Plato Cafe & Bistro (Mikiki)

2025年12月3日 星期三最近同老婆去咗新蒲崗嘅 Plato Cafe & Bistro 食晚餐，環境真係幾靚，裝修走現代簡約風，木紋牆身配白色皮椅，坐得舒服又有質感天花掛滿橢圓形燈飾同節日裝飾，氣氛溫馨，啱晒朋友聚餐或者情侶約會整體乾淨企理，光線柔和，背景音樂唔會太嘈，一坐低就覺得好放鬆餐牌方面選擇多，主打西式料理，有單點又有二人套餐，前菜、意粉、主菜、甜品全部一應俱全，仲可以加錢升級湯品或者甜品，價錢合理，睇相片都覺得擺盤吸引，最後我哋就要左一個二人套餐一點完餐等左一陣，餐湯就送上，係南瓜湯湯身橙黃，入口滑溜，南瓜味自然香甜，唔會太膩灑上香草碎後多咗一層香氣，飲落暖笠笠，好舒服之後有前菜巴馬火腿蜜瓜沙律，火腿鹹香薄切，配埋清甜多汁嘅哈密瓜，鹹甜交錯好有層次，而且沙律菜新鮮，黑醋汁酸香醒胃之後就有北海道帶子松露野菌意粉，帶子煎得外脆內嫩，松露忌廉醬香濃但唔膩，野菌炒香帶出煙韌口感，意粉掛汁力強呢個係炭燒澳洲肉眼牛扒，牛扒外層炭香十足，肉質嫩滑多汁，油脂分佈平均配焗遠薯、蒸菜同肉汁，冷熱交錯，食落好滿足至於是日精選甜品既蛋糕層次分明，唔會太甜，中間既芝士帶香又輕盈另外配上玫瑰花瓣、朱古力棒同橙醬，視覺味覺都兼顧，係完美句號𣎴得丫提開心果白朱古力心太軟配雪糕，白朱古力漿流心效果真係一流，配合埋開心果碎同雪糕，冷熱交錯，口感豐富開心果醬微甜微鹹，令整體味道更平衡，打卡一流Plato Cafe & Bistro 無論環境定食物都令人滿意，菜式有水準，擺盤靚，味道有層次加上價錢唔算太貴，最啱想搵個地方慢慢食、影靚相、傾下計下次會想試埋其他主菜同甜品，值得回訪！！…查看更多

自從啟德站開通後，除了去Airside及鄰近的幾個商場外，原來去新蒲崗Mikiki商場亦都十分方便，由Airside 的2樓天橋連接到Mikiki，步行幾分鐘已經可以到達，非常方便而且靜中帶旺，亦匯聚多間人氣餐廳，今次去到主打歐陸西餐的〔Plato Cafe & Bistro〕，除了有慢煮安格斯牛扒及多款特色意粉，亦有套餐可以選擇。店內裝潢以簡約時尚風為主，舒適的氛圍，卡位梳化座位舒適，高樓底配以落地玻璃窗，環境寬敞舒適，適合悠閒享受日式輕食與咖啡文化。〔精選二人套餐〕(HK$428)【是日精選甜品 - 芝士蛋糕】 入口芝士口感綿密，散發濃香的芝士味道，味道不錯。【自家製開心果麻糬提拉米蘇】(HK$28)面層鋪了滿滿的開心果碎，提拉米蘇內有麻糬及沾了咖啡的蛋糕，入口質感軟滑又口感十足，味道層次豐富。【龍蝦汁波士頓龍蝦意大利飯】有半隻龍蝦肉肉質厚實，肉都很容易離殼，而且啖啖肉有龍蝦膏，意大利飯口感濕潤吸收了不少龍蝦汁，口味不太重感覺很健康。【露絲瑪莉香草燒羊架】羊扒叫了七成熟，羊扒大大件很厚身，入口肉質軟腍不會太乾太硬，連同配菜烤焗薯及西蘭花吃，味道剛剛好，而且有燒汁蘸點，有少少羊羶香味亦不會太重油膩感。【風乾火腿伴哈密瓜沙律】清甜的哈密瓜配上風乾的火腿，更有沙律菜及沙律醋點綴，是很開胃清新的前菜。【是日餐湯】南瓜湯口感綿密很濃郁。…查看更多

