麵尊

营业中

休息中

我同朋友去時代廣場，消閒購物，都有一D戰利品，要搵地方醫吓個肚仔，大熱天時好想食番碗麵，就自然掛住附近有間麵尊，去到門口已經有幾個人輪候等入坐，我哋等咗十分鐘左右，可以入去坐低之後，就攞咗落單紙圈咗大尊要粗麵加牛腩汁要蔥，炸魚皮一大包，炸魚皮好香脆，要保存得非常好，先至有脆卜卜效果，另外一個都係粗麵，五香牛腩、蘿蔔、豬大腸、豬紅、酸齋，豬大腸鹵得好入味又夠林真係好好食，豬皮食落口還有啲爽口、我最怕食到太林滑潺潺一啲口感都無，師傅控制得恰到好處，我鐘意！五香牛腩炆得夠林入味食落口無渣，酸齋係我每次食車仔麵不可缺少之一例有，飲品一罐雀巢檸檬茶一罐可樂，埋單出門口已經有很多人輪候等入坐，麵尊在銅鑼灣地點真方便。