影片
更多
2013-10-13
315 浏览
個幾月前突然好想食蛋包飯，就諗起呢間想黎試下，始終喺香港開咗咁耐都冇食過，可惜放工太晏一直都無緣。今日有要事到尖沙咀終於可以試到啦∩__∩我同男朋友大概五點半到，過咗下午茶又未到晚市，人唔多一入就大把位。不過入到黎冇人帶位，等咗一陣居然係廚房嘅一位職員帶位Σ( ° △ °|||)︴檯上放好兩本menu，但係一本上攤咗隻蒼蠅屍O_o都算啦，我地揀好野食之後就點餐，侍應都係睇唔到，又係廚房嘅人見到再同侍應講，唉...睇到個餐牌寫有得揀辣度，少飯仲有得減$5，幾好呀，我男朋友喜歡辣，我又食唔多，呢啲選擇啱哂我地。點知落order嘅時候，個waitress好似講多隻字都會阻住佢咁，仲要話呢個冇得揀辣度，呢個本身少飯無得減，聽落令我覺得因為要減嗰5蚊而要少飯咁(－－〆)落完單連人影都唔見...食物到咗，我地叫咗一個忌廉雞肉奄列飯同吉列豬扒咖喱奄列飯，雞肉啱啱熟都幾滑，蛋炒得幾滑不過無乜蛋味，牛奶味太重有啲膩，加埋有忌廉汁令到咖喱味淡咗。吉列豬扒個粉漿唔厚唔薄又夠脆，仲有啲肉汁真係唔錯。兩碟飯嘅咖喱汁啲份量啱啱好可以送到飯同啲送。可惜無得少飯我食唔哂...收碟時見我隻碟仲有飯就唔收一路擺喺檯，只係
我同男朋友大概五點半到，過咗下午茶又未到晚市，人唔多一入就大把位。不過入到黎冇人帶位，等咗一陣居然係廚房嘅一位職員帶位Σ( ° △ °|||)︴檯上放好兩本menu，但係一本上攤咗隻蒼蠅屍O_o都算啦，我地揀好野食之後就點餐，侍應都係睇唔到，又係廚房嘅人見到再同侍應講，唉...
睇到個餐牌寫有得揀辣度，少飯仲有得減$5，幾好呀，我男朋友喜歡辣，我又食唔多，呢啲選擇啱哂我地。點知落order嘅時候，個waitress好似講多隻字都會阻住佢咁，仲要話呢個冇得揀辣度，呢個本身少飯無得減，聽落令我覺得因為要減嗰5蚊而要少飯咁(－－〆)落完單連人影都唔見...
食物到咗，我地叫咗一個忌廉雞肉奄列飯同吉列豬扒咖喱奄列飯，雞肉啱啱熟都幾滑，蛋炒得幾滑不過無乜蛋味，牛奶味太重有啲膩，加埋有忌廉汁令到咖喱味淡咗。吉列豬扒個粉漿唔厚唔薄又夠脆，仲有啲肉汁真係唔錯。兩碟飯嘅咖喱汁啲份量啱啱好可以送到飯同啲送。可惜無得少飯我食唔哂...收碟時見我隻碟仲有飯就唔收一路擺喺檯，只係收走我男朋友嗰碟，要我特登擺出檯邊先收，問都唔問下...
加咗錢轉套餐，加$15揀兩樣，$20揀三樣，$25加哂四樣，可以揀例湯，迷你沙律，雪糕（兩款），飲品。我地揀咗一人一個湯，一杯凍咖啡一杯凍奶茶，一個雪糕。例湯係洋蔥湯，偏鹹但個人比較重口味尚可接受。咖啡好香，味道唔酸唔太苦，奶茶就麻麻地冇乜茶味，奶同糖都係自己加唔怕太奶或者太甜。飲品都就黎飲完，要自己問個侍應先上雪糕唔會主動問你。雪糕味道冇得揀，今次食嘅係曲奇同士多啤梨。雪糕球都唔細，唔似其他餐廳咁細細個兩啖食哂嗰啲，上嘅時候佢仲會擺落個雪凍咗嘅碗，等你食嗰陣都唔會咁易溶。侍應亦有俾兩隻匙羹，唔會因為得一個加咗就淨係俾一隻你。
到咗埋單，唉...又係廚房嘅人見到再同個侍應講<(｀^´)>最重要嘅係其實個侍應喺距離我張檯只係兩個䃈磚Σ( ° △ °|||)︴總數$187
今餐只可以講多得廚房哥哥，唔係我都唔知點算╯︿╰
张贴