拍拖行開啟德，女友話Airside啲野食都好唔抵，拖住我手就話帶我食好西，係咁易過咗條橋五分鐘就到左Mikiki呢間Cafe，望望門面心諗果然又係女仔最鍾意既打咭店，野食賣相靚靚，裝飾佈置舒服，坐落都認真唔錯，適逢佢仲做緊Lolly Talk阿妹既既打氣宣傳，我早左黎坐入去，到我走果時竟然平日都Full House，冇介紹錯ｗｏ女友！我地嗌左個二人套餐四百零蚊都幾多野食脆炸蕃薯條濃濃既蕃薯味飄左出黎，薯身偏腍身易入口，熱辣辣上枱更具吸引力精選二人套餐餐湯係甘荀湯個甘荀Bled到好蓉，飲得出每啖都係甘荀肉，勁岩我呢啲扮健康既人士田園沙律佢係用左柚子醋作base，我係鍾意呢個味多過黑白醋，感覺更Fresh同開胃，細細杯既沙律足夠作為前菜之用蒜片白酒煮蜆三色椒+菇+酒+重蒜同露筍做醬汁拌蜆，隻蜆仲要幾大隻下又鮮甜，填滿哂白酒既味道，係好想食多幾隻囉波士頓龍蝦龍蝦汁意大利飯擺盤漂亮，龍蝦肉質彈牙，Risotto飯底份量足，粒粒粒分明，汁底菜配有蕃茄露荀，諗住幫女友獻恩勤摵殼既我點知一起就出左黎個龍蝦肉，easy剝呀！炭燒澳洲肉眼牛扒嗌左五成熟既肉眼扒，易切同時入口一咬即開，冇韌身既感覺，伴碟配上焗薯蛋黃醬，飽肚幸福感黎哂牛角窩夫伴雪糕食用乾花+粟米脆脆舖面，冰凍既Milk ice cream配上暖笠笠既窩夫，一冰一火，入口融化了我同女友的心自家製開心果麻糬Tiramisu絕對推介>>>>上枱時見到女友隻眼發左光咁，瘋狂拎電話係咁影相，作為兼職攝影師既我受命要影返三五七百張，甜品上層滿佈開心果粒粒，配上間條朱古力條條同Lotus餅，切開下面見到厚麻糬連同酒香既Tiramisu，入口第一啖覺得個每樣野都互相襯托得好好，餅底吸哂tiramisu ge coffee味同酒味，仲要唔係死甜，食得我好爽凍檸茶嗌走甜，茶味唔澀，整體正常…查看更多

