🍲 香濃魚餅鍋燒烏冬
第一口湯已經好有感覺。鰹魚湯底望落清澈，但味道出奇地濃郁，帶點日式甘甜而不會死鹹，對鹹度敏感嘅我都飲晒。加埋熱辣辣上枱，一口湯暖到上心口，非常舒服。
配料方面，有彈牙魚餅，質感結實但唔會硬，味道亦唔會太寡，整體配搭好平衡。
店內寫明烏冬係新鮮製作，麵條帶住手打嘅自然粗幼度，入口滑但有咬口，彈性很好。
單係食麵都已經滿足，係我最近食過比較出色嘅烏冬。
🍶 新推廣的清酒「獺祭」
撞啱最近新加咗獺祭，仲原來可以㨂鍾意清酒杯慢慢飲，頗有儀式感。味道清爽、易入口，配湯麵好啱。飲兩杯全身都暖晒，冬天嚟講非常加分。
