過橋麵檔

营业中

休息中

搬左入元朗已經有差不多2年時間，幫襯呢間都有1年多，差不多1星期起碼黎1次，質數無變，依然保持到水準。最初係由唔鍾意出街食既阿爸介紹我黎食，除左好味之外，仲有方便拍車，因為店內有CAM睇到出面有無抄牌，真係幾細心。以前俾我隻狗入就去多D，有次唔俾我隻狗入，成家人一齊罷食此店2個月，但係最後都係對佢D雞飯念念不忘，始終難抵美食誘惑，最多去少D，因為出街食好難搵到D又要新鮮好味，又要抵食乾淨服務好，好似呢類唔欺客既店越來越少。食物方面，老媽子最鍾意食咸雞，因為有雞味，夠新鮮，肉質都算嫩，連皮食唔油膩又有雞油香，怕肥都忍不住要咬幾啖。老爸就比較鍾情咖哩牛腩飯，而我就一時食咸雞，但係多數食霸王雞，鍾意佢個菜飯加埋吸哂雞油既豉油芽菜，雖然雞味無咸雞咁出，不過加埋炸蒜蔥絲豉油送菜飯一流，一個套餐夠2個細食人SHARE。奶茶都算可以一試。鍾意食炸魷魚so就一定要係度試，不過份量唔少，要多幾個人SHARE就唔怕食唔哂。