位於新蒲崗Mikiki 地點容易搵又方便✨啟德站行幾分鐘即到 仲係一橋之隔 落雨都唔使開傘😎餐廳環境舒適寬敞 光線明亮又有格調 啱晒嚟放鬆Chill吓咁啱撞正應援 Jeremy粉絲一定要嚟打卡🤣·`♡·露絲瑪莉香草燒羊架🥢跟餐附送田園沙律/是日餐湯新鮮沙律菜🥗配黑醋汁 健康又醒胃忌廉蘑菇湯濃郁鮮甜 口感綿密羊架嗌咗五成熟 肉質粉嫩多汁 冇羊騷味 搭配現烤嘅焗薯🥔好滿足·`♡·軟殼蟹黑松露忌廉意大利飯🥢忌廉醬滑潤香濃 黑松露味突出又唔搶 軟殼蟹炸得香脆 飯粒吸滿醬汁 好有層次感 非常推薦😋·`♡· 日式天婦羅魷魚鬚🥢炸得金黃香脆 外皮輕盈唔油膩魷魚鬚鮮甜彈牙 咬落有爽口嚼勁🐙配埋天婦羅醬汁更加提味 超適合當開胃小食✨ ·`♡·玫瑰士多啤梨梳打🍹玫瑰士多啤梨🍓🌹梳打飲落好清新 玫瑰香味配甜甜士多啤梨 好有夏日感覺梳打泡泡爽脆刺激 整體甜度剛好唔會太膩·`♡· 開心果白朱古力心太軟配雪糕🍨外層柔軟帶微微脆感 內裏流心白朱古力香甜濃郁 加埋開心果嘅香脆和雪糕嘅清涼 層次豐富又唔膩🤤✔️加一服務費*⑅︎୨୧┈︎┈︎┈︎┈︎┈︎┈︎┈︎┈︎┈┈︎┈︎┈︎┈︎┈︎୨୧⑅︎*…查看更多

探訪了位於MIKIKI的PLATO! Cafe Bistro，體驗感直接拉滿！從啟德站行過嚟都好方便，腳程快的話幾分鐘都行到，和車站不過一橋之隔。最貼心的是這段路全程有遮蔽，落雨完全唔使開傘，對比新蒲崗咁隔涉的地段，這裡簡直是聚餐覓食的優選。店內環境超有質感，淺米色軟包卡座搭配拱形燈飾，聖誕裝飾點綴其間，落地玻璃窗還能看到窗外城市夜景，無論是情侶約會還是朋友小聚都氛圍滿分。我們點了至尊二人套餐，性價比超驚喜：• 風乾火腿伴哈密瓜沙律：火腿的鹹香融合哈密瓜的清甜，沙律菜爽脆解膩，黑醋汁提味恰到好處；• 澳洲肉眼牛扒（5成熟）：牛扒煎得外焦裡嫩，肉汁鎖得滿滿的，5成熟的嫩度剛剛好，搭配黑椒汁香氣更濃；• 西班牙龍蝦海鮮飯：龍蝦肉彈牙飽滿，淡菜、魷魚等海鮮鋪滿鍋，飯粒吸飽海鮮湯汁，鹹香鮮美；• 輕乳酪蛋糕：作為甜品收尾再合適不過，口感綿密輕盈，芝士香濃而不膩，玫瑰花瓣點綴還添了幾分精致。飲品方面，蜂蜜柚子茶熱飲溫潤解膩，冰果茶加了新鮮薄荷叶，酸甜清爽，和主菜搭配剛剛好；餐湯的口感也很醇厚，開胃又暖心。整體消費兩人$601，包含10%服務費，這樣的環境和菜品水準性價比頗高。店員服務也很及時親和，上菜速度不拖沓。不管是想嘗地道西餐，還是找個舒適的地方聚餐，這家PLATO!都值得一刷再刷！…查看更多

食在Mikiki：）隨著聖誕節臨近，Mikiki內已經瀰漫起點點節日氛圍，餐廳門口擺著聖誕樹裝飾，暖黃燈光裹著整個空間，一餐豐富美食，也算是生活中的小安慰。這裏的套餐組合很靈活，不僅可以加錢升級湯品，亦能根據喜好追加小食或甜品，個人推介自家製開心果麻糬提拉米蘇，超有驚喜，must try ! 香脆煙肉卡邦尼意大利粉 $108煙肉帶獨特焦香，入口爽脆中夾著煙靭質感，濃郁蛋醬均勻掛住每根麵條，奶香與鹹香剛好。露絲瑪莉香草燒羊架 $198羊架烤至外皮微微焦香，鎖住肉汁，內裏軟嫩不算膻；淋上濃郁醬汁更香口，配上焗薯和時蔬，更完整：）升級優惠！+$38 可將普通湯品升級至法式蟹肉龍蝦湯想不到份量十足：）而且湯底濃稠綿滑，鮮甜香口，真的不錯！追加食品•北美道帶子沙律 $38北美帶子煎至邊緣焦香，入口鮮甜彈牙，搭配清爽蔬菜沙律與特調醬汁，開胃又可解膩。追加甜品牛角窩夫伴雪糕 $38外層酥脆內裏鬆軟的牛角窩夫，搭配凍冰冰雪糕，更鋪滿浪漫玫瑰花瓣與香脆果仁，口感層次豐富。自家製麻糬提拉米蘇＜開心果口味> $48私心大推介！鋪滿了香脆果碎，超香！軟糯麻糬有超治愈拉絲口感，再融合經典提拉米蘇的濕潤，淡淡的酒香與蛋香，三重口感，超有驚喜！…查看更多

