影片
更多
2023-02-21
60 浏览
好耐之前就試過呢一間新式越南cafe，記得質素好唔錯所以今日就再同男朋友去食。我哋六點鐘去到，唔算好多人但係聽到七點鐘嘅booking已經full曬。 我同男朋友試咗好多唔同嘅菜式：首先我哋叫咗一個麻辣鴨血金邊粉，令我驚喜嘅係佢價錢好平，但份量好多，入面有五件鴨血，又有一啲貢丸扎肉等等，辣味亦都唔會好重，食落好惹味好順口。跟住叫咗一個惹火上身上鹹檸豬頸肉，同佢個名一樣，店員真係會開火燒一下豬頸肉，好睇又好食，豬頸肉好嫩。之後我哋就叫咗一個差不多一尺蝦，呢隻蝦真係好大隻，食落超彈牙爽口啖啖肉好滿足。小食嚟講叫做一個shake shake雞軟骨，可以自己揀落辣粉，雞軟骨唔會淨係得骨或者肥肉，肥瘦啱啱好。 仲叫咗一個咖啡骨，呢個好特別，咖啡骨上面有一大嚿棉花糖，另外有一細罐裝著熱咖啡，倒咖啡落棉花糖嗰度令到成個骨甜得嚟又有啲甘味，好特別。野飲我哋叫咗兩個，一個係青蘋果茶，一個係金桔檸檬綠茶，兩個都唔會好甜，好清新好解膩。真係好鍾意呢間餐廳，價錢合理得嚟好好食，環境亦都好好坐
我哋六點鐘去到，唔算好多人但係聽到七點鐘嘅booking已經full曬。 我同男朋友試咗好多唔同嘅菜式：
首先我哋叫咗一個麻辣鴨血金邊粉，令我驚喜嘅係佢價錢好平，但份量好多，入面有五件鴨血，又有一啲貢丸扎肉等等，辣味亦都唔會好重，食落好惹味好順口。
跟住叫咗一個惹火上身上鹹檸豬頸肉，同佢個名一樣，店員真係會開火燒一下豬頸肉，好睇又好食，豬頸肉好嫩。
之後我哋就叫咗一個差不多一尺蝦，呢隻蝦真係好大隻，食落超彈牙爽口啖啖肉好滿足。
小食嚟講叫做一個shake shake雞軟骨，可以自己揀落辣粉，雞軟骨唔會淨係得骨或者肥肉，肥瘦啱啱好。 仲叫咗一個咖啡骨，呢個好特別，咖啡骨上面有一大嚿棉花糖，另外有一細罐裝著熱咖啡，倒咖啡落棉花糖嗰度令到成個骨甜得嚟又有啲甘味，好特別。
野飲我哋叫咗兩個，一個係青蘋果茶，一個係金桔檸檬綠茶，兩個都唔會好甜，好清新好解膩。
真係好鍾意呢間餐廳，價錢合理得嚟好好食，環境亦都好好坐
张贴
