CoCo壹番屋 (新港中心)

营业中

休息中

主打原創咖喱份量、辣度、配菜都可以自由配搭以前返工食晏鐘意過嚟食已經有十年冇食🫢水準依舊🤩最鐘意就係食佢個「招牌日式吉列豬扒咖喱飯」「雲尼拿雪糕」餐飲可以唔飲但佢個雪糕唔可以唔食😬個晚我地3個人：💜特製吉列豬扒咖喱飯💜紅酒燴牛肉庵列飯💜雙重漢堡烤芝士咖喱飯💜益力多梳打💜雲尼拿雪糕💜抹茶雪糕

約咗朋友去食Coco壹番屋，之前食過覺得唔錯，想睇下質素係咪依然保持水準，加上朋友又想食咖喱又唔係太食得辣。🍛✨今次點咗炸豬排咖喱飯同海鮮咖喱飯，豬排仍然炸得香脆，外層金黃，內裡仲係保持嫩滑，豬肉唔會太乾，但份量感覺偏少。咖喱醬係Coco一貫嘅濃郁風格，略帶甜味，辣度可以自己揀，幾貼心。至於海鮮咖喱飯，配料有蝦🦐、魷魚同青口，味道唔錯，但海鮮嘅新鮮感稍稍欠奉，食落無太大驚喜。另加咗一個炸薯餅，外層炸得香脆，內裡軟糯，幾適合配咖喱一齊食。飲品方面揀咗杯凍綠茶，清新解膩，但口感偏淡，冇特別突出。無食咁耐估唔到佢都穩定無變，味道唔會失準，但如果之前食過，今次再試就可能覺得欠缺新意。價錢合理，但以份量嚟講性價比一般。如果你鐘意日式咖喱，其實都係一個值得一試嘅餐廳，但如果期望有新鮮感或者創意菜色，可能要考慮其他選擇，因為咁多年佢既餐單都係無變過。🍛😊

同男朋友去親尖沙咀行街又唔係好想食咁多嘅時候間唔中都會諗起Coco😂今次我嗌咗人氣no2嘅漢堡奄列咖喱飯，男朋友就食人氣no1嘅咖喱豬扒奄列咖喱飯，辣度可以自選，我哋一個揀咗2分一個3分辣。上菜嘅速度都算快，而且上枱嘅時候冒哂煙😌都叫做冇hea啲客呀🤣咖哩嘅份量好足，絕對夠我哋撈哂成個飯，味道方面不過不失喇，都係想像中嘅味道😂吉列豬扒夠熱，係唯獨皮略厚，同埋有少少皮肉分離，至於漢堡扒，雖然得兩塊，但係食食下都有少少膩，一定要配飯食，味道同樣不過不失。我哋跟套餐，加咗嘢飲同雲呢拿雪糕。雪糕反而有驚喜🍨雪糕杯底有少少穀物脆脆同麥片增加口感，雲呢拿味都食得出唔係cheap cheap來貨，收個靚尾😌

同朋友係尖沙咀行街，大家一齊想食咖哩🍛，search 到新港中心有COCO分店，一於試下先分店幾大，入到去有去左日本🇯🇵感覺，好多大卡位，同朋友傾計好合適👭，服務員都好親切叫咗個 set一份炸雞球🐔咖喱飯配可樂🥤加雪糕🍨🍧因唔食得辣，可以選唔辣，非常好👍，感覺好似係日本食緊地道日本飯。雞球炸得脆，但又唔會乾，枱面有支蜜糖可以添加，一至兩滴已足夠令到啲咖喱味更加香濃。去到最後就最期待既雪糕🍨，揀左雲呢拿味上邊仲有啲甜甜穀物，非常好味🤗

自己其實間唔中都會想食下咖喱吉列豬扒飯，對上一次食coco已經係幾年前食，適逢最近岩岩轉左新工，附近就有一間，當然係要拜會下佢。今次揀左正常辣嘅招牌咖喱吉列豬扒飯配餐湯同雪糕。作為人氣no.1嘅吉豬，品質毋庸置疑。皮脆，量夠，咖喱汁甜中略帶點辣。餐湯係中規中矩嘅日式湯，不過勝在有幾多料。反而係幾欣賞佢嘅雪糕。佢係用雪凍左嘅碗仔去載雪糕，再加上有輕輕嘅擺盤。睇落普通嘅雪糕加上有口感嘅脆脆粒同薄荷葉。食落好滿足，為午餐作一個很好嘅收尾。p.s.幾欣賞佢有少飯減5蚊嘅選項，環保得嚟又可以幫冇咁大食嘅人慳返五蚊，抵呀！

