煙習慣，咁就要黎試下喇😋😋

📢葵芳唔係剩係得葵芳廣場周圍嘅街道都有好味嘅店舖！🥟呢間好味餃子店就專心賣餃子六點前嚟到下午茶時間好抵食五隻煎餃或者湯餃 加埋杯嘢飲 都係$33🥟單拼煎餃粟米🌽咁大隻餃子煎得好靚!而且個形狀係非常均一 🥟雙拼湯 選擇咗韭菜 & 甘筍沙葛🍜兩個都勁大隻、脹卜卜其中甘筍嗰隻好有口感 食到烚烚聲㗎🍜個湯底好清甜 係野葛菜生魚豬骨湯飲得出係冇味精 養陰清熱、降火排中飲得好舒服🍷清熱羅漢果甘草茶& 滋潤雪梨茶🖤另外再嗌咗個小食係涼拌雲耳雲耳酸酸地幾開胃 而且又健康入邊有啲蒜蓉 好惹味