方太小鍋米線

营业中

休息中

喜愛食米線嘅我，經常都會週圍搵邊度有特色而又好味嘅米線，近日發現元朗呢間米線小店有糯米酒湯底，咁近屋企就梗係要黎試下啦。方太家傳糯米酒米線 :上枱時已經聞到陣陣酒香味，先試一啖湯，有糯米酒嘅甘甜味而無苦澀味，配料除咗蟲草花外仲有紅棗及桂圓，好味之餘亦相當滋補。另外亦加咗一份鮮牛肉及惹味炸雞扒，鮮牛肉好嫩滑，食落一d都唔韌；炸雞扒即叫即炸，入口鬆脆，配上五香粉，辣辣地相當惹味。朱古力珍珠Oreo碎碎 :加15蚊有特色飲品，朱古力味道唔太甜，有好多珍珠，咬落口感Q彈，都算幾好飲。