上海婆婆 (黃大仙中心北館)

营业中

休息中

老公最近較鍾意食中式，今晚同佢去上海嘢，餐廳裝修都幾光鮮，有卡位，幾光猛新淨。今日老公發板，坐低點了好多嘢食，有飯有麵有小菜同小籠包。上海小籠包$45 一籠四隻，每隻都好大隻，皮簿及爆湯，味道都唔錯，最緊要係好夠熱。紅燒豆腐$75都好大碟，d豆腐幾滑，冬菇片加上筍片及毛豆一齊食，清清地，素食味道唔錯。糖醋魚塊$85 糖醋甜酸比例適中，d魚塊好大件而且食落感覺外脆內嫩滑，個汁做得好好，不會太稠。婆婆擔擔麵$58味道不過不失，不過偏辣，略嫌麻醬味不足，湯底同一般既擔擔麵有d唔同，可能係婆婆擔擔麵專有味道。上海婆婆粒粒炒飯$82 個炒飯醬油味好香，色香味俱全，食落唔會好咸。用了好多臘腸，但食落唔會好油膩，加上蛋香，個炒飯感覺農家味道十足，仲上好多蝦仁，值得推介。