影片
更多
2025-04-23
91 浏览
呢間法式餐廳，係某幾大商場唔難發現佢嘅蹤影。店內幾有法式小館感覺，播住輕快歌曲，幾令人用餐輕鬆。呢度星期一至五3點至7點(假日除外)，有Happy Hour，飲品買一送一。飲完先開餐都仲得。晚市套餐由2-5人都有，每人選1小碟加1主菜，可以開心分享。套餐包餐湯及牛油脆多士今晚係忌廉蕃茄湯，加少少黑醋點綴，入口酸中帶茄香味道，呢D初夏日子飲好令人開胃口，再加上牛油脆多士配食，飽咗2成。加$30，食到法式煮青口，以白酒牛油香草湯汁煮，呢度有300g，兩人分享岩岩好。差唔多每隻都有肉，雖然唔算大隻，但味道幾鮮甜。食完頭盤，主菜開始出場。先有海鮮燴飯，海鮮類包括蝦，黑青口及蜆。燴飯以海鮮蕃茄醬汁包圍每粒飯，微酸茄醬汁味令人開胃，就咁單食都好好味。蝦隻夠爽口，一隻一啖飯，滿足呀。加$50，選擇阿根廷安格斯肉眼牛扒，有薯條配巴黎牛油汁。件肉眼扒都夠份量，煎得顔色吸引。選擇五成熟，切開仍然見到淺紅色。入口有外脆內嫩感，配以淡味巴黎牛油汁，帶少少香草味，又係另一番味道。呢個粗度嘅薯條係我歡喜嘅，配茄汁食，一條都無剩。法式甜品點少得可麗餅，套餐只有呢款火焰燈酒可麗餅。侍應燒熱D橙酒再淋上件可麗餅，真係有
店內幾有法式小館感覺，播住輕快歌曲，幾令人用餐輕鬆。
呢度星期一至五3點至7點(假日除外)，有Happy Hour，飲品買一送一。飲完先開餐都仲得。
晚市套餐由2-5人都有，每人選1小碟加1主菜，可以開心分享。
套餐包餐湯及牛油脆多士
今晚係忌廉蕃茄湯，加少少黑醋點綴，入口酸中帶茄香味道，呢D初夏日子飲好令人開胃口，再加上牛油脆多士配食，飽咗2成。
加$30，食到法式煮青口，以白酒牛油香草湯汁煮，呢度有300g，兩人分享岩岩好。
差唔多每隻都有肉，雖然唔算大隻，但味道幾鮮甜。
食完頭盤，主菜開始出場。先有海鮮燴飯，海鮮類包括蝦，黑青口及蜆。
燴飯以海鮮蕃茄醬汁包圍每粒飯，微酸茄醬汁味令人開胃，就咁單食都好好味。
蝦隻夠爽口，一隻一啖飯，滿足呀。
加$50，選擇阿根廷安格斯肉眼牛扒，有薯條配巴黎牛油汁。
件肉眼扒都夠份量，煎得顔色吸引。
選擇五成熟，切開仍然見到淺紅色。入口有外脆內嫩感，配以淡味巴黎牛油汁，帶少少香草味，又係另一番味道。
呢個粗度嘅薯條係我歡喜嘅，配茄汁食，一條都無剩。
法式甜品點少得可麗餅，套餐只有呢款火焰燈酒可麗餅。侍應燒熱D橙酒再淋上件可麗餅，真係有火焰架!!
瞬間熄火後就可開動，可麗餅中間部份滲滿橙酒，再加上橙皮絲，質感軟棉棉，口腔內爆滿橙味。
配埋杯拿鐵，夠大杯又夠熱，入口香滑，仲有件甜甜Lotus餅送啡，相當有心思。
今餐食得相當滿足，難怪平日都唔少客。
张贴
