影片
更多
2024-08-10
611 浏览
因為個fd之前食過，所以帶我嚟食，但服務一開始都令人幾難受，選擇又少，食物幾好環境幾好都食不知味。提醒大家，佢個set Menu好神秘，係國家機密黎，比你睇2秒都係我哋嘅榮幸，晚餐有兩個set嘅，兩個都咁高質，你就唔好考慮咁多啦，2秒好落決定啦。依間店係走「性價比高omakase」嘅路線，選擇權唔應該喺你手上面架，關於自由同選擇，從來唔應該有期待。另外提提半年前嘅舊客，Menu 變咗，之前個fd話好似啲居酒屋咁有20頁食物，好多選擇。但今次黎到，連刺身、壽司、天婦羅等等，menu得4頁左右。我哋都聽到後面嗰枱同我哋問同一個問題。Menu呢？得呢啲？係呀！有神秘嘅set Menu既。女侍應拎住兩張皺皺哋既set menu黎做重點介紹，意思大概係呢個唔係真正嘅omakase，主要係熟食，但係材料絕對值回票價。張set Menu皺皺哋得一份，我同個friend都要扭轉個頭嚟睇，我就諗住影低張相，還返張紙俾佢。點知佢都幾凶惡咁講：「唔好意思唔影得！」然後好rude咁收走張set Menu，轉身離開。我當場呆左，超級尷尬，我以為係我自己孤陋寡聞，唔知道日本餐廳嘅禮儀，唔可以影Menu。但係就算係
另外提提半年前嘅舊客，Menu 變咗，之前個fd話好似啲居酒屋咁有20頁食物，好多選擇。但今次黎到，連刺身、壽司、天婦羅等等，menu得4頁左右。我哋都聽到後面嗰枱同我哋問同一個問題。Menu呢？得呢啲？係呀！有神秘嘅set Menu既。
女侍應拎住兩張皺皺哋既set menu黎做重點介紹，意思大概係呢個唔係真正嘅omakase，主要係熟食，但係材料絕對值回票價。
張set Menu皺皺哋得一份，我同個friend都要扭轉個頭嚟睇，我就諗住影低張相，還返張紙俾佢。點知佢都幾凶惡咁講：「唔好意思唔影得！」然後好rude咁收走張set Menu，轉身離開。我當場呆左，超級尷尬，我以為係我自己孤陋寡聞，唔知道日本餐廳嘅禮儀，唔可以影Menu。但係就算係我唔啱，都唔使咁rude咁收走張set Menu，我哋掀來掀去，正式Menu得4頁，真係冇幾多嘢好揀。
最後我唯有再次招手，同個男侍應講，我哋唔會影個set Menu 㗎啦，麻煩你俾返我哋睇。男侍應放低set Menu之後，我個friend 仲係十五十六，因為個set Menu都唔完全係佢想食嘅嘢，所以佢又唔死心，想比對返個「正式Menu」，只係將個「正式Menu」冚住咗個set Menu十秒左右，個男侍應竟然過嚟抽走張Set Menu！
呢個時候，我終於知道，原來張set Menu係國家機密嚟㗎！！無可奈何之下，我哋又再叫佢俾多次我哋睇……
我想講成個考慮嘅過程大概5分鐘，最多最多唔超過10分鐘。我真係唔係好明白點解佢要喺咁收埋張set Menu。聽個女店員嘅語氣，佢覺得呢份set 好抵，出面食唔到，其實你性價比真係咁高，怕咩人知呢？我以為係我唔識得禮儀，於是我Google係咪日本Menu唔俾影，但係我只見Google話師傅唔好影，冇人講過Menu唔俾影。當然各處鄉村各處例，每間舖頭都有佢要遵守嘅規則，唔俾影真係唔緊要，但你作為侍應，都唔使咁rude！如果你唔俾影menu麻煩你大大隻字寫低「機密」！！又或者份set Menu真係咁機密，就唔好print出嚟啦，口耳相傳啦！又或者如果你係得一份Set Menu咁珍貴，你可唔可以print多幾張？唔好係咁收走個客張set Menu……
公平啲講句，第一次嚟食嘅話，會幾開心，因為佢整得幾靚，適合打卡，但係我因為太嬲嘅關係，都冇心打卡，淨係影咗3張相，你問我食咗啲乜，我真係唔記得呀。每次上菜咁快講幾句，我鬼記得咩？所以剛剛睇番之前嗰幾篇食評，究竟啲食物名字點解可以記得咁清楚？睇嚟啲客人真係好用心咁速記。女侍應最後問我好唔好食？好食嘅。但係我心裏面嗰句係：香港好食嘅地方太多，我唔需要再嚟。
呢次係我第一次寫OpenRice Comment，講真寫200字都要時間架……
张贴
