Plato Cafe & Bistro (Mikiki)

早喺OpenRice訂位，到餐廳唔駛等位可以即時入座。首先有4樣要彈嘅👎🏼:第一，帶入座居然帶去一個座位係同隔離檯非常近，冇晒私人空間，感覺同搭檯差唔多，我食人執$438位西餐好似要搭檯咁，會唔會有啲唔合理。 🤔第二，叫咗兩份肉眼牛扒套餐，兩份煮出嚟質素居然差咁多，我嗰份明顯好乾身冇乜肉汁。🥴第三，聖誕節都預咗貴啲，但唔駛成間餐廳得一張餐單嘛，就係可以叫指定聖誕套餐，比平時貴一倍，$438連加一服務費一位第四，餐廳你搞聖誕節套餐，但餐廳環境又冇乜聖誕節氣氛嘅，除咗有播聖誕歌外同貼個merry Christmas 。職員都冇人有戴聖誕帽之類打扮，職員冇笑容又冇啲打扮。我午餐餐廳食飯$60消費都見啲呀姐個個都戴啲聖誕裝飾，唔係覺得一定要戴聖誕裝飾，但你收得呢個價錢就要做好啲，仲叫聖誕餐🌝讚嘅👍🏼：1，兩份牛扒，有一份係幾好食2，前菜沙律🥗，個帶子同紫薯都好味總結： $876 兩個人，食呢兩個餐唔值得。