今日同朋友食飯，佢想同個女試吓Coco一番屋嘅兒童餐，跟住就嚟咗呢度。尖沙咀新港中心呢一間餐廳唔算好多人，所以唔使等位已經有得入去，店員見到有小朋友都問使唔使要BB凳，服務幾好幾細心。今日我哋兩大一小，所以嗌咗兩個餐加一個兒童餐。1️⃣紅酒燴牛肉奄列飯因為我今日唔想食辣嘢，見到有呢個期間限定嘅紅酒，就試吓佢。佢本身都仲可以揀辣度，但我就揀咗標準（唔辣）。佢個紅酒汁幾好食，同啲牛肉同埋滑蛋好夾。而佢啲牛係肥牛片，所以都唔會韌。我覺得如果佢配埋少少蔬菜盤碟就更加平衡啦。2️⃣奄列咖喱飯（兒童餐）作為一個兒童餐嚟講，佢都算幾大份，又有粟米粒、又有薯菜、又有啲腸仔咁。但係因為係兒童餐嘅關係，所以咖喱就係唔辣嘅。兒童餐仲包埋嘢飲同玩具。（小朋友唔俾我玩個玩具，所以只能夠影到少少😂😂）玩具好似唔係剩係得呢種，但係BB佢揀咗要呢個。3️⃣炸忌廉咖喱飯咖喱飯一般都有得揀辣度，我朋友就揀咗一度，佢仲推介加少少果蜜醬，少少甜可以中和咖喱嘅辣，提升口感嘅刺激。而炸忌廉餅係好似薯餅咁，入邊有蟹肉嘅，所以如果唔食得海鮮嘅朋友要注意啦我哋三個都有加雪糕同嘢飲，嘢飲冇乜特別就唔影啦，雪糕就有雲呢拿雪糕、綠茶雪糕、迷你雪糕。雲呢

最近天寒地又凍，最好就係食啲熱嘢暖吓肚，除咗打邊爐同煲仔飯之外，我會諗起熱辣辣嘅咖喱飯，暖胃又飽肚🍛CoCo壹番屋喺日本擁有超過1,000間分店, 海外亦積極拓展版圖，例如夏威夷, 中國, 台灣, 韓國同香港本人鍾意食日式咖喱飯，除咗因為佢哋嘅醬汁經過改良之外，亦因為佢哋會有好多唔同創意; 例如呢間佢哋每台會俾一支果蜜醬🍯 - 用多種水果和蜂蜜調配而成嘅醬汁, 令到咖喱嘅辣味更加有層次和平衡口感其實而家喺香港可以$100以內食到一餐幾好食嘅飯已經算唔錯, 而佢哋無論咖喱汁, 飯同漢堡扒水準都出色; 唯一美中不足嘅係兩塊漢堡扒份量偏少, 完全唔夠餸飯，希望可以稍為增加份量，就算俾多少少都可以接受

當晚，跟好友出去尖沙咀，行來行去，走到新港中心，起初在美食廣場大食代兜個圈，他認為與其食幾十$餐，不如坐低舒舒服服又有店員送餐；最終，他還是帶我到3樓的日式咖哩飯店 <CoCo壹番屋>，終於可以請他食飯嘞！他真的為我慳錢！其實，當晚好少食客，多數坐在牆邊或玻璃窗口位置。我們發現有位男店員好似唔想做比較 Hea，反而，另一位女店員比較勤快！Menu套餐 一 選 三 (+任選2款) +$21我選擇：飲品及沙律他選擇：飲品及雪糕 （另以雪糕劵可要求隨時送上）蘋果薄荷茶 +$10以新薄荷茶加蘋果糖漿混合而成，味道不會輸！入口酸甜有致又涼浸浸！沙律 配和風醬汁和風柚子醋，酸香醒胃！沙律菜包括：粟米、新鮮生菜、...雪糕：雲呢拿雪糕點選其他雪糕口味，要補 $10雲呢拿雪糕考妙地加上燕麥脆脆，增添了口感之餘，又出奇地夾！驚喜！日式咖哩飯 炸雞球奄列咖哩飯 (不辣) $78一客5件炸雞球，新鮮炸起熱辣辣又香脆！ 咖哩飯香噴噴！奄列的炒蛋嫩滑濕潤，珍珠米飽滿，咖哩汁好香，甜而不辣！賣相及份量比預期少， 總之，尚算夠飽！吉列豬扒奄列咖哩飯 (不辣) $82食得辣的他，為了想我試試他的吉列

