Chatterbox Café (圍方)

营业中

休息中

呢間新加坡餐廳成日人山人海，今日一早黎等位，就係為咗食佢出名嘅喇沙同咖哩。叫左個招牌雞肉喇沙，米線份量唔算多。但係雞肉尚算足夠同夠嫩，係雞件唔係一絲絲嘅雞肉，而且配料幾多，豆腐卜、雞蛋等等。喇沙咖喱同椰香味重，唔辣，濃稠度令每樣餸料都沾滿汁，鍾意椰香味嘅人應該覺得呢個選擇唔錯。另一個菜叫左咖喱豬肋骨煲配白飯同香脆薄餅，個咖喱好好送飯！豬肋骨有4、5舊大大舊，咖喱味當中有少少椰香味，而且個香脆薄餅浸汁食或者就咁食都相當好食。