影片
更多
2019-03-18
1123 浏览
一班女仔聚會未必次次都去Café打卡，今次選了有番咁上下歷史嘅香港老飯店，全因有朋友好想食正宗上海菜大廳寬敞，裝修有懷舊感但並不殘舊。侍應有禮貌又熱心，主動向我們介紹菜式。小食兩小碟，花生香口，醃菜爽脆但對我來說不夠酸。最愛溏心蛋的我必點燻蛋！蛋黃香滑，煙燻味道唔會過份濃烈，核桃夠脆身。醉雞雖然係前菜，但份量好大，酒味非常濃郁，雞肉嫩滑而且入味，雞皮爽口唔肥膩抵讚。朋友一見餐牌有醃篤鮮湯已經話必點，細問先知醃篤鮮湯是經典上海菜，先用雞骨加豬骨及醃肉熬湯，再加入當季的竹筍及百頁結、青江菜等配菜。湯熬成乳白色，味道濃厚，新鮮竹筍爽口無渣，配合醃肉的咸香令人超回味！再講一講原來用砂鍋盛湯都有學問，因為熱湯更顯鮮味，而砂鍋起到保溫作用蟹粉炒年糕夠足料，可以見到一粒粒橙紅色的蟹膏。年糕煙韌，大白菜清甜，加上蟹膏一齊煮十分鮮甜！雖然價錢偏貴，但食材同份量都絕對唔Hea。小籠包一籠十只蒸起依然挺身，因為入面充滿湯汁所以每次夾都小心翼翼，好彩小籠包皮薄但唔易穿，相信肉餡係用新鮮豬肉，軟滑而且有肉鮮味！本來想點高力豆沙做甜品但又怕太飽，所以揀左酒釀丸子，丸子煙煙韌韌，糖水帶淡淡桂花香但唔會過甜，食完都唔
大廳寬敞，裝修有懷舊感但並不殘舊。侍應有禮貌又熱心，主動向我們介紹菜式。
小食兩小碟，花生香口，醃菜爽脆但對我來說不夠酸。
最愛溏心蛋的我必點燻蛋！蛋黃香滑，煙燻味道唔會過份濃烈，核桃夠脆身。
醉雞雖然係前菜，但份量好大，酒味非常濃郁，雞肉嫩滑而且入味，雞皮爽口唔肥膩抵讚。
朋友一見餐牌有醃篤鮮湯已經話必點，細問先知醃篤鮮湯是經典上海菜，先用雞骨加豬骨及醃肉熬湯，再加入當季的竹筍及百頁結、青江菜等配菜。
湯熬成乳白色，味道濃厚，新鮮竹筍爽口無渣，配合醃肉的咸香令人超回味！再講一講原來用砂鍋盛湯都有學問，因為熱湯更顯鮮味，而砂鍋起到保溫作用
蟹粉炒年糕夠足料，可以見到一粒粒橙紅色的蟹膏。年糕煙韌，大白菜清甜，加上蟹膏一齊煮十分鮮甜！雖然價錢偏貴，但食材同份量都絕對唔Hea。
小籠包一籠十只蒸起依然挺身，因為入面充滿湯汁所以每次夾都小心翼翼，好彩小籠包皮薄但唔易穿，相信肉餡係用新鮮豬肉，軟滑而且有肉鮮味！
本來想點高力豆沙做甜品但又怕太飽，所以揀左酒釀丸子，丸子煙煙韌韌，糖水帶淡淡桂花香但唔會過甜，食完都唔會有飽滯感～
四個大胃王點左好多野食就唔一一詳述，想食地道傳統上海菜，果然都係老字號最有保證，菜式選擇多，侍應有禮，最緊要都係每款食物出品都有質素，令人回味！下次一定要叫家中長輩黎食
张贴
