影片
更多
2023-06-15
1239 浏览
收工同朋友約食飯，揀左呢間係時代廣場既川菜😋入到去環境都幾舒適光猛，枱與枱之間都有一定既距離，望落餐廳都幾大同好闊落😂我地一行三人，見到二人餐都有八道菜幾抵，所以就揀左呢個餐。首先黎左個手拍青瓜，普普通通既前菜，無咩特別。湯我地就各叫左一個，海鮮酸辣湯同埋杏汁燉白肺湯。酸辣湯都有少少辣，不過有多粒蝦肉，幾開胃！杏汁燉白肺湯就好足料，有雞腳，幾舊豬肺，一舊瘦肉，飲完覺得好潤，同埋份量都唔少，我地三個人都覺得好夠飲。酸菜湯龍躉球，個湯好清，同出面某啲餐廳比，一啲都唔油膩，呢個位要讚！而且龍躉都大舊，厚肉，無骨，個湯都夠酸，少少辣，亦係夠開胃好食！藤椒炒河蝦仁，蝦仁比較細粒，而且落左好多芡汁，藤椒亦都完全唔出味，呢道菜就比較失色，不過蝦仁口感爽口。沙薑鹹味雞（半隻），份量都算多，雞亦大隻，係髀位黎。沙薑味平均鋪滿雞肉上，食落口時亦唔會覺得好油膩，岩岩好，連雞胸位都唔鞋，值得一讚👍🏻啫啫唐生菜煲，上菜時呢煲野好香～～😋生菜有肉碎同蝦米，食落唔會好鹹，亦夠香口，亦唔油膩！濃湯小籠包，真係好多湯汁！一咬落去成口都係湯😍好出色。我地另外叫左個擔擔麵，就略為遜色，欠缺花生味，湯亦唔夠濃稠，但麵既口感幾
入到去環境都幾舒適光猛，枱與枱之間都有一定既距離，望落餐廳都幾大同好闊落😂
我地一行三人，見到二人餐都有八道菜幾抵，所以就揀左呢個餐。
首先黎左個手拍青瓜，普普通通既前菜，無咩特別。
湯我地就各叫左一個，海鮮酸辣湯同埋杏汁燉白肺湯。酸辣湯都有少少辣，不過有多粒蝦肉，幾開胃！杏汁燉白肺湯就好足料，有雞腳，幾舊豬肺，一舊瘦肉，飲完覺得好潤，同埋份量都唔少，我地三個人都覺得好夠飲。
酸菜湯龍躉球，個湯好清，同出面某啲餐廳比，一啲都唔油膩，呢個位要讚！而且龍躉都大舊，厚肉，無骨，個湯都夠酸，少少辣，亦係夠開胃好食！
藤椒炒河蝦仁，蝦仁比較細粒，而且落左好多芡汁，藤椒亦都完全唔出味，呢道菜就比較失色，不過蝦仁口感爽口。
沙薑鹹味雞（半隻），份量都算多，雞亦大隻，係髀位黎。沙薑味平均鋪滿雞肉上，食落口時亦唔會覺得好油膩，岩岩好，連雞胸位都唔鞋，值得一讚👍🏻
啫啫唐生菜煲，上菜時呢煲野好香～～😋生菜有肉碎同蝦米，食落唔會好鹹，亦夠香口，亦唔油膩！
濃湯小籠包，真係好多湯汁！一咬落去成口都係湯😍好出色。
我地另外叫左個擔擔麵，就略為遜色，欠缺花生味，湯亦唔夠濃稠，但麵既口感幾好。
最後上埋甜品，芝麻卷同埋黑糖糕。芝麻卷卷得好薄，好濃味，好似食緊芝麻糊咁，但又唔會太甜，好味！不過佢係室溫，一擺落口以為係熱既😂
黑糖糕好香！食落口係黃金糕嘅口感，亦唔會好甜，岩岩好！
最後總結，餐廳職員都好細心，會留意到客人幾時無茶，主動斟茶，又會主動加熱水，食到中間又會主動幫手換碟，亦好好禮貌👍🏻
张贴
