影片
更多
2016-02-12
1719 浏览
三隻馬騮游完水，唔想淨食壽司太生冷，所以去居酒屋！有熱食又多選擇！ 呢間新開，裝修新淨，難得星期六都唔使等位，而且店員仲好好比咗間圓型套房比我哋（可能避免我哋3隻馬騮嘈親人） 間房好有私隱，但要叫人就好難，因為店員行來行去都未必在意我哋間房，所以有個呼叫器，可惜係壞嘅！ 大家都唔太肚餓，小朋友又多，所以叫個二人套餐就夠！食物好快到！$358歡聚套餐 季節前菜：日式煮物，蒟蒻彈牙，荀件爽口！但蘿蔔澀口！ 薄切鮭魚刺身：特別嘅用洋蔥檸檬汁淋面，鮭魚唔肥唔腥，捲埋紅蔥絲一齊食，有啲特別風味，好味過普通刺身！ 特盛芝士凱撒沙律：芝士粉好多，麵包粒好大粒，乾身爽脆，羅馬菜太老，沙律汁唔多，所以沙律較乾身！ 日本南瓜蕃薯天婦：天婦羅中最喜歡蕃薯同南瓜，呢間炸漿唔厚，炸得香脆，南瓜蕃薯夠甜，炸得透！好好味！ 小牛肉壽喜燒：連鍋上，湯底甜，蔬菜款式多，不過我唔鍾意黃芽白！豆腐金菇索晒湯，牛肉半肥瘦唔硬！加埋雞蛋好滑！好味！ 九州豚骨湯拉麵：湯底唔夠熱，豬骨味濃，拉麵粗身有咬口！木耳絲有咬口，雞蛋半熟索晒湯！叉燒較老！ 抹茶雪榚：一早𢳂好雪到實晒，好硬好難𢳂！抹茶味唔濃！呍呢嗱雪榚：無乜呍呢嗱味！
呢間新開，裝修新淨，難得星期六都唔使等位，而且店員仲好好比咗間圓型套房比我哋（可能避免我哋3隻馬騮嘈親人）
間房好有私隱，但要叫人就好難，因為店員行來行去都未必在意我哋間房，所以有個呼叫器，可惜係壞嘅！
大家都唔太肚餓，小朋友又多，所以叫個二人套餐就夠！食物好快到！
$358歡聚套餐
季節前菜：日式煮物，蒟蒻彈牙，荀件爽口！但蘿蔔澀口！
薄切鮭魚刺身：特別嘅用洋蔥檸檬汁淋面，鮭魚唔肥唔腥，捲埋紅蔥絲一齊食，有啲特別風味，好味過普通刺身！
特盛芝士凱撒沙律：芝士粉好多，麵包粒好大粒，乾身爽脆，羅馬菜太老，沙律汁唔多，所以沙律較乾身！
日本南瓜蕃薯天婦：天婦羅中最喜歡蕃薯同南瓜，呢間炸漿唔厚，炸得香脆，南瓜蕃薯夠甜，炸得透！好好味！
小牛肉壽喜燒：連鍋上，湯底甜，蔬菜款式多，不過我唔鍾意黃芽白！豆腐金菇索晒湯，牛肉半肥瘦唔硬！加埋雞蛋好滑！好味！
九州豚骨湯拉麵：湯底唔夠熱，豬骨味濃，拉麵粗身有咬口！木耳絲有咬口，雞蛋半熟索晒湯！叉燒較老！
抹茶雪榚：一早𢳂好雪到實晒，好硬好難𢳂！抹茶味唔濃！呍呢嗱雪榚：無乜呍呢嗱味！太實好難𢳂！
餐飲：
柚子蜜梳打：味道清新唔假！解膩唔錯！
巨峰提子梳打：味道較假，可以接受！店員爽手，上菜收碟爽手！
簡單快快食完行街街！
张贴