就嚟到聖誕節，提前食聖誕大餐，試吓呢一間。 有啲餐散叫兩個已經四百幾，所以嗌咗個精選二人套餐。 $496。整體菜式冇問題，可以再次光臨。咁多菜式，最鍾意食開心果麻糬提拉米蘇但係二人餐九個菜式，坐二人枱真係好窄，啲碟比較大隻，要快啲食完，交俾侍應，再上菜，成張枱都塞滿晒嘢好迫，所以最好二人餐比二人台的大小可以有四人枱嘅闊落就最好。 二人枱適合兩個餐，兩杯飲品，加兩個甜品比到盡，就唔會成張枱好窄，好迫嘅感覺。 畢竟影相個環境咁闊落，但食物多坐二人台體驗就扣分，好逼夾嘅西餐嗌五成熟牛扒扒，但係上到嚟似七八成有啲老蝦肉比較老，但飯好味…查看更多

呢間餐廳實在太好味啦已經係第二次翻撻了 食極唔厭啊😝❤️‍🔥餐廳環境優美 鄰近啟德地鐵站落成喺大型商場 方便快捷可以去到地鐵站站出唔使10分鐘就到 附近仲有巴士站簡直係交通方便嘅美食指南🥰😝😝😝廢話唔多講直落重點去講嘢食嗰度蒜香蟹肉蜆肉炒意大利粉🍝 味道非常鮮美，蒜香味恰到好處，蟹肉和蜆肉的鮮味有夠，非常暖心嘅清洗啦，一啲沙都冇！意大利粉煮得剛好，軟硬適中！吸收了海鮮的精華，吃起來每口都是幸福感🧄牛角窩夫伴雪糕🍦 牛角窩夫外脆內軟，搭配滑溜溜同埋牛奶味好重嘅雪糕，真係一份完美配搭。雪糕嘅香甜同窩夫嘅口感形成互補，尤其熱天嚟返一份真係超解暑澳洲肉眼牛扒（我嗌嘅係五成熟）🥩 牛扒煎得完美，外焦內嫩，肉質鮮美多汁。搭配少許黑椒醬，味道更上一層樓。吃嘅時候可以感受到肉嘅細膩，真係肉食愛好者嘅夢幻享受。配搭嘅主食係意粉🍝黑椒汁滲透晒入意粉，每一啖都係精華英式奶茶（熱）標準的英式奶茶，茶香撲鼻，奶香濃郁，喝上一口就感受到暖意炸番薯條🍟炸蕃薯條口感外脆內軟，金黃色外皮非常誘人，食落去嗰種香脆嘅聲音讓人忍娪住食多幾條。蕃薯嘅自然甜味同鹹香完美結合，滿足又唔會太膩。無論係單吃定係配上少許番茄醬，都非常美味…查看更多

