水門雞飯 (萬勤商業大廈)

营业中

休息中

今日路經尖沙咀金馬倫道，見到有間新開嘅《水門雞飯店》，一於入去試吓新口味。食肆裝修風格簡簡單單，好似茶記咁，其中有面牆刻上泰文，但最吸睛的還是廚房那面橱窗，掛滿一排排的泰式海南鷄。既然嚟到水門鷄飯店，當然要一試招牌菜式水門鷄飯$50。首先上枱係一小碗鷄湯，湯裡面有冬瓜，加咗胡椒，味道唔錯。跟住主角出場，賣相普通，啲鷄個樣麻麻，食落唔算嫩滑，全靠啲醬油吊味，反而啲鷄飯較為出色，粒粒分明得嚟都幾夠味。另外叫咗碟泰式乾炒辣牛河(少油)$65，份量算足，牛肉就細塊少少，一般水準喇。食完出嚟，見到門口有人排隊，可能新店新口味，有多啲人想試，不過想留客，就要提升食物質素。