食左Co Co很多年, 也食過好多間, 最好食係新港中心店, 來到尖沙咀, 都會來吃.吉列豬扒庵列咖喱飯 Pork Cutlet Omelet Curry:今次終於夠汁啦! 食過好多間&好多次, 要多少少汁都不可以.每次都就係唔夠汁, 來食日本咖喱, 咖喱汁很重要.今次終於夠晒汁, 超夠喉.加炸魷魚$23: 普通啦. 一試無妨,  如果再肥大點就好了和風迷你沙律 : 和風汁, 好好味, 沙律也很新鮮.凍檸茶: 很好, 甜度及有冇冰, 都可選擇.套餐4選2(+$23)

經常會去朗豪坊 food court 壹番屋食個快飯，多數都食鮮忌廉奄列咖哩飯，今日去尖沙街經過壹番屋就入去試下，餐廳環境比foodcourt寬敞好多，可能剛剛晚市，所以人流不多，坐位好舒適，點餐是用QRcode 自動點餐凍咖啡沙律清甜， 爽口吉列豬扒奄列咖哩飯咖哩出色， 滿滿咖哩汁足夠餸飯，炒蛋很嫩滑！茄子菠菜咖哩焗飯份量看似很細，但其實很足夠，因為滿滿的芝士很飽肚，食到最後有小小滯，味道唔錯，只是飯有小小爛芝士薯條番茄醬蓋過芝士，唔太食得出芝士味，如果醬的比例上作出小小調整效果會好好多千層蛋糕，味道可以但皮很很乾，可能存放日子有點耐埋單是自行出去櫃檯埋單總括來說coco壹番屋選擇咖哩飯系列最穩陣另外除了帶位的男待應有點笑容外，其他待應就欠缺朝氣，落單和埋單全是自助，感覺同去茶餐廳分別不大，最大分別是茶餐廳不用加一服務費

一個人夜晚係尖沙咀, 真係唔知食咩好, 最後決定試下呢間, 睇Menu樣樣都想食, 咖喱可以簡不同辣度, 適合唔同的人所需, 最後簡左個咖喱豬扒蛋包飯(不加辣), 即整的, 但唔係等左好耐, 豬扒好脆, 蛋夠滑, 咖喱(不加辣)岩曬我, 咖喱汁又唔會太多, 剛剛沾到全部白飯, 最後食曬成碟, 好鬼飽~

雖然只賣咖喱，但其實菜色選擇很多。看完一輪，還是點了最穩陣的吉列豬扒配蛋包飯。蛋是滑蛋，很軟滑。吉列豬扒正常，很脆，豬扒不鞋。咖哩點了正常辣度，其實也完全不辣。但份量太細了，200g飯兩下子吃完。整體不錯，裝修和環境很有日式的感覺。

每次經過TST都會食COCO一番屋, 這間日本咖哩餐廳由我中學食到現在 估不到COVID都頂得到, 日本咖哩偏甜為主, 十分適合怕辣的我。今次7PM去食, 全店都只有5-6檯客人, 客人不算多。我點了咖哩漢堡扒飯，配沙律和凍餐廳咖啡，漢堡多汁不干，肉味很濃，我最喜歡點凍咖啡，因為奶是自己加的, 不怕多奶會太肥。不過餐廳已經很久，所以地方有點舊。

同事想食咖哩，近近地就黎左新港CoCo啦～吉列豬扒奄列咖哩飯豬扒脆，肉質亦唔錯，但咖哩味唔夠香濃，比以前差左好多蔬菜咖哩飯無咩特別，自己買咖哩磚整，比呢個仲好食囉～質素越黎越差，唔怪得少左咁多人幫襯啦！

🌿 幸福的是到一間喜歡的咖喱飯店點最愛的咖喱漢堡扒飯來一杯冰凍的紅豆雪糕感恩不一定是感謝大恩大德而是一種生活態度是一種善良的人性美十月願我們都好🍊 CoCo壹番屋 ______________________________