豆漿大王

营业中

休息中

之前睇到Open rice有唔少人推介豆漿大王嘅粢飯，所以特登一早同屋企人去新蒲崗嘅分店試試，早餐時段店內嘅食客不多，甫入店內員工幫我地量體温並叮囑唔進食時儘量戴回口罩，部份餐桌只裝上一塊唔算高嘅隔板，感覺阻隔效果不大。 睇完餐牌立即叫左三杯凍豆漿 、一碟生煎包、兩個全加料粢飯，店員先送上凍豆漿，豆漿帶有淡淡豆香，容量不少。隨後店員送上生煎包，生煎包一碟兩個，煎得不夠香，而我嘅生煎包面仲要痴住一條頭髮，見到已經令人倒胃口！ 揻走部份外層再食，外層的生煎包尚算軟熟，但內餡味道唔係咁夾，同平時出面食嘅味道完全唔一樣。 最後送上嘅粢飯熱辣辣，份量都好大，但榨菜切到好碎，即使全加料都唔係好食到有榨菜粒，米飯好硬，油炸鬼唔脆又實，可能隔夜再翻蒸，最後我同屋企人都各食剩左半條粢飯就埋單走人！