雪山冰廳

营业中

休息中

有個奶茶控朋友見我今日行經長沙灣，就強烈介紹我去雪山試試佢！平日午飯時間，人流唔多可以馬上入座。食物種類款式好多，今次我就叫左個海南雞飯。🐥老實講，瘦雞係冇咁好食，但太肥又唔得，今次隻雞略嫌肥左啲。再加上，雖然佢冇話呢個係無骨海南雞，但舊舊都係骨又真係多左少少。講埋味道先，可以嘅，啲咸味係入味嘅！而個油飯都唔差，有油香但唔會油份太多食到漏。題外話，一上碟見到啲蘿蔔條一渣咁掉係面都幾搞笑，個賣相有啲亂🤪講番杯奶茶先，因為佢我先會黎雪山。不過我係叫茶走嘅。一個字，正。奶同茶味係恰到好處，就算佢係茶走，都唔會比啲甜味蓋過左個茶味。飲上去有質感，值得一試。