同朋友慶祝生日，為咗試社交平店 大熱的開心果白朱古力心太軟，特登去到新蒲崗Mikki 食Plato Cafe結果一啲都冇令我地失望，除咗甜品超級好食，主菜亦都好出色煙三文魚班尼迪早餐$148Benedict 好好食，底層唔系平時普通嘅英式鬆餅，而系牛角Waffle 脆口有牛油香紐西蘭羊架$178羊架揀咗七成熟，煎到啱啱好外皮脆脆地，切開有少少血水唔會太熟開心果朱古力心太軟$48朱古力心太軟一切開，開心果醬好似熔岩咁湧出嚟，心太軟上面鋪咗勁多開心果碎，完全係比開心果包圍嘅感覺，好幸福熱辣辣嘅開心果心太軟，配上雲呢拿雪糕，又熱又凍冰火交融嘅感覺，味道同口感都相當出色…查看更多

☕️Plato Cafe Bistro 📍今晚去咗MikikiPlato食晚飯，環境幾舒服，坐位都幾闊落，感覺輕鬆好多。🍴晚市套餐｜D12 澳洲肉眼牛扒｜田園沙律｜抹茶鮮奶 ｜自家製麻糬提拉米蘇  $260牛扒厚度啱啱好，煎得medium rare，肉汁鎖到幾好，配埋田園沙律同抹茶鮮奶都幾清新，最後個自家製麻糬提拉米蘇軟軟地好食。🍴晚市套餐｜D9 燒黃油春雞｜是日餐湯｜藍莓水果茶$177春雞皮烤到香脆，黃油味唔會太重，肉質嫩滑，配今日例湯同藍莓水果茶剛好中和到油膩感。🍴晚市套餐｜D5 軟殼蟹黑松露忌廉意大利飯｜是日餐湯  $112軟殼蟹炸得脆卜卜，黑松露味香濃但唔搶味，飯煮得creamy，性價比真係幾高。而且幾就腳，喺啟德行條天橋就到📍 Plato Cafe Bistro  …查看更多

🎅🏻🎄再過多幾個禮拜就聖誕!!!!想有個儀式感 但又唔想食咁貴🥺感覺上好似少難唔怕！唔怕！Plato幫到你~Dinner set都係$78起 可以話係行平民化路線🤓就算唔係慶祝節日都好 真心覺得一個人平時想食下好少少可以去呢到❣️蒜片白酒煮蜆食西餐除咗主菜 又點少得前菜🤭呢個煮蜆前菜可以話值得一點！蜆肉夠肥美😍又大大隻每隻蜆充斥着蒜蓉嘅香味 入曬味🧄❣️香脆煙肉卡邦尼意大利粉入口好creamy 意粉都俾醬汁實實在在咁包住🍝雖然creamy 但又唔會膩芝士味好出🧀煙肉炸過好脆口🥓❣️西班牙海鮮飯雖然望落相比其他西班牙餐廳份量好似細咗啲但佢嘅海鮮多到同飯嘅份量可以話係1:1🍤就係因為咁食落每啖都有海鮮嘅鮮味🐟❣️香芒牛角窩夫配雪糕曾經爆紅嘅一時嘅Croffle而家係香港開始越黎越少 見有就好食啦!!!牛角窩夫酥脆帶煙韌牛角包外層嘅脆口🥐內層嘅柔軟一啖牛角窩夫🧇一啖雪糕🍨一啖香芒🥭食完係幸福嘅感覺😍❣️炸番薯條番薯條的確係夠脆身🍟不過番薯味就略為少咗啲❣️芒果沙冰❣️玫瑰士多啤梨梳打…查看更多

好耐冇返嚟香港同朋友去mikiki行街，呢度啟德站行過嚟一條天橋就到，好方便，落雨都唔使擔遮，餐廳環境乾淨，有聖誕氣氛，望住街景同朋友吹吹水係好正既一晚！點左個精選二人套餐，埋單都係500幾性價比高，先大推個法式蟹肉龍蝦湯，口感creamy而且真係有蟹肉，返黎香港最想飲呢個湯，前菜蒜片白酒煮蜆，鮮甜無沙，蜆肉大大粒，我點左北海道帶子松露野菌意大利粉，非常足料又creamy，最重要係意大利粉唔會煮到好稔，大推埋德國脆皮咸豬手，外皮香脆度恰好，肉質嫩滑，配埋蜜糖芥末醬一流，甜品我中意食心太軟，睇住個lava流出黎勁治癒，甜度適中，是日精選甜品芝士蛋糕，入口即融，濃濃既芝士味，大滿足😌…查看更多

啟德Airside 去Mikiki 都好近，發現有間Plato Cafe & Bistro 嘅下午茶好抵食，我哋兩個人嗌咗三份餐📌黑松露野菌意大利飯飯好creamy，野菌爆多，黑松露香氣夠曬濃郁。📌香蕉朱古力牛角窩夫配雪糕即叫即制嘅牛角窩夫，外層香脆，口感煙韌，香蕉片都砌得好靚，賣相好吸引，好適合打卡。📌墨西哥芝士焗粟米片芝士焗得啱啱好，唔會太乾，粟米片夠脆，點酸忌廉食好夾。📌凍玫瑰朱古力飲品加咗玫瑰花瓣，帶有淡淡花香，入口優雅清新。📌柚子檸檬梳打飲品帶有天然果香及微微的果皮味，檸檬清新酸味與柚子甜味互相平衡。📌玫瑰花洋甘菊茶一壺花茶我哋可以兩個一齊分享，玫瑰花啖啖甜香，入口優雅，每次斟細細杯，慢慢傾計慢慢飲幾寫意。…查看更多

位於新蒲崗Mikiki的 Plato Café & Bistro，從啟德站沿天橋步行數分鐘即可到達，交通非常便利。 餐廳晚市提供的「精選二人套餐」相當抵食，包含是日餐湯或田園沙律、前菜、意大利粉或意大利飯、主菜，以及兩份精選甜品，選擇多樣，性價比高。蕃茄濃湯，酸甜平衡，口感濃郁，暖胃之選。西班牙風乾火腿伴哈密瓜沙律，鹹香火腿與清甜哈密瓜形成完美對比，清新開胃。北海道帶子松露野菌意大利粉令人驚喜，帶子鮮甜，松露香氣撲鼻，配上彈牙麵條，層次豐富。西班牙黑毛豬鞍肉質嫩滑，脂香濃郁，烤製火候恰到好處，令人回味。牛角窩夫伴雪糕外脆內軟，配雪糕口感絕佳；焦糖芝士蛋糕香濃細膩，焦糖微甜不膩。熱蜂蜜柚子茶清香暖心，而 Oreo奶昔濃郁香甜，甜品控必試。總結，餐廳環境舒適，菜式精緻，份量十足且價格合理，是情侶或朋友聚餐的理想選擇。…查看更多

行開Mikiki，發現呢間樓上cafe竟然隱藏住高質西餐！今次試咗三道菜，每款都有驚喜～法式蟹肉龍蝦湯一上枱就聞到超濃郁龍蝦香！湯汁濃稠到掛匙，飲落係超澎湃嘅海鮮鮮味，仲食到絲絲蟹肉同龍蝦肉碎，真係真材實料！最正係個味道濃而不鹹，飲完成個口都係回甘，麵包蘸湯食簡直係絕配！白酒忌廉汁煮青口絕對係必點！青口每隻都肥嘟嘟，完全冇沙。忌廉汁奶香順滑，帶住白酒嘅清香，仲落咗蒜片同香草，味道層次好豐富。個汁真係好邪惡，令人忍唔住用麵包刮到乾乾淨淨！炭燒澳洲肉眼牛扒叫咗五成熟，切開係完美粉紅色！外層炭燒香好突出，內裡肉質軟嫩多汁，簡單用海鹽同黑椒調味已經好足夠。旁邊嘅烤蒜頭同蔬菜吸滿肉汁，超正！已經約定下次再嚟試其他菜式！…查看更多